Sri Lanka Rupee Converter
එදින සවස ගල්කිස්‌ස වෙරළට වෙනදා නොමැති තරම් තරුණ තරුණියන් පිරිසක්‌ පැමිණ සිටීම පිළිබඳව සැක කළ පොලිස්‌ විශේෂ කාර්ය බළකාය ඒ පිළිබඳව සොයා බැලීමේදී මුහුණු පොතෙන් හඳුනාගත් තරුණ තරුණියන්ගේ සාදයක්‌ එදින පස්‌වරුවේ එහි පැවැත්වෙන බව දැනගෙන ඇත.
මෙම සාදයේ සංවිධායකයා පිළිබඳව තොරතුරු ලැබීමෙන් පසු ගල්කිස්‌ස හෝටල් පාරේ ධාවනය වූ 'පැජරෝ' රියක්‌ නවත්වා පොලිස්‌ විශේෂ කාර්ය බළකායේ නිලධාරීන් විසින් සැකකාර අමාත්‍යාංශ සම්බන්ධීකරණ ලේකම්වරයකු බව කියන තරුණයා සහ සගයන් තිදෙනා මත්ද්‍රව්‍ය සමඟ අත්අඩංගුවට ගෙන ඇත.
සහකාර පොලිස්‌ අධිකාරිවරයාගේ හැඳුනුම්පතක්‌ මෙම රිය තුළ තිබී හමුවීම හේතුවෙන් පොලිසියට බලවත් සැකයක්‌ මතුවිය. මෙම සිද්ධියට ගල්කිස්‌ස පොලිසියේ නිලධාරියකුගේ ද සහාය ලැබෙන්නට ඇතැයි සැකකෙරේ.
ඒ අනුව පොලිස්‌ පරීක්‌ෂණ කණ්‌ඩායම් දෙකක්‌ යොදවා මේ සම්බන්ධයෙන් පරීක්‌ෂණ පැවැත්වීමට පොලිස්‌පතිවරයා විසින් උපදෙස්‌ දී තිබේ.
අත්අඩංගුවට ගත් සැකකරුවන් සිවු දෙනාගෙන් අමාත්‍යාංශ සම්බන්ධීකරණ නිලධාරියා ඇතුළු දෙදෙනකුට අධිකරණය මඟින් ඇප නියම කර ඇති අතර තවත් එක් තරුණයකු ලබන 10 වැනිදා දක්‌වා රිමාන්ඩ් භාරයට පත්කර ඇත.
