Sri Lanka Rupee Converter
නව ආණ්ඩුක්‍රම ව්‍යවස්ථාවක් සැකසීම සදහා නිර්දේශ ලබා දීමට පත් කරන ලද විශේෂඥ කමිටු වාර්තාව අගමැති රනිල් වික‍්‍රමසිංහ විසින් පාර්ලිමේන්තුවේදී රැස් වූ ව්‍යවස්ථා මණ්ඩලයට ඉදිරිපත් කරන ලදී.
මෙම යෝජනාවලිය අනුව ශ්රී ලංකාව ඒකීය රාජ්‍යයක් සහ ඔරුමිත්ත නාඩු ලෙස හඳුන්වා දීමට යෝජනා කර ඇත.
නව ව්‍යවස්ථාවේ යෝජනා කර ඇත්තේ ජනාධිපතිවරයා පාර්ලිමේන්තුවේ බහුතර කැමැත්තෙන් තෝරාපත් කර ගැනෙන අතර ඔහු පාර්ලිමේන්තුවට සම්බන්ධ නැති පුද්ගලයකු විය යුතු බවයි. එමෙන්ම ජනාධිපතිවරයා දේශපාලන පක්ෂයක සාමාජිකයකු හෝ නිලය දැරීම තහනම් කර ඇත.
කැබිනට් මණ්ඩලයේ ප්‍රධානියා වන්නේ අගමැතිවරයා වන අතර ඔහු අමාත්‍යවරුන්ගේ විෂය තීරණය කරන්නා ද වෙයි.
යෝජිත ව්‍යවස්ථා යෝජනාවලියේ දැක්වෙන්නේ පළාත් ආණ්ඩුකාරයා පළාත් මහ ඇමතිගේ සහ ඇමති මණ්ඩලයේ උපදෙස් අනුව කටයුතු කළ යුතු අතර සෑම පළාත් සභාවකටම පොලිස් කොමිසමක් සහ පොලිස් සේවයක් පවත්වාගෙන යාමට බලතල ලබා දීමටයි.
අදාල සම්පූර්ණ යෝජනාවලිය මෙහි දැක්වෙයි.
