දේශපාලන රැකවරණ පතන්නන් හා සරණාගතයන් ලෙස පැමිණි 1333 දෙනෙක් එක්සත් ජාතීන්ගේ සරණාගත කොමිසම බාරයේ ශ්රී ලංකාවේ සිටින බව වරාය හා නාවික අමාත්‍ය මහින්ද සමරසිංහ මහතා ප‍්‍රකාශ කළේය.
මේ පිරිස අතරින් 728 දෙනෙක් සරණාගතයන් ලෙස රැදී සිටින අතර තවත් 605 දෙනෙක් දේශපාලන රැකවරණ පතා රැදී සිටින බව ද අමාත්‍යවරයා පැවැසීය.
අමාත්‍යවරයා මේ අදහස් පළ කළේ ශ්රී ලංකා නිදහස් පක්ෂ මුලස්ථානයේ අද (3) පැවැති මාධ්‍ය හමුවක් අමතමිනි.
මෙම පිරිස අතර වැඩිම දෙනෙක් සිටින්නේ පකිස්ථානයෙන් පැමිණි 1037 දෙනා බව ද හෙතෙම සඳහන් කළේය.
මොවුන් අතර ඇෆ්ගනිස්ථානයෙන් පැමිණි 190 දෙනෙක්, ඉරානයෙන් පැමිණි 18 දෙනෙක්, මාලදිවයිනෙන් පැමිණි 11 දෙනෙක්, මියැන්මාරයෙන් පැමිණි 36 දෙනෙක්, පලස්තීනයෙන් පැමිණි 10 දෙනෙක්, සෝමාලියාවෙන් පැමිණි 14 දෙනෙක්, සිරියාවෙන් පැමිණි එක් අයෙක්, ටියුනීසියාවන් පැමිණි එක් අයෙක් යේමනයෙන් පැමිණි 13 දෙනෙකේ හා නයිජීරියාවෙන් පැමිණි දෙදෙනෙක් ද සිටිති.
Sri Lanka Rupee Converter
