Sri Lanka Rupee Converter
- රට යවන බව පවසා කූට ලේඛන සකස්‌ කර කාන්තාවන් රවටා ජංගම දුරකථන මගින් තම නිරුවත් ඡායාරූප යවා ලිංගික අතවර සිදුකරන බවට චෝදනා ලැබ සිටින පුවක්‌පිටිය ප්‍රදේශයේ පුද්ගලයකුගේ නිවෙසක්‌ පසුගිය 15 වැනිදා රාත්‍රි පරීක්‌ෂාකර විදේශ ගමන් බලපත්‍ර 21 ක්‌ ඇතුළු සැක කටයුතු ලියෑවිලි තොගයක්‌ අත්අඩංගුවට ගත් බව පොලිසිය පවසයි.
මෙම සැකකරු විදේශ රැකියා ඒජන්සියක අතරමැදියකු ලෙස පෙනී සිටින පුද්ගලයෙකි. දැනට මොහු එවැනි චෝදනාවකට සැකපිට අත්අඩංගුවට ගෙන රක්‌ෂිත බන්ධනාගාරගත වී සිටින අයෙකි. අධිකරණයෙන් ලබාගත් සෝදිසි වරෙන්තුවක්‌ මත මෙම සැකකරුගේ නිවෙස පොලිසිය විසින් සෝදිසි කිරීමේදී අත්අඩංගුවට ගත් අනෙකුත් ලියකියවිලි අතර කාන්තාවන්ගේ ජාතික හැඳුනුම්පත්, ව්‍යාජ රබර් මුද්‍ර, කාන්තාවන්ගේ ඡායාරූප, ව්‍යාජ පොලිස්‌ සහතික, උප්පැන්න සහතික තොගයක්‌ පොලිස්‌ ලාංඡනය සහිත හිස්‌වැසුමක්‌ පැළඳ සිටින සැකකරුගේ ඡායාරූපයක්‌ ඇතුළු ලියකියවිලි රාශියක්‌ද වේ. මෙම සැකකරු කාන්තාවන්ගෙන් ලිංගික අල්ලස්‌ ඉල්ලා ඔවුන් රවටමින් දීර්ඝ කාලයක්‌ තිස්‌සේ මෙම ජාවාරම සිදුකර ඇති බව පොලිසිය පවසයි. එම තොරතුරු ඔස්‌සේ දිගටම පරීක්ෂණ පවත්වන බව උසස්‌ පොලිස්‌ නිලධාරියෙක්‌ පැවසීය.
මෙම සැකකරුගෙන් තවත් පුද්ගලයකුට හෝ කාන්තාවකට කරදරයක්‌ හෝ අතවරයක්‌ සිදුවී ඇත්නම් පොලිසියට පැමිණිලි කරන ලෙසට ගලේවෙල පොලිස්‌ ස්‌ථානාධිපති පොලිස්‌ පරීක්‌ෂක ජානක විතානාච්චි මහජනතාවගෙන් ඉල්ලා සිටී. දුරකථන අංකය - 066-2289222.
මෙම වැටලීම සඳහා ගලේවෙල පොලිස්‌ ස්‌ථානාධිපති පොලිස්‌ පරීක්‌ෂක ජානක විතානාච්චි, පොලිස්‌ පරීක්‌ෂක ප්‍රියශාන්ත බණ්‌ඩාර, උප පොලිස්‌ පරීක්‌ෂකවරුන් වන ජානක වීරරත්න, ප්‍රදීප් රණසිංහ, පොලිස්‌ සැරයන්වරුන් වන 52403 සේනානායක, (19282) වනසිංහ, (68938) සංජීව, කාන්තා පොලිස්‌ කොස්‌තාපල් (2505) සුනේත්‍රා යන නිලධාරීහූ සහභාගි වූහ.
ගලේවෙල විශේෂ
