ගුරු තරුව නිවී යයි

කෙසෙල් ගස්පේ මනතුංග ජයලත් මනෝරත්න නැතහොත් ඔබ අප ඉතා හොඳින් දන්නා ජයලත් මනෝරත්න නම් ප‍්‍රතිභාපූර්ණ රංගනවේදියාණන් සිය දිවිසැරියට සමුදී ඇත. වේදිකාවේ තුන්වැනි සීනුව ලෙසින් ප‍්‍රකට වූ හෙතෙම යුගයේ විශිෂ්ටතම කලාකරුවෙකු බව අවිවාදිතය. ඔහු 1970 සිට 2019 දක්වා අඛණ්ඩව මෙරට කලාව වෙනුවෙන් විවිධ අංශ ඔස්සේ මහඟු මෙහෙවරක් ඉටුකළ අපූර්වතම කලාකරුවෙකි. වේදිකාව තුළ ආකර්ෂණීය දැවැන්ත ප‍්‍රතිරූපයක් අත්පත් කරගත් ඔහු රඟපෑ වේදිකා නාට්‍ය ප‍්‍රමාණය 80 ඉක්මවා ඇති බව නොරහසකි. එනිසාම හොඳම නළුවා, හොඳම රචනය, හොඳම අධ්‍යක්ෂණය යනාදී ඉසව් කිහිපයකින්ම ඔහුට රාජ්‍ය සම්මාන දිනාගැනීමට හැකිවිය. එතුමාගේ රංගන දිවියට මහඟු පිටිවහල සැපයෙන්නේ පේරාදෙණි සරසවියේදී මහාචාර්ය එදිරිවීර සරච්චන්ද්‍රයන් මුණගැසීමෙනි.