රටේ අයිතිය ඇත්තේ පාර්ලිමේන්තුවේ සිටින 225 දෙනාට නොව රටේ ජනතාවටයි…

දුර්වල මධ්‍යම ආණ්ඩුවක් සහිත, බලතල සහිත පළාත් සභා පෙළකින් යුක්ත රජයක් බිහි වීම අතිශ්‍ය භයානක බවත්, රජය ජනතාවට නොදැනන ලෙස එක ක්‍රියාවලිය ව්‍යවස්ථා සම්පාදනය හරහා ගෙන ඒමට උත්සහ දරමින් සිටින බව රංගන ශිල්පි ශ්‍රියන්ත මෙන්ඩිස් පවසනවා.
අද (02) පැවති ‘එලිය` සංවිධානය විසින් කැඳවා තිබූ මාධ්‍ය හමුවකට සහභාගි වෙමින් ඔහු මේ බව ප්‍රකාශ කල අතර රටේ අයිතිය ඇත්තේ පාර්ලිමේන්තුවේ සිටින 225 දෙනාට නොව රටේ ජනතාවට බවත් පවසා සිටියා.

රටේ පාලකයන් රට අඳුරු කලාපයකට ගෙන යෑමට උත්සහ ගන්නා මෙවන් මොහොතක රටට ආදරය කරන ජනතාවක් ලෙස මෙම යෝජිත ව්‍යවස්ථාව කෙතරම් දුරට රට තුළ ඛේදනීය තත්ත්වයක් ඇති කරනවාද යන්න පිළිබඳ ජනතාව දැනුවත් කළ යුතු යැයි ද ඔහු කියා සිටියා.