Sri Lanka Rupee Converter
ශ්රී ලංකා යුද හමුදාව ද්‍රවිඩයන් 60 කට දරුණු වධහිංසා පැමිණ වූ බවට හිටපු එක්‌සත් ජාතීන්ගේ නිලධාරිනී යස්‌මිත් සුකා ඉදිරිපත් කළ පැමිණිල්ල ගැන මානව හිමිකම් කොමසාරිස්‌ සෙයිද් රාද් හුසේන් ශ්රී ලංකාව ගැන තවත් පරීක්ෂණයක් ආරම්භ කර ඇත.
හිටපු කොටි ක්‍රියාකාරීන් වූ මේ පිරිසගෙන් යස්‌මිත් සූකා සාක්‍ෂි ලබාගෙන එම සාක්‍ෂි මානව හිමිකම් කවුන්සිලයට යොමු කර තිබේ.
වත්මන් රජය යටතේ මේ වධහිංසා සිදු වූ බවද ඇය සිය පැමිණිල්ලේ දක්‌වා ඇත.
එහෙත් යුද්ධය නිම වී වසර 8 කට පසු එල්ල වී ඇති මෙම චෝදනා හමුදාපති මහේෂ් සේනානායක විසින් එකහෙළාම ප්‍රතික්‌ෂේප කර තිබේ.
යස්‌මිත් සුකාට මෙම සාවද්‍ය පැමිණිල්ල ඉදිරිපත් කිරීම සඳහා 1971 කැරැල්ලේ හිටපු ක්‍රියාකාරිකයෙක්‌ද සම්බන්ධ වී ඇති බව ජිනීවා ආරංචි මාර්ග හෙළි කර සිටියි.
ඇය මේ හිටපු කොටි 60 දෙනා කව්දැයි හෙළි කර නැත. ඔවුන්ට යුරෝපා රටවලදී දේශපාලන රැකවරණ දීමට ඇය සහාය වන බවද වාර්තා වී ඇත.
කීර්ති වර්ණකුලසූරිය
