ද්විත්ව පුරවැසිභාවය සහිතව පාර්ලිමේන්තු වරප්‍රසාද ලබන සියලු දෙනා හිරේ දැමිය යුතුයි - ඇමැති මහින්ද සමරසිංහ

ද්විත්ව පුරවැසිභාවය සහිතව පාර්ලිමේන්තුවේ වරප්‍රසාද භූක්‌ති විඳින සියලුම දෙනා හිරේ දැමිය යුතු යෑයි වරාය හා නාවික කටයුතු පිළිබඳ ඇමැති මහින්ද සමරසිංහ  පැවැසීය.
  ද්විත්ව පුරවැසිභාවය හිමි ගීතා කුමාරසිංහ  සම්බන්ධයෙන් ශ්‍රේෂ්ඨාධිකරණය පැහැදිලි තීන්දුවක්‌ ලබා දුන් බව ද, ඒ අනුව ද්විත්ව පුරවැසිභාවය සහිතව පාර්ලිමේන්තුවේ වරප්‍රසාද ලබාගෙන සිටින අය හිරේ දමන ලෙසට ආණ්‌ඩුවට යෝජනා කරන බව ද ඇමැතිවරයා කීවේය.
  ඒ අනුව තවදුරටත් ද්විත්ව පුරවැසිභාවය හිමි අය පිළිබඳව රජය විසින් සොයා බැලිය යුතු බව ද මහින්ද සමරසිංහ  සඳහන් කළේය.
තමන් ද ද්විත්ව පුරවැසිභාවය හිමි අයෙක්‌ බවට ඇතැමුන් අසත්‍ය ප්‍රචාර ගෙන යන බව ද, තමන් කිසි ලෙසකින්වත් ද්විත්ව පුරවැසිභාවය ලබාගෙන නොමැති බව ද මහින්ද සමරසිංහ  පැවැසීය.

 ශ්‍රී ලංකා නිදහස්‌ පක්‍ෂ මූලස්‌ථානයේ (09 වැනිදා) පැවැති මාධ්‍ය හමුවේදී මාධ්‍යවේදියකු නැගූ ප්‍රශ්නයකට පිළිතුරු දෙමින් මහින්ද සමරසිංහ එම අදහස්‌ පළ කළේය.