Sri Lanka Rupee Converter
රජයේ රක්‌ෂිත කැලෑව පිහිටි මෙම පෙදෙසේ මුස්‌ලිම් ජනතාව විශාල පිරිසක්‌ පදිංචිව සිටි බවත් එල්. ටී. ටී. ඊ. කොටි ත්‍රස්‌තවාදය පැවති දිනවල ඔවුන් පදිංචිය අතහැර වෙනත් ප්‍රදේශවලට පලා ගිය බවත් එම නිවාස ඉදිකළේ අවතැන්ව සිටින ජනතාවගේ පදිංචිය සඳහා බවත් ඇමැති බදුර්දීන් අභියාචනාධිකරණයට ගොනු කළ දිවුරුම් පෙත්සමේ සඳහන් කර ඇත.
නීතිඥ වීරක්‌කොඩි සිය පෙත්සමෙන් කියා සිටින්නේ ඇමැති බදුර්දින් දිවුරුම් පෙත්සමෙන් කළ ප්‍රකාශය සම්පූර්ණ අසත්‍යයක්‌ බවයි.
වර්ෂ 1972 සහ 1991 වර්ෂවලදී රජයේ මිනින්දොaරු දෙපාර්තමේන්තුව විසින් නිකුත් කරන ලද සිතියම්වල විලච්චිකුලම්හි කැලෑ ප්‍රදේශය ජනාවාසයක්‌ව නොතිබුණ බවත් එහි කිසිවෙක්‌ පදිංචිව නොසිටි බවත් පැහැදිලිව පෙන්නුම් කරන බවද නීතිඥ වීරක්‌කොඩි වැඩිදුරටත් කියා සිටී. ඒ අනුව ඇමැති බදුර්දීන් කර ඇත්තේ අසත්‍ය ප්‍රකාශයක්‌ බැවින් ප්‍රථමයෙන් ඔහුට නොතීසි නිකුත් කර උසාවි හමුවට කැඳවා සිදුකර ඇති වරද පෙන්වා දී එම වරදට ආණ්‌ඩුක්‍රම ව්‍යවස්‌ථාවේ 105 (3) වගන්තිය යටතේ දඬුවම් නොකිරීමට හේතු ඇත්නම් විමසන ලෙස දැනුම් දෙන ලෙස නීතිඥ වීරක්‌කොඩි සිය පෙත්සමෙන් ඉල්ලා ඇත.
ඉන් අනතුරුව විභාගයක්‌ පවත්වා අභියාචනාධිකරණයට අපහාස කිරීමේ චෝදනාවට වරදකරු කොට නිසි දඬුවමක්‌ ඔහුට නියම කරන ලෙසද පෙත්සම්කරු ඉල්ලා ඇත.
විලච්චිකුලම්හි රක්‌ෂිත කැලෑව බලෙන් එළි පෙහෙළි කිරීමෙන් පරිසරය දූෂණය කිරීම ඇතුළු චෝදනා කීපයක්‌ යටතේ රජයේ නිලධාරීන් කීපදෙනකු ට එරෙහිව මෙම නඩුවෙන් චෝදනා එල්ල කර ඇත.
ඇමැති බදුර්දීන් එම නඩුවේ 06 වැනි වගඋත්තරකරු ලෙස නම් කර තිබේ.
