Sri Lanka Rupee Converter
‘2018 ජනවාරි 3දා ජාතිය අමතමින් ජනාධිපති කිව්වේ බැඳුම්කර වාර්තාවේ පිටු 1,257ක් තිබෙනවා කියා. ඒත් ඊයේ ඉදිරිපත් කළ වාර්තාවේ තිබෙන්නේ පිටු 1154යි. ඒ කියන්නේ පිටු 103ක් අඩුයි.
මේ වාර්තාව තමන්ට ලැබුණු බවත් එහි අසත්‍ය කරුණු තිබෙන නිසා එය ප්‍රසිද්ධ කරන්න බෑ කියාත් රවි කරුණානායක මන්ත්‍රි කිව්වා. ඒ නිසා අපට සාධාරණ සැකයක් තිබෙනවා රවි කරුණානායක මන්ත්‍රිට අසත්‍ය යැයි සිතෙන කරුණු වාර්තාවෙන් ඉවත්කළ නිසාද පිටු 103කින් වාර්තාව අඩු උනේ කියලා.VIDEO
එබැවින් මේ වාර්තාව පිළිබඳ ජනතා විශ්වාසනීයත්වය ගොඩ නැගෙන්න නම් ජනාධිපති මේ පිටු 103ට මොකද වුණේ කියා රටට කියන්න ඕනෑ’
– අරවින්ද අතුකෝරල
බැදුම්කර කොමිසමේ වාර්තාවක් රවී ලග..
ශ්රී ලංකා මහ බැංකුවේ බැදුම්කර අක‍්‍රමිකතා සම්බන්ධයෙන් පරීක්‍ෂණ පවත්වන ලද ජනාධිපති විශේෂ කොමිෂන් සභාවේ අවසන් වාර්තාවේ පිටපතක් තමනට ලැබුනු බව හිටපු ඇමති පාර්ලිමේන්තු මන්ත්රී රවි කරුණානායක පවසයි.
ඔහු මේ බව කියා සිටියේ මට්ටක්කුලියේද පැවති එජාප ජනහමුවක් අවසානයේ මාධ්‍යවේදීන් විසින් කරනු ලැබූ ප‍්‍රශ්න කිරීමකදීය.
එම වාර්තාව ලබා දෙන්නැයි පසුගියදා මන්ත‍්‍රීවරයා ජනාධිපති කාර්යාලයට ගියද පිටපතක් නොලැබුනේය.
එම කාර්යාලය ඉදිරිපිටදී එදින ඔහු ජනාධිපතිවරයා ඇතුළු ශ‍්‍රීලනිප පාර්ශවයට දැඩි චෝදනා එල්ල කලේය.
හිටපු ඇමති රවි කරුණානායකට එරෙහිව අල්ලස් නඩු පවරන ලෙස එම වාර්තාවෙන් නිර්දේශ කර ඇති බව ජනාධිපතිවරයා පසුගියදා බැදුම්කර විශේෂ ප‍්‍රකාශයේදී කියා සිටියේය.
