ලංකාවේ ඉපැරිණිමවූ වෙබ් අඩවියක් වන ලංකානිව්ස් වෙතට ආ ඔබ සාදරයෙන් පිිළිගනිමු...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
ලංකානිව්ස්. Powered by Blogger.

Translate

New

ඔබගේ දැන්වීම්

ඔබගේ දැන්වීම්
ඔබගේ වෙළඳ දැන්වීමට LANKANEWS තුළින් ඉඩක්...සීමිත සහ වටිනා අවස්ථාවක්...දැන්ම අපට ලියන්න[email protected]

හොඳම වෙබ් හොස්ටින්

හොඳම වෙබ් හොස්ටින්
ඔබගේ නවතම වෙබ් අඩවි සඳහා පමණයි...!!!

Sinhala News Site

BannerFans.com

ඔබගේ ලුහුඬු දැන්වීම් නොමිළේ

BannerFans.com

ලංකානිව්ස්

ගුවන්‍ යානා තොරතුරු

ගුවන්‍ යානා තොරතුරු
විශේෂ වෙබ් අවකාශයක්

ලක් පුවත්

අපගේ මතකය අතරින් BannerFans.com
Seilankan Informations

QR Code generator

Lankanews+ Followers

ජනප්‍රිය ලිපි එකතුව

Sunday, November 5, 2017

පවුල් තුන ආවේ ක්‍රිකට්‌වලට ඇති ආදරයට නොව ක්‍රිකට්‌ ආයතනය හරහා හම්බ කළ හැකි මුදලටය...!!!

 මේ රටේ ක්‍රිකට්‌ පිරිහුණේ ඇයි? මේ රටේ දේශපාලනය පිරිහීමට හේතු වූ සාධකයට එයද බලපෑවේය. එනම් ශ්‍රී ලංකා ක්‍රිකට්‌ සංගමය ක්‍රමයෙන් පවුල් 3 ක්‌ අතට ගියේය. සභාපති පුටුවත්, පරිපාලනයත් කාලයෙන් කාලයට මේ පවුල් 3 අතට ගියේය. එය හරියටම තට්‌ටු මාරුවට කුඹුරු කොටන්නාක්‌ වැනි වැඩකි. මේ පවුල් තුන ආවේ ක්‍රිකට්‌වලට ඇති ආදරයට නොව ක්‍රිකට්‌ ආයතනය හරහා හම්බ කළ හැකි මුදලටය.
 

 අද වන විට මේ රටේ ක්‍රිකට්‌ ක්‍රීඩාව සුප් හැලියකි. එහෙත් ඒ සුප් එක තුළ කිසිදු එළවළු කැබැල්ලක්‌ නැත. ඇත්තේ උණු වතුර සහ ලුණු පමණි. නුදුරේදී මෙකී උණුවතුර සහ ලුණු සහ හිස්‌ හැලිය හොරුන් විසින් ගෙන යනවා ඇත. එවිට ඉතිරි වන්නේ ලිප් ගල් තුන පමණි.
 
ශ්‍රී ලංකා ක්‍රිකට්‌ ඉතිහාසයේ 'හොඳ කාලය' පටන් ගත්තේ 1981 දී බව විශ්වාස කරනු ලැබේ. ඒ ගාමිණී දිසානායක ශ්‍රී ලංකා ක්‍රිකට්‌ මණ්‌ඩලයේ සභාපති තනතුරට පත් වීමත් සමඟම ය. ඒ අතර ශ්‍රී ලංකා ක්‍රිකට්‌ ඉතිහාසයේ 'හොඳම කාලය' 1995 දී පටන් ගත් බව විශ්වාස කරනු ලැබේ. ඒ ආනන්ද රාජසිංහ පුංචිහේවා හෙවත් ආනා පුංචිහේවා එම වසරේදී ක්‍රිකට්‌ මණ්‌ඩලයේ සභාපති වූ බැවිනි.

හොඳ කාලය සහ හොඳම කාලය යනු එකිනෙකට වෙනස්‌ තේරුම් දෙකක්‌ ඇති වචනයකි. හොඳ කාලය 60% ක හොඳක්‌ නම් හොඳම කාලය 100% ක්‌ හොඳය. ඒ අනුව ආනා පුංචිහේවාගේ කාලය මේ රටේ ක්‍රිකට්‌ ක්‍රීඩාවට 100% ක්‌ යහපත් විය. ඔහු ක්‍රිකට්‌ පාලක මණ්‌ඩලය භාර ගන්නා විට මණ්‌ඩලයේ බැංකු ගිණුම සතුව රුපියල් ලක්‍ෂ 3 ක්‌ තිබිණි. එය පරිස්‌සමින් පාවිච්චි කළ පුංචිහේවා 1996 මාර්තු 17 වැනිදා ලාහෝරයේ ගඩාෆි ක්‍රීඩාංගණයේදී ක්‍රිකට්‌ ලෝක කුසලානය දිනා ගන්නා තැනට අපේ ක්‍රිකට්‌ කණ්‌ඩායම ගෙන ආවේය. ආනා පුංචිහේවා ක්‍රිකට්‌ ගැන දැනුමක්‌ තිබූ අයෙක්‌ නොවේ. එහෙත් ඔහු එක්‌තරා ජාත්‍යන්තර සිසිල් බීම සන්නාමයක්‌ භාරව ක්‍රියා කළ අති දක්‍ෂ කළමනාකරුවෙකි. ඔහු කළේ ක්‍රිකට්‌ පාලක මණ්‌ඩලය සතු ධනය පරෙස්‌සම් කිරීමත්, ක්‍රිකට්‌ ක්‍රීඩකයන්ට හොඳින් සැලකීමත්, ක්‍රිකට්‌ පාලක මණ්‌ඩලයට අයත් ක්‍රිකට්‌ බිස්‌නස්‌ එක කළමනාකරණය කිරීමත් පමණි. ක්‍රිකට්‌ ක්‍රීඩාවේ හොඳ කාලයේ නිර්මාතෘ වූ ගාමිණී දිසානායක වරක්‌ ශ්‍රී ලංකා ක්‍රිකට්‌ කණ්‌ඩායමට ක්‍රිකට්‌ උගන්වන්නට ගොස්‌ වැඩේ අල කර ගත්තේය. එහෙත් පුංචිහේවා එසේ නොවී සිය ගමන ගියේය. 1996 දී අපේ ක්‍රිකට්‌ කණ්‌ඩායම ලෝක කුසලානය ගෙන ගෙදර විත් ටික දිනකින් ක්‍රීඩා අමාත්‍යාංශය ඔහු ගෙදර ඇරියේය. එය වෙනම කතාවකි.

 1996 න් පසු මේ රටේ ක්‍රිකට්‌ ක්‍රීඩාව ක්‍රමයෙන් ප්‍රසාරණය වන්නට විය. ලෝක ඉතිහාසයේ හොඳම ක්‍රිකට්‌ ක්‍රීඩකයන් බිහි කිරීමේ මැෂිමක්‌ බවට ක්‍රිකට්‌ ආයතනය පත්විය. එසේ වුවද ඔ 20 කුසලානයක්‌ හැර වෙනත් කිසිදු විටෙක ලෝක කුසලාන යළි දිනා ගැනීමට අපට හැකි වූයේ නැත. සනත් ජයසූරිය, මුත්තයියා මුරලිදරන්, කුමාර සංගක්‌කාර, මහේල ජයවර්ධන වැනි විශිෂ්ට ක්‍රීඩකයෝ බිහි වූහ. ජාත්‍යන්තරය විසින් මහත් උත්කර්ෂයෙන් පිළිගන්නා ලද මේ ක්‍රීඩකයෝ පිටරට විශ්වවිද්‍යාලවල දේශන පවත්වන මට්‌ටමට පැමිණියහ.

 එහෙත් 1996 න් පසු කවදාවත් අපට ලෝක ක්‍රිකට්‌ කුසලාන හිමි වූයේ නැත. ක්‍රමයෙන් අපේ ක්‍රිකට්‌ පිරිහිණි. ක්‍රිකට්‌ ආයතනය ද පිරිහිණ. ක්‍රිකට්‌ නිලවරණය ඇතැම් විට 1996 වයඹ පළාත් සභා ඡන්දය මෙන් විය. ජයග්‍රහණය කළ ශ්‍රී ල. නි. ප මැර රැලක්‌ පරාජිත එ.ජා.ප ආධාරකාරියක හෙළුවෙන් පාර දිගේ ඇවිද්දවන ලද්දේ මේ ඡන්දයේදී ය.

 මේ රටේ ක්‍රිකට්‌ පිරිහුණේ ඇයි? මේ රටේ දේශපාලනය පිරිහීමට හේතු වූ සාධකයට එයද බලපෑවේය. එනම් ශ්‍රී ලංකා ක්‍රිකට්‌ සංගමය ක්‍රමයෙන් පවුල් 3 ක්‌ අතට ගියේය. සභාපති පුටුවත්, පරිපාලනයත් කාලයෙන් කාලයට මේ පවුල් 3 අතට ගියේය. එය හරියටම තට්‌ටු මාරුවට කුඹුරු කොටන්නාක්‌ වැනි වැඩකි. මේ පවුල් තුන ආවේ ක්‍රිකට්‌වලට ඇති ආදරයට නොව ක්‍රිකට්‌ ආයතනය හරහා හම්බ කළ හැකි මුදලටය.

 අද වන විට මේ රටේ ක්‍රිකට්‌ ක්‍රීඩාව සුප් හැලියකි. එහෙත් ඒ සුප් එක තුළ කිසිදු එළවළු කැබැල්ලක්‌ නැත. ඇත්තේ උණු වතුර සහ ලුණු පමණි. නුදුරේදී මෙකී උණුවතුර සහ ලුණු සහ හිස්‌ හැලිය හොරුන් විසින් ගෙන යනවා ඇත. එවිට ඉතිරි වන්නේ ලිප් ගල් තුන පමණි.

 ක්‍රිකට්‌ ක්‍රීඩාව දේශපාලනයෙන් ගලවා ගෙන පවුල් බලයෙන් මුදාගෙන, වෘත්තීය ව්‍යාපාරික කළමනාකරුවෙක්‌ හෝ රාජ්‍ය අංශයේ පළපුරුදු සිවිල් සේවකයෙක්‌ අතට පත් ලිප් ගල් තුනද, සුප් හැලියද ,සුප් එකද,එලවලුද යන සියල්ල බේරා ගත හැකි බව අපේ හැඟීමය.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි.