ශ්‍රී ලංකාව අනාගමික හා ෆෙඩරල් රටක්‌ කළ යුතුයි - ද්‍රවිඩ සන්ධානය රජයට කියයි ...!!!

ශ්‍රී ලංකාව එකම රටක්‌ ලෙස පවත්වාගෙන යැමට නම් අනාගමික සහ ෆෙඩරල් රටක්‌ කළ යුතු බව ද්‍රවිඩ සන්ධානය රජයෙන් ඉල්ලා ඇත.
  ද්‍රවිඩ සන්ධානයේ ස්‌ථාවරය පැහැදිලිවම රජයට ඉදිරිපත් කර ඇති බව දක්‌වන එම සන්ධානය ශ්‍රී ලංකාව පෙඩරේෂණයක්‌ කළ යුතු බව සඳහන් කර තිබේ.
එසේම උපරිම ලෙස බලය බෙදාහැරීමටද රජය ක්‍රියා කළ යුතු බවද ද්‍රවිඩ සන්ධානය වැඩිදුරටත් දන්වා ඇත.
  ආණ්‌ඩුක්‍රම ව්‍යවස්‌ථාව අනාගමික විය යුතු බවත් එම ව්‍යවස්‌ථාව මත සෑම දෙනාම සම තත්ත්වයේ තිබිය යුතු බවද ද්‍රවිඩ සන්ධානය වැඩිදුරටත් පළ කර තිබේ.