ලංකාවේ ඉපැරිණිමවූ වෙබ් අඩවියක් වන ලංකානිව්ස් වෙතට ආ ඔබ සාදරයෙන් පිිළිගනිමු...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
ලංකානිව්ස්. Powered by Blogger.

Translate

හොඳම වෙබ් හොස්ටින්

හොඳම වෙබ් හොස්ටින්
ඔබගේ නවතම වෙබ් අඩවි සඳහා පමණයි...!!!

ඔබගේ දැන්වීම්

ඔබගේ දැන්වීම්
ඔබගේ වෙළඳ දැන්වීමට LANKANEWS තුළින් ඉඩක්...සීමිත සහ වටිනා අවස්ථාවක්...දැන්ම අපට ලියන්න[email protected]

Sinhala News Site

BannerFans.com

ඔබගේ ලුහුඬු දැන්වීම් නොමිළේ

BannerFans.com

ලංකානිව්ස්

ලක් පුවත්

අපගේ මතකය අතරින් BannerFans.com

ජනප්‍රිය ලිපි එකතුව

Monday, December 17, 2018

බැඳුම්කර වංචාව අනුමත කරන්නේ නෑ - රනිල්ට අගමැති ධුරය දුන්නේ ප‍්‍රජාතන්ත‍්‍රවාදයට ගරු කරන නිසයි....!!!

පාර්ලිමේන්තුවේ 225 ම අත්සන් කළත් රනිල්ට අග‍්‍රාමාත්‍ය ධුරය ලබා නොදෙන බවට තමා සිදුකළ ප‍්‍රකාශය තම පෞද්ගලික දේශපාලන මතය වන අතර, එම මතය අදත් එලෙසම වන නමුත් පාර්ලිමේන්තු සම්ප‍්‍රදායට සහ ප‍්‍රජාතන්ත‍්‍රවාදයට ගරු කරන නායකයකු ලෙස රනිල් ට ආරාධනා කර අග‍්‍රාමාත්‍ය ධුරය ලබාදීමට තමා තීරණය කළ බව ජනාධිපති මෛත‍්‍රිපාල සිරිසේන පැවසීය. ජනාධිපතිවරයා මේ බව ප්‍රකාශ කළේ  (16 දා) පෙරවරුවේ ජනාධිපති කාර්යාලයේදී රනිල් වික්‍රමසිංහ නව අග්‍රාමාත්‍යවරයා ලෙස දිවුරුම් දීමෙන් අනතුරුව නව අග්‍රාමාත්‍යවරයා සහ පැමිණ සිටි එක්‌සත් ජාතික පෙරමුණ නියෝජනය කරන මන්ත්‍රීවරුන් අමතමිනි.

අගමැතිවරයෙක්‌ නම් කිරීමට ආණ්‌ඩුක්‍රම ව්‍යවස්‌ථාවට අනුව පාර්ලිමේන්තුවට හෝ අධිකරණයට බලයක්‌ හිමිව නොමැති අතර, එම බලය ඇත්තේ විධායක ජනාධිපතිවරයාට බව සිහිපත් කළ ජනාධිපතිවරයා නමුත් රනිල් වික්‍රමසිංහට අගමැති ධුරය ලබාදෙන ලෙස පාර්ලිමේන්තුවේ 117 ක්‌ ඡන්දය භාවිත කරමින් බහුතරයකගේ මතය ප්‍රකාශ කිරීම හේතුවෙන් සදාචාරවත් සහ පාර්ලිමේන්තු සම්ප්‍රදායට ගරු කරන නායකයකු ලෙස තමා එම තීරණයට එකඟ වූ බවත් ප්‍රකාශ කළේය.


පාර්ලිමේන්තුව විසුරුවා හැරීම, වාර අවසන් කිරීම, අගමැති ඉවත් කිරීම, අගමැති පත් කිරීම ඇතුළු පියවර තමා ගත්තේ තම තනි කැමැත්තට නොව රටේ ඉහළම නීති විශාරදයන්ගේ උපදෙස්‌ ලබා ගනිමින් බව සඳහන් කළ ජනාධිපතිවරයා එය රට සහ මාතෘභූමිය වෙනුවෙන් ඉතාමත් සද්භාවයෙන් යුතුව ගත් පියවර බවත්, ආණ්‌ඩුක්‍රම ව්‍යවස්‌ථාව උල්ලංඝනය කිරීමේ කිසිදු අයහපත් ෙච්තනාවක්‌ තමා තුළ නොතිබූ බවත් සඳහන් කළේය.

එසේම රට තුළ ඇතිවූ දේශපාලන අර්බුදයේ දී එය විසද ගැනීමට ඇති හොඳම ක්‍රමය ඡන්දයකට යැම බව තමා විශ්වාස කරන අතර, පාර්ලිමේන්තුවේ 122 ට වඩා රටේ ලක්‍ෂ 155 ක්‌ වූ ඡන්ද දායකයන්ගේ ඡන්දය ජනතා පරමාධිපත්‍යයේ තීරණාත්මක සාධකය සහ රට සහ ලෝකය පිළිගන්නා බැවින් තමන් ලක්‍ෂ 155 ක්‌ වූ ඡන්ද දායකයන්ට බලය ලබාදීමට ගැසට්‌ නිවේදනයක්‌ නිකුත් කළ බව කීය.

19 වැනි සංශෝධනය මගින් ස්‌වාධීන කොමිෂන් සභා පිහිටුවීමට හැකිවීම යහපත් පැතිකඩක්‌ වුවත් එහි අනෙක්‌ පස දේශපාලන ආරවුලක්‌ බව සඳහන් කළ ජනාධිපතිවරයා මහ බැංකු බැඳුම්කර වංචාවේ චූදිතයන්ට දඬුවම් කිරීම සඳහා සහ එම මුදල් ආපසු ලබා ගැනීම සඳහා අවශ්‍ය වූ අල්ලස්‌ කොමිසමට අදාළ පනතෙහි සංශෝධන සිදුකිරීම පාර්ලිමේන්තුව තුළ දින නියමයක්‌ නොමැතිව කල් දැමීම, මැතිවරණ ප්‍රකාශයේ සඳහන් කර තිබුණ ද අමාත්‍යාංශ වෙන් කිරීමේ විද්‍යාත්මක පදනම අනුගමනය කිරීමට කටයුතු නොකිරීම, මහ බැංකු මංකොල්ලය සහ ඒ සඳහා පත් කළ ජනාධිපති කොමිෂන් සභාවේ නිර්දේශ ක්‍රියාත්මක නොකිරීම මෙන්ම භික්‍ෂු සමාජය අහිමිකර ගැනීම සහ රණවිරුවන් සිරගත කිරීම වැනි අදූරදර්ශී ක්‍රියාවන් සිදුකරමින් පසුගිය වසර හතරකට ආසන්න කාලය තුළ රජය කටයුතු කළ ආකාරය පිළිබඳව තමා තුළ තිබුණේ දැඩි කලකිරීමක්‌ බව පැවසීය. පසුගියදා ගත් දේශපාලන තීන්දු තීරණවලට එවැනි තත්ත්වයන්ද දැඩි බලපෑමක්‌ ඇති කළ බව හෙතෙම සිහිපත් කළේය.

කවුරුන් කුමන ප්‍රකාශ සිදුකළත් තමා ඉකුත් සති කිහිපය තුළ මාතෘභූමිය වෙනුවෙන් තීන්දු තීරණ ගත්තේ රටත් ජනතාවත් වෙනුවෙන් බව සඳහන් කළ ජනාධිපතිවරයා තමාට එරෙහිව දොaෂාභියෝගයක්‌ ගෙන එන බවට ඇතැම් පිරිස්‌ සිදුකරන ප්‍රකාශ පිළිබඳව ද අදහස්‌ දක්‌වමින් කියා සිටියේ තමා සිරගත කළද පිරිසිදු ෙච්තනාවෙන් සහ සද්භාවයෙන් රටත් ජනතාවත් වෙනුවෙන් ගත් නිවැරැදි තීන්දු තීරණ ගලේ කෙටූ අකුරක්‌ සේ ඉතිහාසයේ ලියෑවෙනු ඇති බවයි.

Gadafi මෙන් තමා ඇදගෙන ගොස්‌ මරා දමන බවට ඇතැම් කථිකයන් පසුගිය දිනවල කළ ප්‍රකාශ පිළිබඳව ද සිහිපත් කළ ජනාධිපතිවරයා දැඩි පාලකයෙක්‌ වූ ඡේ. ආර්. ජයවර්ධන යුගයේ සිට බිහිවූ කිසිදු නායකයකුට කිසිවකුත් එවැනි ප්‍රකාශ සිදු නොකළ බවත් ඒ එසේ සිදුකළා නම් එම අදහස්‌ දක්‌වන පුද්ගලයන්ට අත්විඳීමට සිදුවන අභාග්‍ය සම්පන්න සිදුවීම් ඔවුන් දැන සිටි නිසා බවත් පැවසීය. අද ඔවුන් තමන්ට එසේ ප්‍රකාශ කළේ තමා රට තුළ ගොඩනැඟූ නිදහස සහ ප්‍රජාතන්ත්‍රවාදය නිසාම බවද හෙතෙම කියා සිටියේය.

මෙම සිදුවීම් සමග ගැටුමකින් තොරව රජයේ කටයුතු ඉදිරියට ගෙන යැම තම අපේක්‍ෂාව වන අතර ගැටුම් ඇති කර ගැනීම තුළින් රට ආපස්‌සට ඇද වැටෙන බව සඳහන් කළ ජනාධිපතිවරයා හෙට දවස වෙනුවෙන් රට ගොඩනැඟීමට අවශ්‍ය වන්නේ දූෂණයෙන් තොර දේශපාලන ව්‍යාපාරයක්‌ බව ද කියා සිටියේය.

අසාර්ථක වූ සහ අමු අමුවේ විනාශ කළ යහපාලන දේශපාලන සංකල්පය ඉටුකරගත හැක්‌කේ රටට ආදරය කරන, සංස්‌කෘතික වටිනාකම් සහ සමාජ හර පද්ධතිවලට ගරු කරන දේශපාලන ව්‍යාපාරයක්‌ තුළින් පමණක්‌ බව මෙහිදී ජනාධිපතිවරයා වැඩිදුරටත් සඳහන් කළේය.

මින් අනතුරුව සජිත් ප්‍රේමදාස  ද සභාව ඇමතූ අතර එහිදී සජිත් සඳහන් කළේ ජනාධිපතිවරයාට එරෙහිව දොaෂාභියෝගයක්‌ ගෙන ඒමට කිසිදු අවස්‌ථාවක එක්‌සත් ජාතික පක්‍ෂය ඇතුළු තම කණ්‌ඩායම සූදානම් නොමැති බවත්, ඉදිරියේදී ජනාධිපතිවරයා සමග සහයෝගයෙන් රජයේ කටයුතු සාර්ථකව පවත්වාගෙන යැම අපේක්‍ෂාව වන බවත්ය.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි.