ජිනීවා යෝජනාවලට කඩේ ගිය නිලධාරීන්ට සුද්දයක්‌ දෙන්න.... ගෝලීය ශ්‍රී ලංකා සංසදය නව විදේශගෙන් ඉල්ලයි ....!!!

ජිනීවා යෝජනාවට දායක වූ නිලධාරීන් විදේශ කටයුතු අමාත්‍යාංශයේ සිටින නිසා එම අමාත්‍යාංශය සුද්ද කරන ලෙස ගෝලීය ශ්‍රී ලංකා සංසදය නව විදේශ ඇමැති දිනේෂ් ගුණවර්ධන ගෙන් ඉල්ලා ඇත. ජිනීවා යෝජනාවලින් රට පාවාදී ඇතැයි ද එම සංසදය කියයි.
  පසුගිය කාලයේ මේ නිලධාරීන්ගේ ක්‍රියාකලාපය අපි දුටුවා. ඔවුන් කටයුතු කළේ කොටි ඩයස්‌පෝරාවට අවශ්‍ය ලෙසයි. අප ජිනීවා ගොස්‌ ඩයස්‌පෝරාවට එරෙහිව ක්‍රියාකරද්දී මේ නිලධාරීන් අප "සංහිඳියාව කඩාකප්පල් කරනවා" යෑයි හඳුන්වනු ලැබුවා යෑයි ගෝලීය ශ්‍රී ලංකා සංසදයේ ඊශ්‍රායල් ඒකකයේ ලේකම් ජනෙත් විමල  පැවසීය.
විදේශ කටයුතු අමාත්‍යාංශයේ ඇතැම් නිලධාරීන් ජිනීවා පැමිණෙන දේශප්‍රේමී ශ්‍රී ලාංකිකයන් කවුදැයි නිරීක්‍ෂණය කළා. උඩරට ඇමැතිවරයකුගේ ඥති පුත්‍රයකු ජිනීවා ශ්‍රී ලංකා තානාපති කාර්යාලයට අනුයුක්‌ත කර අප ගැන සෙව්වා යෑයි ජනෙත් විමල පළ කළේය.