අයිවෝ ඩෙනිස්‌ දැඩි සත්කාර ඒකකයේ

ගුවන් විදුලි සහ චිත්‍රපට පසුබිම් ගී ගායකයෙකු, සංගීත ගුරුවරයෙකු සෞන්දර්ය විශ්වවිද්‍යාලයේ උපදේශකවරයෙකු ද වූ ජනාධිපති සම්මාන ලාභී අයිවෝ ඩෙනිස්‌ මහතා බරපතළ ලෙස රෝගාතුරවී කොළඹ පෞද්ගලික රෝහලක දැඩි සත්කාර ඒකකයේ ප්‍රතිකාර ලබයි.
  පනහ දශකයේ ගුවන් විදුලියේ සංගීත වැඩසටහනකට සුනිල් ශාන්තගේ වරෙන් හීන් සැරේ වරෙන් හීන් සැරේ ගීතය අයිවෝ ඩෙනිස්‌ විසින් ගායනා කරන ලදි. මෙය ශ්‍රවණය කළ සුනිල් ශාන්ත තමාගේ හඬට සමාන හඬක්‌ ඇති මේ නවකයා සොයා ගෙන එන ලෙස තම හිතවත් පැටි්‍රක්‌ දෙනිපිටියට දැන්වීය. ඒ අනුව පැමිණි අයිවෝ ඩෙනිස්‌ සුනිල් ශාන්තගේ ගෝලයකු බවට පත්විය.
එම අවධියේම ගුවන් විදුලිය ඉදිරිපත් කළ ආධුනික වැඩසටහනක කුරුලු පරාදීසයේ කුරුලු සීන සාගරේ ඔබ හා විසුමට එන්නෙමි ගීතය ගායනා කරමින් ගායක ලොවට පිවිසියේය. එම ගීතය රචනා කළේ තිලක සුදර්මන් ද සිල්වාය.

 දකුණ නැගෙනහිර, අභිමානණීය වූ, සැළෙන ලෙළෙන උකුළු තලේ, වළාකුලින් බැස සමගින් ජනප්‍රිය ගී රැසක්‌ ගායනා කළ අයිවෝ ඩෙනිස්‌ සේවයෙන් ඉසිඹු ලබා සිටියේය.