ලංකාවේ ඉපැරිණිමවූ වෙබ් අඩවියක් වන ලංකානිව්ස් වෙතට ආ ඔබ සාදරයෙන් පිිළිගනිමු...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
ලංකානිව්ස්. Powered by Blogger.

Translate

හොඳම වෙබ් හොස්ටින්

හොඳම වෙබ් හොස්ටින්
ඔබගේ නවතම වෙබ් අඩවි සඳහා පමණයි...!!!

ඔබගේ දැන්වීම්

ඔබගේ දැන්වීම්
ඔබගේ වෙළඳ දැන්වීමට LANKANEWS තුළින් ඉඩක්...සීමිත සහ වටිනා අවස්ථාවක්...දැන්ම අපට ලියන්න[email protected]

Sinhala News Site

BannerFans.com

ඔබගේ ලුහුඬු දැන්වීම් නොමිළේ

BannerFans.com

ලංකානිව්ස්

ලක් පුවත්

අපගේ මතකය අතරින් BannerFans.com

ජනප්‍රිය ලිපි එකතුව

Saturday, January 12, 2019

පෙඩරල් ව්‍යවස්ථාව සම්මත කරගැනීමට ශ්‍රීලනිප මන්ත්‍රීන්ගේ සහාය ගන්න දෙමළ ඩයස්පෝරාව හිටපු ජනාධිපති චන්ද්‍රිකා ට විශාල මුදලක් ලබාදී තිබෙනවා ....

මෛත්‍රී - මහින්ද දේශපාලන සන්ධානය කඩිනමින්ම ඇරඹිය යුතුයි
 සුමන්තිරන්ගේ ඊළාම් සිහිනය කෙසේ හෝ පැරදවිය යුතුයි....!!!

 රණවිරුවන් දස දහස් ගණනක් දිවිපුදා නතර කළ ඊළාම් සිහිනය සැබෑ කර ගැනීමට උත්සාහ දරන සුමන්තිරන්ලාගේ ප්‍රයත්නය කෙසේ හෝ පරාජය කරන බව ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ  ප්‍රකාශ කළේය.
  වත්මන් දේශපාලන තත්ත්වය සම්බන්ධයෙන් අදහස් දැක්වීම සදහා පිටකෝට්ටේ පිහිටි ජාතික නිදහස් පෙරමුණේ ප්‍රධාන කාර්යාලයේ
  08 වැනිදා සංවිධානය කර තිබූ මාධ්‍ය හමුවකට එක්වෙමින් එසේ කී විමල් වීරවංශ  වැඩිදුරටත් මෙසේද සඳහන් කළේය.

 මේ දිනවල රනිල් වික්‍රමසිංහ පන්සල් වෙත යනවා, බෝමළුව මත හිස තබා වන්දනා කරනවා. මහනායක හිමිවරුන් බැහැදකිනවා, දේවාල වෙත යනවා අපට දැකගත හැකියි. තමන් සිංහල බෞද්ධ නායකයකු බව පෙන්වීමට ඔහු කටයුතු කරනවා. මේ සියල්ල ඔහු සිදු කරන්නේ සුමන්තිරන්ලා වැනි බෙදුම්වාදීන්ගේ මනදොල සැපිරීම පිණිස ගෙන එනු ලබන නව ෆෙඩරල් ව්‍යවස්ථාවට සිංහල බෞද්ධ ජනතාවගෙන් නිසැකවම එල්ල වන විරෝධය සමනය කර ගැනීමටයි. මේ ව්‍යවස්ථා ක්‍රියාදාමය පිළිබඳ සිංහල බෞද්ධ සමාජය තුළ බලවත් සැකයක් ඇති වී තිබෙනවා. ඉන් ගැලවීමටයි මේ නාටකය රඟ දක්වන්නේ.

දෙමළ ජාතික සන්ධානයේ පාර්ලිමේන්තු මන්ත්‍රී එම්. ඒ. සුමන්තිරන් දැන් රැස්වීම්වල කියමින් යනවා ගෙන එනු ලබන වන ව්‍යවස්ථාවෙන් පළාත් සභාවලට ඉන්දියාවේ ප්‍රාන්ත ආණ්ඩුවක බලයටත් වඩා වැඩි බලයක් ලැබෙනවා. පළාත් දෙකක් එම පළාත් දෙකේ ජනතාවගේ කැමැත්තෙන් ඒකාබද්ධ කරන්න පුළුවන්. මධ්‍යම ආණ්ඩුවට පළාත් සභාව කෙරෙහි බලපෑම් කිරීමේ හැකියාව නැති වෙනවා කියා. මේ කියන්නේ අපි නොවෙයි රනිල් වික්‍රමසිංහගේ ප්‍රධාන ගැලවුම්කරු සුමන්තිරන්. මේ කතාව අනුව හිතා බලන්න උතුරු - නැඟෙනහිර හමුදා කඳවුරු ඉවත් කරමින් තිබියදී උතුරු - නැඟෙනහිර පළාත් දෙක ඒකාබද්ධ කරලා, එම පළාත් සභාවට පූර්ණ බලතල දුන්නාම සිදුවිය හැකි දේ. මධ්‍යම ආණ්ඩුවේ අතපය බැඳලා පළාත් ආණ්ඩුවට ස්වාධීන වීමට දුන්නාම උතුරු - නැඟෙනහිර හමුදා කඳවුරක් හෝ නැති තත්ත්වයකදී හදිසි අවස්ථාවකට මුහුණ දෙන්නේ කොහොමද?

 ඒ වගේම අපි දන්නවා බලවත් බටහිර රටවල් කිහිපයකටම දැඩි රුදාවක් තිබෙනවා මේ රටේ ෆෙඩරල් පාලනයක් අතිකර ගැනීමට. ත්‍රිකුණාමල ප්‍රදේශය තමන්ගේ හමුදා තිප්පොළක් බවට පත්කර ගැනීම සඳහා ඇමෙරිකාවට උතුරු - නැඟෙනහිර බලවත් ප්‍රාන්ත ආණ්ඩුවක් ඇති වීම වැදගත්. ඒ වගේම ඉඩම් පිළිබඳ බලය ඒ ප්‍රාන්ත ආණ්ඩුවට ලැබී තිබීමත් ඔවුන්ට වැදගත්. කොතැනින්, කොපමණ ඉඩම් ප්‍රමාණයක් ඇමෙරිකානු හමුදා කඳවුරකට ලබා දෙනවා ද? යන්න තීරණය කිරීමේ බලය ප්‍රාන්ත ආණ්ඩුවකට ලැබී තිබීම ඇමෙරිකාවට ඉතා වැදගත්. දුර්වල මධ්‍යම ආණ්ඩුවක් ඇති කොට, උතුරු - නැඟෙනහිර බලවත් පළාත් ආණ්ඩුවක් ඇති කිරීමෙන් ශ්‍රී ලංකාවේ අභ්‍යන්තරයට මැදිහත්වීමේ ඉඩකඩ මෙමගින් බටහිර බලවතුන්ට ලැබෙනවා. ඒකයි ඔවුන් මේ ශ්‍රී ලංකාවට නව ආණ්ඩුක්‍රම ව්‍යවස්ථාවක් සම්මතකර දීමට උත්සාහ ගන්නේ.

 රණවිරුවන් දසදහස් ගණනක් දිවිපුදා නතර කළ ඊළාම් සිහිනය පාර්ලිමේන්තුවේ සම්මතකර ගනු ලබන ෆෙඩරල් ව්‍යවස්ථාවක් මගින් සැබෑ කර ගැනීමේ සුමන්තිරන්ලාගේ ප්‍රයත්නය කෙසේ හෝ පැරදවිය යුතුව තිබෙනවා. අපි දන්නා ආකාරයට දෙමළ ඩයස්පෝරාව හිටපු ජනාධිපතිවරියකට විශාල මුදලක් ලබා දී තිබෙනවා. ඒ මෙම ෆෙඩරල් ව්‍යවස්ථාව සම්මත කර ගැනීම සඳහා ජනාධිපති මෛත්‍රීපාල සිරිසේන ගේ නායකත්වය යටතේ සිටින ශ්‍රීලනිප මන්ත්‍රීවරුන් බිලිබා ගැනීම සඳහායි.
 

 ඒ නිසා අපි විශ්වාස කරනවා මේ මොහොතේ ජනාධිපති මෛත්‍රීපාල සිරිසේන ටත් විපක්‍ෂ නායක මහින්ද රාජපක්‍ෂ මහතාටත් ඓතිහාසික වගකීමක් පැවරී තිබෙනවා කියා. මේ දෙදෙනාගේ සමගිය මත තමයි මේ ෆෙඩරල් ව්‍යවස්ථාවට 2/3 බලය අහිමි කිරීමට හැකි වෙන්නේ. එය කළ හැක්කේ කෙසේද? මේ දෙදෙනාගේ නායකත්වයෙන් නව දේශපාලන සන්ධානයක් ඉතා ඉක්මණින් ගොඩනැගීමෙන්. එය ප්‍රමාද කරන මොහොතක් මොහොතක් පාසා ශ්‍රීලනිප මන්ත්‍රීවරුන් බිලිබා ගැනීමට බලා සිටින පිරිසට අපි ඉඩ හදා දුන්නා වෙනවා. නමුත් මේ නව දේශපාලන සන්ධානය කඩිනමින් ගොඩනැගුවොත් එම ශ්‍රීලනිප මන්ත්‍රීවරුන්ට යම්කිසි පහසු දේශපාලන පරිසරයක් නිර්මාණය වෙනවා අර විදියේ තීරණයකට තල්ලු නොවී ඉන්න. ඉතා වැදගත් 2/3 බලය අහිමි කරන එකයි. එම බලය දැන් නැති නිසයි කෝටි 200 බැගින් බෙදලා මෛත්‍රීපාල සිරිසේන ජනාධිපතිවරයා යටතේ සිටින මන්ත්‍රීවරුන් 21 දෙනා බිලිබා ගන්න හදන්නේ. ඔවුන් බිලිබාගත හැක්කේ අපි ඔවුන්ව යම්කිසි අනාරක්‍ෂිත දේශපාලන පරිසරයක රදවා තැබුවොත් පමණයි. ඒ නිසයි ඔවුනට පහසු දේශපාලන පරිසරයක් අපි කඩිනමින් නිර්මාණය කළ යුත්තේ. ඒ පහසු දේශපාලන පරිසරය නිර්මාණය කිරීම වනාහි මෛත්‍රීපාල සිරිසේන - මහින්ද රාජපක්‍ෂ ඇතුළු දේශපාලන නායකත්වයේ ඒකාබද්ධතාවයෙන් නව දේශපාලන සන්ධානයක් කඩිනමින්
 ගොඩනැගීමයි.
 

 කවුරුන් හෝ එම නව දේශපාලන සන්ධානය ගොඩනැගීම ප්‍රමාද කරනවා නම්, එවැනි දේශපාලන සන්ධානයක් අවශ්‍ය නැතැයි සිතනවානම් ඔවුන් සිදු කරන්නේ ශ්‍රීලනිප මන්ත්‍රීවරුන් බිලිබාගෙන ෆෙඩරල් ව්‍යවස්ථාව සම්මතකර ගැනීමට බෙදුම්වාදීන්ට අවශ්‍ය සහයෝගය අනියමින් ලබා දීමක්. මෙවැනි ව්‍යවස්ථා සංශෝධනයකින් මේ රාජ්‍යය බෙදුවොත් යළි එයට අනාගතයක් නැහැ. සුමන්තිරන් මන්ත්‍රීවරයා පවසා තිබෙනවා. ‘මෙම ව්‍යවස්ථා ගෙන එන්නේ යළි වෙනස් කළ නොහැකි අන්දමටයි’ කියා. පාර්ලිමේන්තුව හදපු නීතියක් පාර්ලිමේන්තුවටත් වෙනස් කළ නොහැකි තත්වයක් එමගින් ඇති වෙනවා. එහෙමයි මේ නව ආණ්ඩුක්‍රම ව්‍යවස්ථා කෙටුම්පතේ සඳහන් වෙන්නේ. ඒ අනුව අනාගතයේදීවත් නිවැරදි කළ නොහැකි වරදකුයි මේ බෙදුම්වාදීන් සිදු කිරීමට සූදානම් වෙන්නේ.

 ඒ නිසා ඒ වරද සිදු වීමට ඉඩ නොදී එය වැළැක්වීමේ එකම මාර්ගය වන නව දේශපාලන සන්ධානය ගොඩනැගීම නොපමාව සිදු කරන ලෙස යළිත් ජනාධිපතිවරයාගෙන් සහ විපක්‍ෂ නායකගෙන් ඉල්ලා සිටිනවා. මේ වරද සිදුවීමට ඉඩ දුන්නොත් මේ රටේ ඉතිහාසය යළි ලියැවෙනු ඇත්තේ අපේ පෑනෙන් ජනතා අභිලාෂයන් අනුව නොව, බෙදුම්වාදීන්ගේ හා විදේශ බලවතුන්ගේ පෑනෙන් ඔවුන්ගේ අභිලාෂයන් අනුවයි.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි.