Sri Lanka Rupee Converter
.jpg)
එසේ වුවත් මුස්‌ලිම් ඡන්ද කෙරේ බලාපොරොත්තුව තැබූ මෙරට දේශපාලන පාර්ශ්ව නිහඬ විය. එහෙත් එතෙක්‌ කල් එළිපත්තේ සිටි සතුරා අප්‍රේල් 21 වැනිදා ගෙතුළටම පැමිණියේය. එහි ප්‍රතිඵලය භයානක විය. අහිංසක ජීවිත 359 ක්‌ රුදුරු ඉස්‌ලාමීය අන්තවාදීන්ට ගොදුරුවිය.මේ නිසා මෙම අන්තවාදය වර්ධනය වීමට ඉඩදීම ගැන රජය වගකිව යුතුයි. මේ ඉස්‌ලාමීය අන්තවාදය වර්ධනය වූයේ මෙලෙසය.
1. හලාල් සහතිකය නිෂ්පාදනවලට ඇතුළත් වීම
2.පාකිස්‌තානයේ සහ ඇµaගනිස්‌තානයේ මෙන් මැඩ්රාසා නමින් ආගමික පාසල් බිහිවීම.
3. මුස්‌ලිම් මන්ත්‍රීවරයකු ශරියා නීතිය ගෙන ආ යුතු බවට පාර්ලිමේන්තුව වෙත පුද්ගලික යෝජනාවක්‌ ගෙන ඒම.
4.වසර ගණනකට පෙර කොළඹ නගරයේ සහ ප්‍රදේශවල තිබූ මුස්‌ලිම් පල්ලි විශාල ලෙස ඉදිකිරීම
5. ආගමික අන්තවාදීන්ට මෙරටට පැමිණීමට දොර විවෘත වීම.
6. බුර්කා ආවරණය ප්‍රදේශ රැසක ව්‍යාප්ත වීම.
මේ සියලු දේ සිදුවන අවස්‌ථාවේ රජය ඇස්‌ වසාගෙන සිටියේය. එසේම මෙරට දේශපාලනය තුළ බලවත් මුස්‌ලිම් දේශපාලනඥයක්‌ පිරිසක්‌ ක්‍රියාත්මක වීම.
මෙයට වසර කිහිපයකට පෙර ඇමෙරිකාව විසින් අල්කයිඩා නායක බින්ලාඩන් මරාදැමූ අවස්‌ථාවේ මාලිගාවත්තේ සිටි මුස්‌ලිම් අන්තවාදී කල්ලියක්‌ ඊට එරෙහි විය. ඔවුහු බින්ලාඩන්ගේ ඡායාරූපය මුද්‍රණය කර ටීෂර්ට්‌ පැළඳ මරදානේදී විරෝධතා පවත්වද්දී රජය ඊට එරෙහි වූයේ නැත.
එසේම පාස්‌කු ඉරිදා සිදුවූයේ වසර ගණනක්‌ තිස්‌සේ ශ්‍රී ලංකාවේ පැවති ඉස්‌ලාමීය අන්තවාදයේ උච්චතම අවස්‌ථාවයි. එහිදී අපි අතීතය සිහිපත් කළ යුතුය. නැඟෙනහිරට මුස්‌ලිම් කලාපයක්‌ ඉල්ලීම සහ මුස්‌ලිම් රූපවාහිනි සහ ගුවන්විදුලි සේවයක්‌ ඉල්ලා සිටීම, වරාය සහ ඛනිජ තෙල් සංස්‌ථාව වැනි වැදගත් ආයතන ලබාගැනීමට ක්‍රියාකිරීම ඊට නිදුසන්ය. මේ පසුබිමේ සිටියේ කවුද..?
මෙවන් පසුබිමක්‌ මැද පුත්තලමේ වනාතවිල්ලුව ප්‍රදේශයේ පොල් වත්තක ත්‍රස්‌ත පුහුණු කඳවුරක්‌ ද ඩෙටනේටර් 99 ක්‌ හා පුපුරණ ද්‍රව්‍ය කිලෝ 100 කට අධික තොගයක්‌ ද සොයාගැනුණි. එහෙත් වනාතවිල්ලුව විමර්ශනවලට සිදුවූ දේ මෙතෙක්‌ හෙළිවී නැත. ඊට සම්බන්ධ ත්‍රස්‌තයන් දෙදෙනා බස්‌නාහිර පළාතේ දේශපාලනඥයකුගේ මැදිහත්වීම මත නිදහස්‌ විය.
මෙහිදී වනාතවිල්ලුවේ තිබී පුපුරණ ද්‍රව්‍ය සහ ඩෙටනේටර් හමු වූයේ ඉදිරි ප්‍රහාරයක්‌ සඳහා බවත් එම ප්‍රහාරක සැලසුම් සොයා ගැනීමට පොලිසිය ක්‍රියාකළ යුතුව තිබුණත් විමර්ශන යටපත් විය.
ප්‍රහාරක සැලසුම් පාස්‌කු ඉරිදා ක්‍රියාත්මක කරන තුරු පොලිසියට ඒ ගැන ද සොයා ගැනීමට නොහැකිවිය. යම් විටෙක වනාතවිල්ලුව පරීක්‍ෂණ නතර වූයේ එකී බලගතු ඉස්‌ලාමීය දේශපාලනඥයා නිසා බව කිව හැකිය. මේ අතර පාස්‌කු ඉරිදා බෝම්බ පිපිරීමෙන් නැඟෙන ප්‍රශ්න කිහිපයක්‌ නම්,
1. මේ බෝම්බ එකලස්‌ කිරීමේ බෝම්බ විශේෂඥයකු හෝ ඊට වැඩි පිරිසක්‌ මෙරට සිටින බව පැහැදිලිය. ඔවුන් මෙතෙක්‌ අසුවී නැත.
2. පුපුරුවා ඇත්තේ හැරිසයිට්‌ හෙවත් සී 4 අධිබලැති පුපුරණ ද්‍රව්‍යවලට වඩා බලගතු පුපුරණ ද්‍රව්‍ය විශේෂයක්‌.
3. මෙම පුපුරණ ද්‍රව්‍ය මෙරටට ගෙන ආවේ කන්ටේනර් වලින්ද? කන්ටේනර් වලින් කොකේන් මත්ද්‍රව්‍ය මෙරටට ගෙන එන විට පුපුරණ ද්‍රව්‍ය ගෙන ඒම සුළු කරුණකි.
එසේම සතොස ආයතනයට ආනයන ද්‍රව්‍ය සපයන මුස්‌ලිම් ව්‍යාපාරිකයා එම ආනයන ද්‍රව්‍යවලට මුවාවී මේ අධිබල පුපුරණ ද්‍රව්‍ය ගෙන ආවාද? ඔහුට වරායෙන් තම කන්ටේනර් මුදාගැනීමේ බලගතු දේශපාලන ජාලයක්‌ ද ඇත.
සිදුවූ විනාශයෙන් එම පුපුරණ ද්‍රව්‍ය විශේෂය භාවිත කර ඇති බව තහවුරු වේ.
බ්‍රිතාන්‍යයේ මැන්චෙස්‌ටර් ප්‍රහාරයට සහ පැරිසියේ බැපක්‌ලැන් ප්‍රහාරයට භාවිත කර ඇත්තේ එවන් බලගතු පුපුරණ ද්‍රව්‍යය බව හෙළිවී ඇත.
ඊට ජාත්‍යන්තර ඉස්‌ලාමීය අන්තවාදීන්ගේ සහය ලැබී ඇත.
එසේම මේ මරාගෙන මැරෙන බෝම්බකරුවන් මෙහෙයවූ පිරිසක්‌ ද සිටී. සෑම අයිසීස්‌ ත්‍රස්‌ත ප්‍රහාරයක්‌ පසුපස එම ප්‍රහාර සැලසුම් කළ පිරිස්‌ සිටින බවට ජාත්‍යන්තර පොලිසිය හෙළිකර තිබිණි.
මේ අතර අයිසීස්‌ ත්‍රස්‌තවාදීන්ගේ අනතුර පහව ගොස්‌ නැත. බෝම්බ පිපිරීම්වලට සම්බන්ධ වී ඇත්තේ ඉස්‌ලාමීය කෝටිපතියෙකි. ඔහුගේ පුත්‍රයන් දෙදෙනාට අධිබලැති පුපුරණ ද්‍රව්‍ය සැපයුවේ කවුද යන්න මෙතෙක්‌ හෙළිවී නැත. එසේම මොවුන්ට බෝම්බ මලු සාදා දුන් බෝම්බ විශේෂඥ ත්‍රස්‌තයන් මෙතෙක්‌ අසුනොවීම බරපතළ ප්‍රශ්නයකි.
මේ අතර 2016 වසරේදී අමාත්‍ය විජයදාස රාජපක්‍ෂ විසින් අයිසීස්‌ ත්‍රස්‌තවාදීන් පිළිබඳව අනාවරණය කර තිබිණි. රාජපක්‍ෂ මහතා මෙහිදී පැවසුවේ ශ්‍රී ලංකාවේ මුස්‌ලිම් පවුල් හතරකට සම්බන්ධ මුස්‌ලිම් ජාතිකයන් 32 ක්‌ සිරියාවේ අයිසීස්‌ සංවිධානයට බැඳී ඇති බවයි. එහෙත් ශ්‍රී ලංකා මුස්‌ලිම් කවුන්සිලයේ සභාපති එම ප්‍රකාශයට විරෝධය දක්‌වනු ලැබීය. මේ බව 2016 නොවැම්බර් 21 වැනිදා zදිවයිනZ විසින් හෙළිකරනු ලැබීය.
මේ පසුබිම මැද පාස්‌කු ඉරිදා බෝම්බ ප්‍රහාරයට සම්බන්ධ අයිසීස්‌ ත්‍රස්‌තයකු ඉගෙනුම ලබන බ්‍රිතාන්‍ය විශ්වවිද්‍යාලයේ මහාචාර්ය ජුලියන් වෙයින්වර්න් පැවසුවේ යම් දිනෙක එහි ඉගෙනුම ලබන සිසුවකු මහත් විනාශයක්‌ සිදුකරන බවයි. එහෙත් මේ අනතුරු ඇගවීම කෙරේ තැකීමක්‌ කර නැත. මේ පසුබිම මැද මෙරට විදේශ කටයුතු අමාත්‍යංශය ජාත්‍යන්තර ත්‍රස්‌ත මර්දන පනතට පවා අත්සන් කර නැත.
මේ අතර ඉන්දීය ජාතික ආරක්‍ෂක ඒජන්සිය මෙරට අන්තවාදී අයිසීස්‌ ක්‍රියාකාරීන් ගැන තොරතුරු රැසක්‌ සොයාගෙන ඇත. 2016 දී නවාස්‌ හසිsස්‌ නමැති ඉස්‌ලාමීය ආගමික දේශකයෙක්‌ ශ්‍රී ලංකාවේ හදිස්‌ අධ්‍යාපන ආයතනය නමින් මධ්‍යස්‌ථානයක්‌ පිහිටුවාගෙන තිබූ බවත් ඔහු පසුව ඇµaගනිස්‌තානයට ගොස්‌ අයිසීස්‌ ක්‍රියාකාරීන්ට එක්‌වූ බවත් ඉන්දීය ජාතික විමර්ශන ඒජන්සිය සොයාගෙන තිබිණි.
මේ පසුබිම මැද පාස්‌කු ඉරිදා පිපිරීම සඳහා භාවිත කර ඇත්තේ ටී.ඒ.ටී.සී. නමැති පුපුරණ ද්‍රව්‍ය විශේෂයක්‌ බව හෙළිවී ඇත. ටීටී නමින් හඳුන්වන මෙම අධිබලැති පුපුරණ ද්‍රව්‍ය බ්‍රිතාන්‍යයේ මැන්චෙස්‌ටර් ප්‍රහාරයට සහ පැරිසියේ බැට්‌කාලන් ප්‍රහාරයට යොදාගෙන තිබූ බවද හෙළිවිය.
මේ අතර මියගිය අහිංසකයන්ගේ ජීවිතවලට වගකීම ගන්නේ කවුද? යුක්‌තිය ගැන හඬ නඟන පාර්ශ්ව පාස්‌කු ඉරිදා සිදුවූ විනාශයට යුක්‌තිය ඉටුවේ යෑයි කිව හැකිද? මේ අතර ජමිල් නමැති බෝම්බකරුගේ සොහොයුරිය ඕස්‌ටේ්‍රලියානු මාධ්‍යවලට පවසා ඇත්තේ ඕස්‌ටේ්‍රලියාවේ ඉගෙනුමට ගිය තම සොහොයුරු ශ්‍රී ලංකාවට පැමිණියේ වෙනස්‌ පුද්ගලයකු ලෙස බවයි. මේ තත්ත්වය මත ඊබ්‍රාහිම් නමැති ව්‍යාපාරිකයා බලවත් දේශපාලනඥ සබඳකම් නිසා පොලිසිය හෝ බුද්ධි සේවා ඔහුගේ පුතුන් ගැන විමර්ශනය කර නැත.
ඊබ්‍රාහිම්ගේ එක්‌ පුත්‍රයකු වැල්ලම්පිටියේ පවත්වාගෙන ගිය තඹ කම්හල ද නිරීක්‍ෂණය වී නොමැත. මේ හැර ඊබ්‍රාහිම්ගේ ඥතියකු වන අමාත්‍ය බදියුදීන්ගෙන් ද බලධාරීන් ප්‍රකාශයක්‌ සටහන් කරගෙන නැත. මෙය ඉතා අවාසනාවන්ත තත්ත්වයකි. මාර්ග බාධක බුද්ධි නිරීක්‍ෂණ සෝදිසි කිරීම් සියල්ල නතර විය. ත්‍රස්‌තවාදයක්‌ තැන තැන සෝදිසි කිරීම් කුමකට දැයි ද්‍රවිඩ සංධානයද ප්‍රශ්න කළේය.
එහෙත් සතුරා අවස්ථාව එනතුරු බලා සිටින බව අපි වසර ගණනාක්‌ තිස්‌සේ පැවසු නමුත් කොටින්ගේ සී. 4 පුපුරණ ද්‍රව්‍ය වෙනුවට මෙවර පැමිණියේ ටීටී නමැති අධිබල පුපුරණ ද්‍රව්‍යයි.
මේ තත්ත්වය මත බලගතු මුස්‌ලිම් දේශපාලනඥයන්ගෙන් ප්‍රශ්න කිරීමට ද බලධාරීන් බිය විය. එහි ප්‍රතිඵලය දැන් පැහැදිලිය. කොටි ත්‍රස්‌තවාදය පරාජය වෙද්දී අයිසීස්‌ ත්‍රස්‌තවාදයට දොර විවෘත විය. ඉන් රටේ මුළු ජන ජීJsතයම අඩාල විය. පාස්‌කු ඉරිදා ම්ලේච්ඡ ත්‍රස්‌ත ප්‍රහාරය සිදුවීමෙන් පසු අදට දින 6 කි එහෙත් ත්‍රස්‌ත ප්‍රහාරය ගැන ජනතාවට තොරතුරු වසන් කළ කිසිදු ආරක්‍ෂක නිලධාරියකුට එරෙහිව විනය ක්‍රියාමාර්ග ගෙන නැත.
කීර්ති වර්ණකුලසූරිය
