Sri Lanka Rupee Converter
සිරගත කිරීමකදී භික්‍ෂුන් වහන්සේ නමකගේ භික්‍ෂුත්වය අහිමිවී නොයන බවත් එසේ වීමටනම් සතර පාරාජිකා වරදකට ලක්‌ව එය සංඝාධිකරණයකින් ඔප්පු කර තිබිය යුතු බවත් සෝභිත හිමියෝ පෙන්වා දුන්හ.
එසේ නොවන්නේ නම් ඕනෑම භික්‍ෂුවකට සිවුර දමා සිටීමේ අයිතිය ඇතැයිද කියා සිටි ඕමල්පේ සෝභිත හිමියෝ කසාවතට ඇති ගෞරවය සෑම අංශයක්‌ම දැනගත යුතු යෑයිද අවධාරණය කළේ.
රෝම ලන්දේසි නීතිය බුද්ධාගම, බෞද්ධ සිරිත් විරිත්, දේශීය හා සිංහල සම්ප්‍රදායන් නොහඳුනන බවටත් පූජ්‍ය ඕමල්පේ සෝභිත හිමියෝ චෝදනා කළහ.
එහෙයින් මහානායක හිමිවරුන් මැදිහත්ව රටේ නායකයන්ට අවවාද අනුශාසනා ලබාදී මෙම රෝම ලන්දේසි නීතිය රටට ගැලපෙන ලෙස වෙනස් කිරීමට වහා කටයුතු කළයුතු බවත් උන්වහන්සේ පැවසූහ.
මිනිසකු මැරීම, රහතන්වහන්සේ නමක්‌ නොවී තමන් රහතන් වහන්සේ නමක්‌ ලෙස පෙනී සිටීම, බරපතළ සොරකම් කිරීම සහ මෛථුන සේවනය, සතර පාරාජිකා වරදවල් වේ.
