Sri Lanka Rupee Converter
ඓතිහාසික වටිනාකමක්‌ ඇති බොරැල්ල ශාන්ත අන්තෝනි දේවස්‌ථානයද මේ ආසන්නයේම පිහිටා ඇත.
මේ අනවසර රාත්‍රි සමාජ ශාලා දෙකම පිහිටා තිබෙන්නේ බොරැල්ල පොලිසියට අතේ දුරින් වුවද මේ දක්‌වා බොරැල්ල පොලිසිය හෝ සුරාබදු අංශ ඒවාට එරෙහිව කිසිදු ක්‍රියාමාර්ගයක්‌ ගෙන නොමැති බව ඒ අවට පිරිස්‌ සඳහන් කරති.
රාත්‍රි නවයේ පමණ සිට අලුයම දක්‌වාත් නීති විරෝධී ලෙස මත්පැන් අලෙවි කරමින් රාත්‍රි සමාජ ශාලා ලෙස මේවා පවත්වාගෙන ගියද ඒ තුළ වැඩි වශයෙන්ම සිදුවන්නේ මහා පරිමාණ ගණිකා ජාවාරමක්‌ බවද ඔවුහු පෙන්වා දෙති.
බලපත්‍ර නොමැතිව නීති විරෝධී ලෙස මෙම රාත්‍රි සමාජ ශාලා දෙක පවත්වාගෙන ගියද ඒවා පවත්වාගෙන යන්නේ සුරාබදු දෙපාර්තමේන්තුවේ ඉහළ නිලධාරියෙකුගේ නමින් තිබෙන බලපත්‍ර දෙකක්‌ යටතේ බවට ජාවාරම්කරුවන් ප්රචාරයක් දියත් කර ඇතැයිද වාර්තා වේ.
බොරැල්ල තරුණ බෞද්ධ සංගම් ශාලාවටත් සුසමය වර්ධන විදුහලට හා ශාන්ත අන්තෝනි දේවස්‌ථානයටත් ආසන්නයේ මෙසේ අනවසර රාත්‍රි සමාජ ශාලා දෙකක්‌ පවත්වාගෙන යමින් රටේ නීතියටත් සංස්‌කෘතියටත් සමච්චල් කර ජාවාරම්කරුවන් ගණිකා ජාවාරමක්‌ පවත්වාගෙන යද්දී අදාළ බලධාරීන් මුනිවත රකින්නේ යහපාලනය අනුව දැයි මේ පිළිබඳ අදහස් දක්‌වන පිරිස්‌ රජයෙන් විමසා සිටිති.
සමන් ගමගේ
