Sri Lanka Rupee Converter
මොනෑක්‌ ගනුදෙනුව මම දන්නේ නෑ
නිවස බදු ගැනීම,මිලදී ගැනීම පවුලේ අයගේ වැඩක්‌
ඇමැති රවි බැඳුම්කර කොමිසමට කියයි
ප්‍රශ්නවලට පිළිතුරු මිස ප්‍රකාශ එපා
-කොමිසමෙන් ඇමැතිට අවවාද
රවී සහ ඇලෝෂියස්‌ගේ සිංගප්පූරු ගුවන් ගමන්
ගැනත් කොමිසම කරුණු විමසයි
කොල්ලුපිටියේ මොනෑක්‌ රෙසිඩන්සීස්‌ හි සුපිරි මහල් නිවස බදු ගැනීමට හෝ එය පසුව මිලදී ගැනීමට තමා සම්බන්ධ වූයේ නැති බවත් එය තම පවුලේ අය විසින් සිදුකරන ලද්දක්‌ බවත් වර්තමාන විදේශ ඇමැති සහ හිටපු මුදල් ඇමැති රවි කරුණානායක (02 දා) ජනාධිපති බැඳුම්කර කොමිසම හමුවේ සාක්‌ෂි දෙමින් කීවේය.තමා බිරිඳ සහ දරුවන් සමඟ දැනටත් පදිංචිවී සිටින්නේ එම සුපිරි තට්‌ටු නිවාස ඒකකයේ බව ද ජනාධිපති කොමිසම හමුවේ අසන ලද ප්‍රශ්නවලට පිළිතුරු දෙමින් රවි කරුණානායක පිළිගත්තේය.
ජ්‍යෙෂ්ඨ අතිරේක සොලිසිටර් ජනරාල් ජනාධිපති නීතිඥ දප්පුල ද ලිවේරා විදේශ ඇමැතිවරයාගේ සාක්‌ෂිය මෙහෙයවීම සිදුකළේය.
