ජනාධිපති කාර්ය මණ්ඩල ප‍්‍රධානියා අල්ලස් ගත් කන්තලේ සීනී ෆැක්ටරි ගණුදෙනුවේ සුල මුල මෙන්න..!!!

කන්තලේ සීනි කර්මාන්ත ශාලාවේ යකඩ ටෙන්ඩර් කර විකිණීම නවත්වා රටට කෝටි 54 ක් පාඩු කල අයි.කේ. මහානාම ජනාධිපති කාර්ය මණ්ඩල ප්‍රධානියා ලෙස පත් කලේ මන්දැයි පාරිභෝගික අයිතීන් සුරැකීමේ ජාතික ව්‍යාපාරය ප‍්‍රශ්න කරයි.
එසේ ප‍්‍රශ්න කරමින් එම සංවිධානය විසින් නිකුත් කර ඇති නිවේදනය මෙසේය.
කන්තලේ සීනි කර්මාන්ත ශාලාවේ යකඩ ටෙන්ඩර් කර විකිණීම නවත්වා රටට කෝටි 54 ක් පාඩු කල අයි. කේ. මහානාම ජනාධිපති කාර්ය මණ්ඩල ප්‍රධානියා කළේ ඇයි? ‘
ජනාධිපති කාර්යය මංණ්ඩල ප්‍රධානී අයි.කේ. මහානාම අද දින අල්ලස් කොමිසම විසින් අත්අඩංගුවට ගනු ලැබුවේ කන්තලේ සීනි කර්මාන්ත ශාලාව ලබා දීම සදහා කෝටි 56 අල්ලස් ලෙස ඉල්ලා ඉන් කෝටි 2 ක් ලබා ගන්ද්දීය.

කන්තලේ සීනි කර්මාන්ත ශාලාව පිළිබද සත්‍ය අප හෙළි කලේ මීට වසරකට පෙරය. ඉඩම් හා පාර්ලිමේන්තු කටයුතු අමාත්‍යාංශයේ එවකට ලේකම් වරයා වූ අයි.කේ. මහානාම කන්තලේ සීනි කර්මාන්ත ශාලාවේ අබලි ද්‍රව්‍ය විකිණීමට කැදවන ලද ටෙන්ඩරයට අනුව වැඩිම ලන්සුව වූ කෝටි 54 ට එය ලබා දුන්නේ නැත.ඔහු එසේ කළේ අල්ලස් ලබා ගැනීමට බව අප රටට හෙළි කළේය.
භාහිර පිරිසක් කන්තලේ සීනි කර්මාන්ත ශාලාව වෙත යැවූ බවට අප පොලීසියට පැමිණිලි කළේය.
පරීක්ෂණයකින් පසු පොලීසිය අප වෙත දැන්වූයේ ඔවුන් කන්තලේ සීනි කර්මාන්ත ශාලාව වෙත යැවූයේ ඉඩම් හා පාර්ලිමේන්තු කටයුතු අමාත්‍යාංශයේ එවකට ලේකම් වරයා වූ අයි.කේ. මහානාම බවයි.
ජනතා විමුක්ති පෙරමුණද ඔහු ආරක්ෂා කළේය.
රංජිත් විතානගේ
සභාපති
පාරිභෝගික අයිතීන් සුරකීමේ ජාතික ව්‍යාපාරය
 පසු පුවත ඵදා වාර්තා වූයේ මෙසේය....!!!

July 8, 2017

 කන්තලේ සීනි කම්හලේ යන්ත‍්‍ර සූත‍්‍ර මිලියන 540 කට විකුණයි....!!!

කන්තලේ සීනි නිෂ්පාදන කර්මාන්ත ශාලාවේ යන්ත‍්‍ර සූත‍්‍ර හා චංචල දේපල මිලියන 540 කට විකුණා ඇතැයි වාර්තාවේ.
1960 වසරේ දිවංගත අගමැතිනියගේ රජය විසින් ආරම්භ කර ඇති කන්තලේ සිනි කර්මාන්ත ශාලාවේ යන්ත‍්‍ර සූත‍්‍ර හා චංචල දේපල ඊයේ දින ඉඩම් අමාත්‍යාංශයේ දී පස්වරු 02.30 විවෘත කරන ලද ටෙන්ඩරයක් මගින් මිලියන 540 කට විකුණා ඇත.
එහි වැඩිම ලංසුව වන මිලියන 540 තබා ඇත්තේ මීරිගම ලංකා සමාගම විසින්ය.
මීට වසර 27 කට පමණ පෙර වසා දමන ලද උක්ත සමාගම 1980 – 1986 වසරේ ලබාගෙන ඇත ලාභය මිලියන 70 කි.
2015 දී රජය ප‍්‍රකාශ කරන ලද්දේ කන්තලේ සිනි සමාගමේ 49% කොටස් M.G Sugars lanka සමාගමට අනුබද්ධ ඇමරිකානු සමාගමක් වන Mendel Gluck සමාගම සමග ඇ.ඩො මිලියන 100 මුදලකට ලබා දීමට ගිවිසුම් අත්සන් කරන බවයි.
අදාල සමාගමේ විශාල සේවක සංඛ්‍යාවක් රැකියාවේ නියුතු අතර ඔවුනටද රැකියා අහිමිව ඇත.
දේශීය සීනි කර්මාන්තය නැංවීමේ අදහසින් සීනි ආනයනයට බදු පනවන රජය මෙසේ දේශීය සීනි කර්මාන්තශාලා විකුණා දමන්නේ සීනි පරිභෝජනයෙන් ජනතාවට දියවැඩියාව සෑදෙන නිසා ද යන්න අප ප‍්‍රශ්ණ කරමු.