පිම්බෙන්න යාමෙන් පළාත් පාලන මැතිවරණ ප්‍රතිඵලය පොහොට්ටුව වරදවා තේරුම් ගනීවිද...?

ප්‍රකාශිත ඡන්ද ප්‍රතිඵලවලට අනුව ශ්‍රී ලංකා පොදු ජන පෙරමුණට ලැබී තිබෙන්නේ ප්‍රකාශිත ඡන්ද සංඛ්‍යාවෙන් 45% කට ආසන්න ඡන්ද ප්‍රතිශතයක් බවත් මෛත්‍රී-රනිල්-සම්බන්ධන්-අනුර-හකීම් ඒකාබද්ධය විසින් 50% ආසන්න හෝ වැඩි ඡන්ද ප්‍රමාණයක් ලබා ඇති බවත් පෙනී යයි. ඒ අනුව සැබෑ ජනවරම ඇත්තේ පොහොට්ටුවටද යන්න පොහොට්ටු නායකයන් නැවත නැවතත් කල්පනා කර බැලිය යුතුය. මහින්ද රාජපක්ෂ හිටපු ජනාධිපතිවරයා ඒ බව මැනවින් වටහාගනිමින් තිබෙන බව පැහැදිලි වන්නේ මෙම මැතිවරණය පළාත් පාලන මැතිවරණයක් මිස පාර්ලිමේන්තුවේ අගමැතිවරයා තෝරන මැතිවරණයක් නොවන නිසා අගමැති ධුරය කිසිසේත්ම බාර නොගන්නා බවට සහ විපක්ෂ නායකත්වය භාර ගැනීමට සූදානම් බවට ඔහුගේ හිතෛෂියකු මගින් ජනතාවට ප්‍රතිචාර දක්වා තිබීමෙනි. 
ජනතාවගේ කැමැත්ත නිසි පරිදි තේරුම් නොගැනීමෙන් වන්නේ රාත්‍රියේ වැටුණ වලේ දවල් ද වැටීමය.ලැබූ ජනවරම අනුව කටයුතු නොකිරීමේ වරද නිසා මෛත්‍රී ජනාධිපතිවරයා කෙතෙක් ජනතාව අතර අප්‍රසාදයට පත්වී ඇතිද යන්න 2018 පෙබරවාරි 10 පැවති පළාත් පාලන මැතිවරණයේදී පැහැදිලි වී ඇත. ඔහු ජනාධිපති වූ අවස්ථාවේ සිටම රට පාලනය කිරීමට උත්සාහ ගත්තේ බන්ධනාගාර බස් රථය සහ මහේස්ත්‍රාත් අධිකරණ කිහිපයක් නිති පතා විද්‍යුත් මාධ්‍යවලින් පෙන්වමිනි. මිනීවලවල් ගොඩ ගැනීම පමණක් නොව රාජ්‍ය භාෂාවෙන් කටයතු නොකරන ජනාධිපති කොමිෂන් සභා මගින් ඔහු රට පාලනය කිරීමට උත්සාහ ගත්තේ ය. ඒ සමගම ගොවියාට පොහොර ටික නිසි කළට අඩු මුදලට ලබා දීමට ඔහු අසමත් විය. ජනතාව අතර අප්‍රසාදයට පත් වී සිටි දේශපාලන පරාජිතයන්ට නීති උපක්‍රම මගින් පාර්ලිමේන්තුවට ඇතුළු කර ඇමති තනතුරු ලබා දී එහෙයියන් කර ගත්තේ ය. ඔහුට ලැබූ ජනවරමට එරෙහිව යමින් ඊනියා ජාතික ආණ්ඩුවක් නිර්මාණය කර විශාල ඇමති මණ්ඩලයක් පත් කර ගත්තේ ය. දින 100 පොරොන්දු පත්‍රය සිහිනයක් කළේ ය. පළාත් පාලන මැතිවරණය වසර ගණනාවක් කල් දමා ගත්තේ ය. ඒ සියල්ලට එරෙහිව පෙළ ගැසුනු අහිංසක ජනතාව සිය පීඩනය තල්ලු කරන ලද්දේ පොහොට්ටුව අති විශාල වැඩි ඡන්දයෙන් ජයග්‍රහණය කරවිමෙනි.

බ්‍රිගේඩියර් යළි සේවයට ගත්තා කියා මළ පනී.. කබීර් හෂීම්ගේ ලේකම් ජනපතිව පලු අරියි..

එජාපයේ මහලේකම් අමාත්‍ය කබීර් හෂීම්ගේ පාර්ලිමේන්තු ලේකම් දිනුක් කොළඹගේ  ජනාධිපතිවරයා විසින් සේවය අත්හිටුවන ලද එක්සත් රාජධානියේ ශ්‍රී ලංකා මහකොමසාරිස් කාර්යාලයට අනුයුක්තව සිටි ආරක්ෂක කටයුතු පිළිබඳ අමාත්‍ය උපදේශකවරයා (Minister Counsellor-Defence) වන බ්‍රිගේඩියර් ප්‍රියංක ප්‍රනාන්දු මහතා යළි සේවයේ පිහිටුවීට ගත් තිරණය විවේචනයට ලක්කර තිබේ.
ඔහු සිය ෆේස්බුක් පිටුවට සටහනක් යොදමින් ඊට ප්‍රතිචාර දක්වමින් (Comments) මෙසේ විවේචනය කර තිබේ.
එසේම ඉදිරියේදී ජනපතිවරයාට සිය සහය නොලැබෙන බවද ඔහු වැඩිදුරටත් දක්වා ඇත.
දිනුක් තබන ලද මුල් සටහනේ සිංහල පරිවර්තනයක් පහත දැක්වේ.

ජනවාරි වෙනස පෙබරවාරියේදී ලොප් වීම

ජනවාරි 08 වෙනස කණපිට හැරවී ඇත. වෙනසක අගය ගැන ජනතාවට එපා වී ඇත්ද? වෙනසෙන් කිසිදු සහනයක්‌ අත් නොවූ නිසා ජනවාරි වෙනස පෙබරවාරියේදී වෙනස්‌ කිරීමට බහුතර ඡන්ද දායකයන් තීරණය කර ඇති බව පැහැදිලිය. එසේ නම් ජනවාරි වෙනස පෙබරවාරියේදී ලොප් වී ඇත.

වෙනදා පළාත් පාලන මැතිවරණයක්‌ සඳහා ඇති ජනතා උනන්දුව අඩුය. එහෙත් මෙවර වාර්තාගත ඡන්ද දායකයන් ප්‍රමාණයක්‌ ඡන්ද පොළ වෙත ඇදුනේ මන්ද? යහපාලන ආණ්‌ඩුවම යම් වැදගත් පණිවුඩයක්‌ ලබාදීම සඳහාය. ඒ පණිවුඩය ජනපති අගමැති ඇතුළු ආණ්‌ඩුවට හිරිවට්‌ටන්නක්‌ බව පෙනී යයි. මෙරට බහුතරයට යහපාලනය එපාවී ඇති සෙයක්‌ය. ඒ ජනවාරි 08 පොරොන්දු ඉටු නොකිරීමද? ඇල්ලූ හොරෙකුද නැත. හොරු අල්ලන පාටක්‌ද නොපෙනේ. හොරු ඇල්ලීම කෙසේ වෙතත් බැඳුම්කර මහා මගඩියෙන් ජනතාවට යහපාලනයේ නිරුවත හෙළිවිය. බැඳුම්කර වංචාවට වගකිව යුත්තේ කවුරුන්දැයි ජනතාව ඉතා හොඳින් අවබෝධ කරගෙන ඇත. ඒ වංචාකරුවන්ට එරෙහිව ජනතා විරෝධය මේ ඡන්ද ප්‍රතිඵලයෙන් පැහැදිලිව ප්‍රකට නොවන්නේද? හොරු කවුද කම්බ හොරු කවුදැයි මෙරට ඡන්ද දායකයන්ට අමුතුවෙන් කිවයුතු නැත. කොටි ත්‍රස්‌තවාදීන් මරාගෙන මැරෙන ප්‍රහාර එල්ල කර මහ බැංකුව විනාශ කිරීමට කළ උත්සාහයට වඩා විනාශයක්‌ බැඳුම්කර මංකොල්ලයෙන් සිදුවී ඇත. එම බැඳුම්කර හොරුන්ට කම්මුල් පහරක්‌ මේ ඡන්ද ප්‍රතිඵලය හරහා එල්ල කර ඇත.

ගිලිහෙන දේශපාලනයට ජනතාවගේ තීන්දුව

රටක සාමාන්‍ය පොදු ජනතාව වූ කලී නිහඩ පිරිසකි. කිසිවිටෙක ඔවුන් කලබලයෙන් තීරණ නොගනී. ඡන්ද විමසීමක දී තීරණාත්මක සාධකය වන්නේ මෙකී නිහ`ඩ පොදු ජනතාවගේ විඥානය යි. මෙම පළාත් පාලන ඡන්ද ප්‍රතිඵලයෙන් මෙරට ග්‍රාමීය නිහඩ පොදු ජනතාවගේ විඥානය හෙළි වී ඇත. ජාතික තලයේ හෝ අන්තර්ජාතික තලයේ දේශපාලන ප්‍රවාද මත පිහිටා ඔවුන් තීරණ නොගනී. රට ජාතිය හමුවේ අභියෝගයක්‌ පවතින බව හැෙ`ගන හැම මොහොතක ම මෙකී නිහ`ඩ පොදු ජනතාව සිය ඡන්දය මව්බිමේ උත්තරීතර වූ පැවැත්ම උදෙසා භාවිත කර ඇති බව ඉතිහාසය මෙන් ම වර්තමානය ද සාක්‍ෂි සපයයි.

මෙම ලිපිය ලියන මොහොත වන විට පළාත් පාලන ඡන්දය 2018 ප්‍රතිඵල නිකුත් වෙමින් තිබෙයි. නමුත් ඔබ මේ ලිපිය කියවන මොහොත වන විට සියලු පළාත් පාලන ආයතනවල ප්‍රතිඵල නිකුත් වී තිබෙනු ඇත. දැනට පවතින තත්ත්වය අනුව නෙළුම් පොහොට්‌ටුව ලකුණින් පළාත් ඡන්දයට ඉදිරිපත් වූ ශ්‍රී ලංකා පොදුජන පෙරමුණ පළාත් පාලන ආයතනයන්හි බහුතර බලයක්‌ ලබා ගනිමින් සිටින බව පෙනේ.

මෙම පළාත් පාලන ඡන්දය අංශ ගණනාවකින් වැදගත් වේ.