Sri Lanka Rupee Converter
උතුරු පළාත් සභාවේ මහ ඇමැති සී. වී. විග්නේෂ්වරන්ගේ ප්‍රධානත්වයෙන් පැවැති මේ සම්මන්ත්‍රණය අමතා තවදුරටත් කරුණු දැක්‌වූ ලක්‌ෂ්මන් යෝජිත ආණ්‌ඩුක්‍රම ව්‍යවස්‌ථාව බොරුවලින් කෙටුම්පත් කර ඇතැයිද පවසා තිබේ.
බොරුවලින් ද්‍රවිඩ ජනතාව මුලාකර ඔවුන්ගේ කැමැත්ත ලබාගැනීමට රජය උත්සාහ කරනවා. අවාසනාවකට අපේ සමහරු ඊට එකඟවී තිබෙනවා යෑයි හෙතෙම එහිදී කියා ඇත.
නව ව්‍යවස්‌ථාවට විග්නේෂ්වරන්ගෙන්
අනිවාර්ය නිර්දේශ 3ක්...
යෝජිත ආණ්‌ඩුක්‍රම ව්‍යවස්‌ථාවට ෆෙඩරල් ක්‍රමය, උතුරු නැගෙනහිර ඒකාබද්ධ කිරීම සහ බලය බෙදාහැරීම යන කරුණු අනිවාර්යයෙන්ම ඇතුළත්ව තිබිය යුතු බව උතුරු මහ ඇමැති සී. වී. විග්නේෂ්වරන් විසින් ප්‍රකාශ කර ඇත.උතුරේ ද්‍රවිඩ මාධ්‍ය ඇමතූ විග්නේෂ්වරන් ඒකීය රාජ්‍යය වෙනුවට එක්‌සත් රට යනුවෙන් භාවිත කරන ලෙස තමා නිර්දේශ කරන බව ද කියා සිටියේය.
නැගෙනහිරට සිංහල ජනතාව යොමුකර ඇති බවත් උතුරු නැගෙනහිර එක්‌සත් නොකළහොත් ඉදිරි වසර විස්‌ස තුළ තමන්ට නැගෙනහිර අහිමි වන බවත් හෙතෙම තවදුරටත් සඳහන් කර ඇත.
රජය ලබාදෙන දේශපාලන විසඳුම කුමක්‌දැයි තමා දන්නේ නැති බව පවසා ඇති විග්නේෂ්වරන් එම විසඳුම ගැන තමාට දන්වා නැති බව ද කීවේය.
එහෙත් ෆෙඩරල් ක්‍රමය සහ උතුරු නැගෙනහිර ඒකාබද්ධ කිරීම යන කරුණු රජය පිළිනොගන්නා බව වාර්තා වී ඇති බව ද උතුරු මහ ඇමැතිවරයා සඳහන් කළේය.
