ලංකාවේ ඉපැරිණිමවූ වෙබ් අඩවියක් වන ලංකානිව්ස් වෙතට ආ ඔබ සාදරයෙන් පිිළිගනිමු...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
ලංකානිව්ස්. Powered by Blogger.

Translate

ඔබගේ දැන්වීම්

ඔබගේ දැන්වීම්
ඔබගේ වෙළඳ දැන්වීමට LANKANEWS තුළින් ඉඩක්...සීමිත සහ වටිනා අවස්ථාවක්...දැන්ම අපට ලියන්න[email protected]

හොඳම වෙබ් හොස්ටින්

හොඳම වෙබ් හොස්ටින්
ඔබගේ නවතම වෙබ් අඩවි සඳහා පමණයි...!!!

Sinhala News Site

BannerFans.com

ඔබගේ ලුහුඬු දැන්වීම් නොමිළේ

BannerFans.com

ලංකානිව්ස්

ගුවන්‍ යානා තොරතුරු

ගුවන්‍ යානා තොරතුරු
විශේෂ වෙබ් අවකාශයක්

ලක් පුවත්

අපගේ මතකය අතරින් BannerFans.com
Seilankan Informations

QR Code generator

Lankanews+ Followers

ජනප්‍රිය ලිපි එකතුව

Wednesday, August 19, 2015

ස්වභාවික පලිබෝධ නාශක වර්ග 10ක්

ශාඛ වලට වැලදෙන විවිධ ලෙඩරෝග හා කෘමි හානි වගේ දේවල් වලට මොනවද කරන්න ඕනේ කියලා නිතරම අහන අයගේ ප්‍රයෝජනය සදහා
නිවසේදී සාදා ගත හැකි ස්වභාවික පලිබෝධ නාශකයන් හා ස්වභාවික පලිබෝධ නාශක ක්‍රම...

 1. කොහොඹ ඇට නිස්සාරනය
කොහොඹ ඇට ග්‍රෑම් 25 කොටා ජලය ලීටර් එකකට දමා පැය 24 ක් තබා ජලය ලීටර් 4-5 ක් හා සබන් සමඟ මිශ්‍ර කර හවස් වරුවේ ඉසින්න.
මෙය කොළ කන ගෙඩි විදින හා කඳ විඳි පනුවන්, පැල හා කොළ කන කීඩෑවන් , පත්‍ර කනින්නා , ඉල්මැස්සා , මයිටාවන් , සුදු මැස්සා , පාලනය සඳහායොදාගත හැක.

2. අනෝදා ඇට නිස්සාරනය
අනෝදා ඇට ග්‍රෑම් 70 කොටා / අඹරා ජලය ලීටරයක දියකරපෙරාගත් දියරය ඉසින්න.
මෙය යුෂ උරාබොන මකුණන් , පැල සහ කොළ කීඩෑවන් , කොළකන පණුවන් සාර්ථකව පාලනය කල හැක.

3. කීඩාරං අල ( වී වගාවේ පණුවන් මර්දනයට )
කීඩාරං අල කිහිපයක් ගෙන ඒවයේ මැද හාරා සහිඳ ලුණු , පල්මානික්කම් , සින්නක්කාරන් එකට අඹරා අලයේ කුහරයට දමා අලය ගෙන ලියද්දේ මුදුනත තබන්න.
දින 7  ඇතුලත මේ අලය කුණු වී වතුරට සේදීයයි.ඒ අතරදී ගොයමේ සිටින පනුවන් මැරී යයි.

4. සත්ව අපද්‍රව‍ය ( ගව මුත්‍රා ගොම )
ගව මුත්‍රා සති 2 කක් පමන හිරු එලියේ තබා එය ජලයෙන් හය ගුනයක් ථනුක කර ඉසින්න.කෘමීන් සහමුලින්ම නිවාරනයි.

5. තක්කාලි දඬු
තක්කාලි කඳන් , පත්‍ර හා ශාකයේ කොටස් සිහින්ව කපා පොඩිකර එයට සමාන ජලය එකතුකර මඳ ගින්නේ රත්කර පෙරා වගාවට ඉසින්න.
කෘමිවිකර්ශණ ගුනය නිසා පලිබෝද හානිවේ.



වගාවේ රෝග නසන්න ශාක සාර බෙහෙත්

ජීවපූර්ණ ගෙවතු වගාවේදී පළිබෝධ නාශක ලෙස භාවිතා කළ යුත්තේ ස්වභාවික ශාක සාරයන්ය. සොබාදහම විසින් ඒ සඳහා බොහෝ දේ අප වෙත දායාද කර ඇත.
ස්වභාවධර්මයා විසින්ම අපට උරුම කර දී ඇත්තේ එය පරිසරයටත්, මිනිසාටත් කිසිදා අහිතකර පීඩාවක් ඇති නොවන ආකාරයටය.  මෙය අපේ පැරැණි ගොවිතැනේ සාර්ථකත්වය පිටුපස තිබුණා වූ එක් රහසකි.
අනාගත පරපුර වෙනුවෙන් එකී දැනුම අද දවසේ භාවිතා කිරීම වඩාත් යෝග්‍ය බැවින් ඔබත් ඔබේ ගෙවතු වගාවේ ඇතිවන පළිබෝධ හානිවලදී මෙවැනි මර්දන ක්‍රම භාවිතා කර බැලිය හැකිය.
පලතුරු මැස්සා කුකර්බිටේ සියේ කුලයේ බෝගවලට දැඩි ලෙස හානිකරයි. මෙම මැස්සාගේ හානිය පාලනය කිරීමට හොඳින් පිපුණු මඩුමල් හෝ මදුමල් කීපයක් ගෙන කුඩා කැබලිවලට කපා කුඩුකර ඉසීමෙන් පලතුරු මැස්සාගේ හානිය වළක්වාගත හැකියි.
අරලිය මල් - එළවළු වගාවට හානි කරන සියලු කෘමීන් පලවා හැරීමට යොදා ගත හැකිය. අරලිය මල් කුඩාවට කපා වතුරට දමා දිනක් පල්කර එම වතුර එළවළුවලට ඉසීමෙන් සියලු කෘමීන් ඵලවා හැරේ. ගස්ලබු - එසේම මයිටාවන්, කූඹිත්තන් මර්දනයට කිරි වැඩි ගස්ලබු ගෙඩියක් සිහින්ව කපා ජලය ලීටර් 05 ක මිශ්‍ර කර දිනක් තබා පෙරා ඉසීම කළ හැකිය.
මකරන්ද - එළවළු වගාවේදී මකුණන්විශේෂවලින් සිදුවන හානි වළක්වා ගැනීමට මකරන්ද ගසේ කොළ එකතු කර ගෙවත්තේ තැනින් තැන කුණුවීමට හැකිවන පරිදි ගොඩ ගැසිය හැකිය. එමඟින් ඇතිවන දුර්ගන්ධය නිසා මකුනන් මෙන්ම කෘමීන් ද පලවා හැරේ.
දළඹුවන් මර්දනය සඳහා කළවැල් සහ වල්සූරියකාන්ත යන ශාක පත්‍ර දෙකම සමානව ගෙන තලා ලබාගන්නා යුෂ යොදාගත හැකිය. මෙයට අමතරව තක්කාලි ගසේ සියලු කොටස් ග්‍රෑම් 500 ක්, වතුර ලීටර් 02 කින් තම්බා ඉසීමෙන් ද දළඹුවන් පලවාහැරිය හැකිය.
කූඹිත්තන්, මයිටාවන්, කුරුමිණියන් සහ කෘමීන්ගේ හානි අවම කර ගැනීම සඳහා ඇවරි කොළඅතු කිලෝ 2 ක් 3 ක් අඹරා වතුර ලීටර් 01 සමඟ මිශ්‍රකර දිනක් පල්කර පෙරා ඉසීමෙන් ඉහත පළිබෝධකයන්ගේ ගහනය මෙන්ම හානිය ඉතා හොඳින් පාලනය වේ. මෙයට අමතරව ග්ලිරිසීඩියා හෝ කප්පරවල්ලිය, හී නික යන ශාකවල කොළ කිලෝ 01 ක යුෂ ජලය ලීටර් 03 ක දියකර ඉසීමෙන් ද පාලනය කර ගත හැකිය.
දිලීර රෝග ද ගෙවතු වගාවේදී බරපතළ හානි පමුණුවන රෝග කාරකයන් වේ. දිලීර රෝග සඳහා ග්ලිරිසීඩියා, හිඟුරු (ලපටි දඬු සමඟ) නත්තසූරියා, කොහොඹ, ලුණුමිදෙල්ල කොළ කිලෝ 01 බැගින් තිප්පිලි කොළ ග්‍රෑම් 500 ක් සමඟ හොඳින් මිශ්‍ර කර පොලිතින් දැල් උරයකට දමා ජලය ලීටර් 10 ක සතියක් පුරා ගිල්වා තැබීමෙන් පසුව පෙරා බෝගයන්ට ඉසීමෙන් දිලීර රෝග මෙන්ම කෘමීන් ද පාලනය වේ.
කොහොඹ ලොව හොඳම පළිබෝධ නාශකය වේ. කොහොඹ, කොළ, මල්, ඇට සහ පොතු යන මේ සියල්ල කෘමීනාශක වේ. ඇටවල පලිබෝධ නාශක ගුණය වැඩිය. කොහොඹ ඇට කොටා දිනක් ජලයේ පල්කර ජලය දමා පෙරා එයට සබන් වතුර එක්කර ඉසීමෙන් සියලු පලිබෝධක පාලනය වේ.
කොහොඹ ඇට ග්‍රෑම් 20 ක් වතුර ලීටර් 01 කට මිශ්‍ර කිරීම ප්‍රමාණවත් වේ. පරණ වූ ඇට නම් ග්‍රෑම් 35 – 40 ක් පමණ ප්‍රමාණයක් ගන්න. කොහොඹ ඇට දියරය ඉසීමේදී හවස් වරුවේ යෙදීම තුළින් වැඩි ප්‍රතිඵලයක් ලබාගත හැකි වන්නේය.
හිරු එළිය කොහොඹ ඇටවල ඇති පළිබෝධ නාශක ගුණය අඩු කරයි. මෙම ගුණය වගාවේ සති 01 - 02 ක් අඛණ්ඩව පවතියි. මෙම ඇටවල රොඩ්ඩ වගා බිමට යෙදීම අහිතකර ක්ෂූද්‍ර ජීවීන් සහ වේයන්ගේ හානියට ඉතා හොඳය. ඇට කුඩු ග්‍රෑම් 25 ක් වර්ග මීටර් 01 ක යෙදීමෙන් ඇග්‍රොමයිකා සහ කියත් පණුවා මර්දනය වේ. මෙයින් සියලුම කොළ කන දළඹුවන් මර්දනය වේ.
වගාවේ පණු රෝග බහුලව ඇත්නම් කරඳ සහ කොහොඹ කොළ සමව ගෙන (කිලෝ 01 බැගින්) ජලය ලීටර් 8 – 10 සමඟ එයට එලගොම කිලෝ 02 පමණ මිශ්‍ර කර දින 14 ක් පල්කර එසේ පෙරාගත් දියරයෙන් කොටස් 01 ක් ජලය කොටස් 02 ක් සමඟ මිශ්‍ර කර ඉසීමෙන් පණු රෝග මෙන්ම පණුවන්ගේ ගහනය ශීඝ්‍රයෙන් අවම වේ.
ගෙවතු වගාවේදී අපට කෘමීන් වගේම කූඩිත්තන් සහ කුහුඹුවන් මෙන්ම දළඹුවන්ගේ හානි ප්‍රබල ලෙස ඇතිවේ. මේ හානි වළක්වා ගැනීම සඳහා ඉතාම සරල මෙන්ම සකසා ගත හැකි පහසු ක්‍රමවේදයක් ඇත. වියළි මිරිස් ග්‍රෑම් 100 ක් ජලය ලීටර් 01 සමඟ හොඳින් අඹරා පෙරාගන්න. එම මිරිස් ද්‍රාවණයේ සැර, පස් ගුණයකින් බාලකර ඉසීම මගින් ඉහත කී කෘමීන් හොඳින් පාලනය වේ. මෙහි ක්‍රියාකාරීත්වය ප්‍රබල කරන්නට සුදුළූණු හෝ රතුළූණු බික් කීපයක් අඹරා එක්කර ගන්න.
සුදුළූණු ග්‍රෑම් 50 ක් අඹරා ජලය ලීටර් 01 සමඟ හොඳින් මිශ්‍ර කර ඉසීමෙන් ද කෘමි හානි අවම කරගත හැකිය. හංගොල්ලන්, ගොළුබෙල්ලන් ද ගෙවතු වගාවට රිසි සේ හානිකරනු ලබන සත්ත්ව විශේෂයකි. මෙම සතුන් සහමුලින් වඳකර දැමීමට අපට අයිතියක් නැත. එහෙත් වගාවට පැමිණීම හා හානිය අවම කර ගැනීම ඉතා වැදගත් වේ. මේ සඳහා අමු ඉඟුරු, ලුනු, සුදුළූණු, වියළි මිරිස් ග්‍රෑම් 100 බැගින් ගෙන හොඳින් අඹරා වතුර ලීටර් 01 ක ඉසීමෙන් සාර්ථක ප්‍රතිඵල ලබාගත හැකිය.
බටු කරටි විදින පණුවා ඉතා ඉක්මනින් බෝවේ. මෙම ගහණය වැඩිවන්නේ වගාව අපිරිසිදුතාවය වැඩි වූ විටය. පළමුව වගාබිම පිරිසිදු කරන්න. ඉන් අනතුරුව ගඳපාන, වල්ඉඟුරු, කලවැල් යන මේවා සමවගෙන බටු වගාවේ බිම වසුනක් ලෙස යෙදීමෙන් පාලනය වේ.
දැඩි මර්දනයක් අවශ්‍ය නම් ඉහත කී කොළ කිලෝ 01 බැගින් සමව ගෙන කොටා එය දිනක් පල්කර ජලය ලීටර් 03 – 05 ප්‍රමාණයක් දමා ඉසීමෙන් දැඩි මර්දනයක් ඇතිවේ. මිරිස් කොළ කොඩවීම ද ඔබට නිතර ගෙවතු වගාවේදී දක්නට ලැබෙන රෝගී තත්ත්වයකි.
මෙය පාලනය කර ගැනීමට නම් වැල්කහඹිලියා කොළ ග්‍රෑම් 50 ක් – 100 ක් සිහින් කෑලිවලට කපා ජලය ලීටර් 01 – 02 ත් අතර ප්‍රමාණයක දමා මාස 01 ක් හොඳින් වසා තබන්න. මාස 01 කට පසු තේ කහට මෙන් කුණු වූ රොඩු නැති දියරයක් ලෙස ඇත්නම් එය පෙරා බෝතලයක දමා තබාගෙන මෙම දියරයෙන් අවුන්ස 02 ජලය ලීටර් 05 ක් සමඟ මිශ්‍ර කර සතියකට වරක් උදය වරුවේ ඉසින්න. රෝග තත්ත්වය පාලනය වේ.

පළිබෝධ මර්දනයට කොහොඹ ඇට

කොහොඹ ගස අතීතයේ පටන් අප හොඳින් දන්නා පළිබෝධ නාශක හා ඖෂධීය ගුණයක් ඇති දේශීය ශාකයකි.
සාමාන්‍යයෙන් මීටර් 25 ක් පමණ උසට වැඩෙන කොහොඹ ගස බහුලව දක්නට ලැබෙන්නේ ශී‍්‍ර ලංකාවේ පහතරට වියළි කලාපයේ හා අතරමැදි කලාපවලයි. තෙත් කලාපයේ ද කොහොඹ ගස වගා කළ හැකි වුවත් ඵල හට ගන්නේ වියලි සහ අතරමැදි කාලවලය.
කොහොඹ ගසේ සෑම කොටසක්ම පළිබෝධ නාශක හැකියාව පවතින නමුත් පළිබෝධ නාශක හැකියාව වැඩියෙන්ම දක්නට ලැබෙන්නේ ඇටවලය. කොහොඹ ගසේ මාර්තු හා මැයි කාලවලදී මල් හට ගන්නා අතර අගෝස්තු හා ඔක්තෝබර් මාසවලදී ගෙඩි ලබා ගත හැකිය.
කොහොඹ ඇට ලබා ගැනීමට කොහොඹ ගෙඩියේ ඇටවල මාංසල කොටස සෝදා මද අව්වේ වියළා සිසිල් වාතාශ‍්‍රය සහිත ස්ථානයක හිරු එළියට නිරාවරණය නොවන සේ ගබඩා කළ යුතුය. එලෙස ගබඩා කිරීමෙන් අහිතකර දිලීර වර්ධනය අවම කර ඇටවල කි‍්‍රයාකාරි ද්‍රව්‍ය වැඩි කාලයක් ආරක්‍ෂා කරගත හැකිය. ගබඩා කාලය වර්ෂයකට අඩුවිය යුතුය.
කොහොඹ ඇටවල කි‍්‍රයාකාරි රසායනික සංයෝග 200 කට වැඩි ප‍්‍රමාණයක් දැනට සොයාගෙන තිබේ. ඒවා අතුරින් වැඩි කි‍්‍රයාකාරිත්වයක් ඇත්තේ ඇසචිරුක්ටීන් නම් සංයෝගය.
කොහොඹ ඇට ජල නිස්සාරකය විශේෂ 192 කට අයත් කෘමි පලිබෝධකයන් පාලනය කිරීම සඳහා සාර්ථකව යොදා ගත හැකිය. අප බහුලව වගා කරන බෝග වර්ග කිහිපයකට හානි කරන පහත සඳහන් පළිබෝධකයින් කොහොඹ ජල නිස්සාරකය මගින් සාර්ථකව පාලනය කළ හැකි බව පර්යේෂණවලින් සනාත වී තිබේ.
ගෝවා වගාවේ දියමන්ති පිට සහිත සලබයා, ලුපර් දළඹුවා, ගෙඩි විදින දළඹුවා.
බටු ශාකයේ පත‍්‍ර කනින්නා පත‍්‍ර කීඩෑවෝ කරටි හා ගෙඩි විදින දළඹුවන්, කොළ කන කුරුමිණියන් ද මයිටාවන්ගෙන් වන හානිද, බෝංචි ගසේ පත‍්‍ර කීඩෑවා, පැල මැක්කන් බෝංචි මැස්සා, කරල් විදින දළඹුවන්, මයිටාවන් ද, තක්කාලි ශාකයේ පත‍්‍ර කනින්නන්, ගෙඩිවිදින දළඹුවන් පැළ මැක්කන් ද විසිතුරු මල්වල පත‍්‍ර කනින්නන්, පැළ මැක්කන්, පත‍්‍ර කූඩිත්තන් යන පළිබෝධනයන් මර්දනයට කොහොඹ ඇට ජල නිස්සාරය යොදා ගත හැකිය.
කොහොඹ ඇට ජල නිස්සාරකය සාදා ගන්නා ආකාරය
පිරිසුදු කොහොඹ ඇට ග‍්‍රෑම් 40 ක් හොඳින් කොටා ජලය ලීටර් එකක් මිශ‍්‍ර කර පැය 12 - 24 පමණ අඳුරු ස්ථානයක තබා පසුවදා එම මිශ‍්‍රණය කිහිපවරක් මිරිකා පෙරා ගත යුතුය. පෙරණයට සබන් දියර ස්වල්පයක් මිශ‍්‍ර කර සවස් කාලයේ තද හිරු එළියට නිරාවරණය නොවන ලෙස සාමාන්‍ය ස්පෙ‍්‍ර් යන්ත‍්‍රයක් භාවිතයෙන් යෙදිය යුතුය. දින 07 - 10 කට වරක් ඉසීමෙන් සාර්ථක ප‍්‍රතිඵල ලබා ගත හැකිය.
කුඩුකර ගන්නා ලද කොහොඹ ඇට ජලය සමඟ මිශ‍්‍ර කර පැය 12 කට වැඩි කාලයක් තැබීමෙන් ඇටවල පවතින රසායනික සංයෝග ජලය සමඟ මුසුවෙයි. සවස් කාලයේ ඉසීම කළ යුත්තේ අධික හිරු එළිය නිසා නිස්කාරණයේ ඇති රසායනික සංයෝග විනාශ වී යාම අවම කර ගැනීමටයි.
එසේම රාති‍්‍ර කාලයට ශාක පත‍්‍රවල පූරිකා සිදුරු සම්පූර්ණයෙන් විවෘතව පවතින නිසා ශාකසාරය ඉතා හොඳින් ශාකයට උරාගනී.
බෝග සඳහා මිශ‍්‍රණය ඉසීමේදී නිර්දේශිත සාන්ද්‍රණය යෙදීම වැදගත්ය. නියමිත කාල සීමාවට අනුව ජල නිස්සාරයකය ඉසීමෙන් පළිබෝධ හානි සාර්ථකව මර්දනය කළ හැකිය.
\ ජල නිස්සාරකයේ විෂ සහිත රසායනික ද්‍රව්‍යයන් අඩංගු නැති නිසා පෙර අස්වනු කාලය අනුගමනය කිරීම අවශ්‍ය නැත. මෙම ජල නිස්සාරකය යෙදීම ඉතා ආරක්‍ෂාකාරී පළිබෝධ මර්දන ක‍්‍රමයකි.
පළිබෝධක නාශකයන් ලෙස කොහොඹ ඇට භාවිතයේ දි සැමවිටම වර්ෂයකට අඩුවෙන් ගබඩාකර තැබූ අලුත් බීජ පමණක් භාවිතා කරන්න.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි.