Sri Lanka Rupee Converter
ෙµdසිල ඉන්ධන දහනයේදී වායුගෝලයට කාබන් ඩයොක්‌සයිඩ් ඇතුළු වෙනත් අහිතකර විෂ දුම් එකතුවීම අනිවාර්ය ය. මෙම විෂ දුම්වලින් පරිසරයට පමණක්‌ නොව එහි ජීවත්වන සියලුම ජීවීන්ට සිදුවන්නේ බරපතළ විනාශයකි. එපමණක්‌ නොව වායුගෝලය මත කාබන් ඩයොක්‌සයිඩ් ප්‍රමාණය ඉහළ යැමෙන් ගෝලීය උණුසුම ඉහළ ගොස්‌ තිබෙන අතර, එමගින් ඉදිරියේදී ව්‍යසනකාරී දේශගුණික විපත් ඇතිවන බවට දැනටත් කාලගුණික විද්‍යාඥයන් විසින් අනතුරු අඟවා තිබේ. එම නිසා ලෝකයේ බොහෝ රටවල් වායුගෝලයට එකතුවන කාබන් පාලනය කිරීම සඳහා කාබන් බද්දක්‌ හඳුන්වා දී තිබේ. යුරෝපයේ ඩෙන්මාර්කය, µsන්ලන්තය, ජර්මනිය, එංගලන්තය, අයර්ලන්තය, ඉතාලිය, නෙදර්ලන්තය, නෝර්වේ, ස්‌විස්‌ටර්ලන්තය, ඇතුළු රටවල් පමණක්‌ නොව ආසියාවේ ඉන්දියාව, තායිලන්තය, චිනය ඇතුළු බොහෝ රටවල මෙම බද්ද ක්‍රියාත්මක වන්නේ මීට වසර 6 - 7 කාලයක පමණ සිටය.
මෙම බද්දේ අවසන් අරමුණ වන්නේ පෘථිවි ගෝලයට මුදාහරින කාබන් ප්‍රමාණය ක්‍රමයෙන් අවම කර ගෝලීය උණුසුම පාලනය කිරීමට හැකි අයුරින් දායක වීමය. ඒ සඳහා වඩාත් අවංක අරමුණු ඇතිව ඉදිරියට පැමිණ ඇත්තේ යුරෝපා රටවල් ය. ජර්මනිය සහ ප්‍රංශය යන රටවල් වසර 2025 වන විට තම රටෙන් ගල් අඟුරු බලාගාර ඉවත් කිරීමට මේ වන විටත් සැලසුම් සකස්‌ කර ඇත්තේ ඒ අනුවය. නමුත් ශ්‍රී ලංකාවට ඇත්තේ එවන් උතුම් අරමුණු නොව වාහනවල දුම් ටිකෙන් හරි බදු ආදායම උපයා ගැනීම වැනි සිල්ලර බදු ප්‍රතිපත්තියකි. ආණ්‌ඩුවට වායුගෝලයට එකතුවන කාබන් ප්‍රමාණය පාලනය කිරීමට අවංක වුවමනාවක්‌ තිබේ නම් පළමුව කළ යුත්තේ බදු පැනවීම නොව ශ්‍රී ලංකාවේ කාබන් චක්‍රය පුනර්ජනනීය බලශක්‌ති චක්‍රය වෙත මාරුකිරීමේ යාන්ත්‍රණය සැකසීමය. මහජනතාවගේ බදු මුදල්වලින් නඩත්තු වන විදුලිබල හා පුනර්ජනනීය බලශක්‌ති අමාත්‍යංශයක්‌ පිහිටුවා තිබෙන්නේ ඒ සඳහා ය.
නමුත් විදුලිබල කෙසේ වෙතත් පුනර්ජනනීය බලශක්‌ති අමාත්‍යාංශයක්‌ රටේ තිබෙන බව ජනතාවවත් දන්නේ නැත. රටේ පුරවැසියකුට එම අමාත්‍යාංශයට යැමට අවශ්‍ය නම් 1919 අංකයට දුරකථන ඇමතුමක්‌ දී ලිපිනය සොයාගත යුතුය. විදුලිබල හා පුනර්ජනනීය බලශක්‌ති අමාත්‍යාංශය ඉදිරිපත් කර ඇති ඉදිරි තෙවසර සඳහා ජනතා සැලැස්‌මේ ඇත්තේ රට පුරා ගල් අඟුරු බලාගාර ඉදිකිරීමේ සැලසුම් ය. මෙම ගල් අඟුරු බලාගාර ඉදි නොකළොත් රටේ විශාල බලශක්‌ති අර්බුදයක්‌ ඇතිවන බව විදුලි ඉංජිනේරු සංගමය උදේ හවා මාධ්‍ය සාකච්ඡා පවත්වමින් පුන පුනා කියා සිටිති. රටපුරා ගල් අඟුරු බලාගාර හැදිය යුතු නම් රටේ ජනතාවගේ මුදල්වලින් පුනර්ජනනීය බලශක්‌ති අමාත්‍යාංශය තවදුරටත් නඩත්තු කිරීමේ තේරුමක්‌ නැත.
කාබන් බද්ද හඳුන්වා දුන් රටවල් එම බද්ද හඳුන්වා දීමෙන් බලාපොරොත්තු වූ තවත් උතුම් අරමුණක්‌ තිබේ. එය නම් කාබන් බද්දෙන් උපයන ආදායම රටේ වායු දූෂණය අවම කිරීමට යොදා ගෙන රටේ පුරවැසියන් ආරක්‍ෂා කර ගැනීමය. යුරෝපයේ බොහෝ නගරවල කාබන් දුම උරා ගන්නා යන්ත්‍ර සවිකර එම දුම දිනපතා ගණනය කරනු ලැබේ. ලෝකයේ වැඩිම වායු දූෂණයක්‌ සිදුවන නගරය වන ඉන්දියාවේ දිල්ලි නගරයේ ද දිනපතා වායු දූෂණය ගණනය කෙරෙන අතර දූෂණය ඉහළ නම් නගරයට පැමිණෙන රථවාහන පාලනය කරනු ලබයි. වායු දූෂණයේ ප්‍රමාණය නගරවාසීන්ට තමන්ගේ ජංගම දුරකථනයෙන් පරීක්‍ෂා කිරීමේ තරමට එම ක්‍රියාවලිය තාක්‍ෂණයෙන් බල ගැන්වී තිබේ. 1994 වසරේද කොළඹ නගරයේ වායු දූෂණය මැණීමේ යන්ත්‍රයක්‌ සවිකර තිබිණි. නමුත් එම යන්ත්‍රය වසර 24 ක්‌ තිස්‌සේ අක්‍රීයවී තිබේ.
අද වන විට රටේ වාහන ගහණය ලක්‍ෂ 70 කට ආසන්න වී තිබුණ ද, රටේ ප්‍රධාන නගරවල වායු දූෂණය මැනීමේ කිසිදු යාන්ත්‍රණයක්‌ නැත. ලෝක සෞඛ්‍ය සංවිධානයේ දත්තවලට අනුව ලෝකයේ වසරකට වායු දූෂණයෙන් මියයන ප්‍රමාණය ලක්‍ෂ 70 කි. ඉන් ලක්‍ෂ 42 ක්‌ මිය යන්නේ නාගරික වායු දූෂණයෙනි. ශ්‍රී ලංකාවේ කාබන් බද්දෙන් උපයන ආදායම රටේ වායු දූෂණය අවම කිරීමට යොදා ගත යුත්තේ මේ නිසාය. කාබන් බද්ද දූෂණය නොකර පුරවැසියන් වායු දූෂණයෙන් බේරා ගැනීම ආණ්‌ඩුවේ වගකීමය.
