Sri Lanka Rupee Converter
ඔහු එලෙස චෝදනාවක් කරමින් තර්ජනය කළේ පෙරේදා (16දා) දින 'මව්බිම', 'සිලෝන් ටුඩේ' යන පුවත්පත්වල ප්‍රධාන පුවතින් ඔහුගේ රූපයද සහිතව පළ කළ පුවත ගැන ප්‍රකාශයක් කරමින් එම පුවත්පත් ජනතාවට ප්‍රදර්ශනය කරමින් පෙරේදා (16දා) යාපනය පේදුරුතුඩුව ප්‍රදේශයේ පැවැති උත්සවයකදී මහජනතාව අමතමිනි.
මාධ්‍යයෙන් කෙරෙන කරදර දරාගන්න බැරි බවටත්, එම හේතුව මත 'කළු මාධ්‍ය' කියා එම්.ටී.වී. ආයතනයට එරෙහිව සමහර පියවර ගත යුතුව තිබෙන බවටත් සුමන්තිරන් එම උත්සවයේදී ප්‍රකාශ කළේය.
එලෙස පියවර ගන්නා බවටත්, මේ රටේ විසඳුමක් ඇති නොවිය යුතුයි කියා කැහැපට ගහගෙන ඔවුන් කරන (එම්.ටී.වී) බොරු ප්‍රචාර අවසන් කරන බවටත්, ඒ සඳහා පියවර අනිවාර්යයෙන්ම ගන්නා බවටත්, සුමන්තිරන් එහිදී ප්‍රකාශ කර සිටියේය.
සුමන්තිරන් 'මව්බිම' හා 'සිලෝන් ටුඩේ' පුවත්පත්වලට චෝදනා කළද ඔහු යාපනයේදී කළ ප්‍රකාශය සම්බන්ධයෙන් පළ කළ පුවත සත්‍ය බව අපි ස්ථීරවම ප්‍රකාශ කරන අතර එලෙස කළ ප්‍රකාශයට අදාළ හඬපටයද අප සතුවන බවට පාඨක භවතුන්ට අපි මෙසේ දැනුම් දෙමු.
