Sri Lanka Rupee Converter
කලක්‌ රෝගාතුරව සිටි ඒ මහතා මියයන විට 66 හැවිරිදි වියෙහි පසුවිය. කෘතහස්‌ත ලේඛකයකු හා කවියකු ලෙස පාඨක ආදරය දිනාගත් දොඩංගොඩ මහතා 'දිවයින ඉරිදා සංග්‍රහයේ' විශේෂාංග කතුවරයකු ලෙස දිගු කලක්‌ සේවය කළේය.
දශක තුනකට අධික සිය මාධ්‍ය දිවියේ ලේඛකයකු ලෙස විසල් මෙහෙවරක්‌ කළ චන්ද්‍රසිරි දොඩංගොඩයන් අතින් ලියෑවුණු මගේ සඳ ඔබයි, සඳ කළුවර, ආත්මා, ලෝචනා, කඳුළු දොරකඩ, විසිරුණු මල් පෙති, පිටුවහල් කළ මිනිසා, ඇත්කඳ ලිහිණි, දැල බිඳුම සහ භෂ්මාවශේෂ යන නවකතා පාඨකයන් අතර මහත් ප්‍රචලිත විය.
විශිෂ්ට කාව්‍ය රචකයකු ද වූ ඒ මහතා 'දිවයින ඉරිදා සංග්‍රහය'ට සංස්කරණය කරන ලද 'කව් මුතු' පිටුව පාඨක සමාජයේ ඉහළ ප්‍රතිචාර ලැබීය.
ඔහුගේ නවකතා කිහිපයක්‌ පසු කලෙක ටෙලි නාට්‍ය ලෙසද නිර්මාණය වූ අතර ඒවා රූපවාහිනි ප්‍රේක්‍ෂකයන්ගේ නොමඳ ප්‍රතිචාරයට ලක් විය.
චන්ද්‍රසිරි දොඩංගොඩ මහතා සුනිලා විඡේසිංහ මහත්මියගේ දයාබර ස්‌වාමිපුරුෂයා වූ අතර නිපුන දොඩංගොඩ ඔවුන්ගේ එකම පුත්‍රයාය.
චන්ද්‍රසිරි දොඩංගොඩ මහතාගේ අවසන් කටයුතු ලබන බ්‍රහස්‌පතින්දා (29 වැනිදා) රාගමදී සිදු කිරීමට නියමිත අතර 48/5 කුරුකුලාව රාගම දරන ලිපිනයේ පිහිටි ඒ මහතාගේ නිවසෙහි දේහය තැන්පත් කර ඇත.
