Sri Lanka Rupee Converter
එම මුදල් ලබාගැනීම සඳහා විශේෂ පනතක්‌ සම්මත කරගත යුතු බව ජනාධිපති මෛත්‍රිපාල සිරිසේන මෙයට දින කිහිපයකට පෙර බැඳුම්කරය සම්බන්ධයෙන් කරන ලද විශේෂ ප්‍රකාශයක සඳහන් විය. පර්පෙචුවල් ට්‍රෙෂරීස්‌ සමාගමේ බැංකු ගිණුම් දැනටමත් තහනම් කර තිබේ. එහෙත් බැඳුම්කර කොල්ලයෙන් උපයාගත් මුදලින් සියයට දහයක්‌වත් එම ගිණුම්වල නැති බව අපට විශ්වාසය. හේතුව බැඳුම්කර කොල්ලකෑම් සහ Insider Trading සිදුකරන සමාගම්වල මෝඩයන් නොසිටීමය. ඔවුන් යමක් කරන්නේ එහි ඊළඟ ඵලයද සලකා බලාය. ඒ අනුව ඉතිරි මුදල් සෙවීම සඳහා ඩුබායි බැංකුවලට යැමට ලක් රජයට සිදු වූවොත් පුදුම විය යුතු නැත.
කවුරු කොහොම කිව්වත් බැඳුම්කර සිද්ධියේ අභ්‍යන්තරය රටට හෙළි කිරීමේ ගෞරවය ජනාධිපති මෛත්‍රිපාල සිරිසේනට හිමිය. එම වංචාවට එරෙහිව ජනමතයක්‌ ගොඩනැඟීමේ මූලාරම්භය ඇති කිරීම පිළිබඳ ගෞරවය ජනතා විමුක්‌ති පෙරමුණට හිමිය. කොමිසමේ සාක්‍ෂි මෙහෙයවීමේදී දප්පුල ද ලිවේරා සහ යසන්ත කෝදාගොඩ යන මහත්වරුන් කළ මෙහෙවර ඉතා අගනේය එහෙත් අන්තරාදායකය. මෙවැනි දූෂකයන් ගැන සෙවීමට ගිය ලලිත් අඹන්වල නමැති රජයේ නිලධාරියා වසර 2002 දී ඇසිඩ් පහරක්‌ කෑවේය. ඔහුගේ ඇස්‌ අන්ධ විය. තත්ත්වය එය නම් දප්පුල ලිවේරා සහ යසන්ත කෝදාගොඩ මෙතැන් සිට ජීවත් විය යුත්තේ ඉතා පරෙස්‌සමිනි. ජනාධිපති සිරිසේන ඊටත් වඩා පරෙස්‌සම් විය යුතුය. රුපියල් 5000 ට මිනීමරන, බෝම්බ ගසන අපරාධකරුවන් ගෙන් අද සමාජය පිරී ඉතිරී ගොස්‌ ඇති බව අප අමතක කළ යුතු නොවේ. සෑම මරාගෙන මැරෙන්නෙක්‌ම කොටියෙක්‌ නොවේ. එහෙත් මරාගෙන මැරීම සිදුවූ පසු එය සිදු කළ එකා කොටියකු බව කී විට ඔහුගේ මළකඳ එයට විරුද්ධ වන්නේ නැත. ලලිත් ඇතුලත්මුදලි ඝාතනය මතක ඇති අය අප අතර බොහෝය. ඵයද ඔහුගේ ඵවකට පක්‍ෂයේ අරමුදල භාරව සිටි හොර තඩියා හෙවත්
කරුප්පයියාගේ ප්ලෑනක් බව තතු දන්නෝ පවසති.ඌ ගොඩ ආයේ ඵම මුදලිනී.
