Sri Lanka Rupee Converter
සැමියා තම දරුවන් සහ තමා අතහැර යැම නිසා ජීවත්වීමට මගක්‌ නොමැතිවීමෙන් ජීවිතය පවා එපාවන තත්ත්වයක්‌ උදාවී ඇති බව වයස අවුරුදු 30 ක තිදරු මවක්‌ වන දෙල්ගොඩගේ දෝන සුදර්ශිකා සඳමාලි (ජා.හැ. අංකය 198761403232) පවසා සිටින්නීය.
දැනට මොරටුව ලක්‍ෂපතියේ කුලී නිවාසයක දිවිගෙවන තමාට මෙම 15 වැනිදා එම කුලී නිවසෙන්ද ඉවත්වන ලෙස දන්වා ඇති නිසා සිව්හැවිරිදි තම දියණියද සමඟ මහපාරට වැටීමට සිදුවන බව ඇය පවසන්නීය.
දරු තිදෙනාගෙන් වැඩිමහල් දරු දෙදෙනා (වයස 10 සහ 8) සැමියාගේ මවට භාරදුන් බවත් තමා ළඟ සිටින සිව්හැවිරිදි දියණිය සහ තමා නඩත්තු වන්නේ මහලු පියා කුලියක්‌ කර ගෙනෙන මුදලකින් බවත් ඇතැම් දිනවලට කුසට අහරක්‌ පවා නොමැතිව දිවිගෙවන බවත් ඇඬූ කඳුළින් ඇය පවසන්නීය.
තම දුක්‌බර ජීවිතය ගැන අදහස් දක්‌වන ඇය මෙසේ පවසන්නීය.
මහත්තයෝ ළමයින්වයි මාවයි අතහැරලා මගේ සැමියා එයාගේ ගම වන මොරටුවට වෙලා ඉන්නවා. දැන් අවුරුදු ගණනාවක්‌ මාව දරුවන්ව බලන්න ආවේ නැහැ. ලොකු පුතාවයි පොඩි පුතාවයි මම සැමියාගේ අම්මාට භාර දුන්නා. ඒ ඒගොල්ලන්ව ජීවත් කරවන්න මට කිසිම හැකියාවක්‌ නැතිs නිසා. දැන් පොඩි දුවට අවුරුදු 4 යි. එයාව පෙර පාසලකටවත් යවන්න පුළුවන්කමක්‌ මට නැහැ. මගේ වයසක තාත්තා තැන් තැන්වල කුලී වැඩ කරලා කීයක්‌හරි සොයාගෙන ඇවිල්ලා මාව නඩත්තු කරන්න පුදුම විදිහට මහන්සි වෙනවා. එයාගේ වයසේ හැටියට වැඩකරන්න පුළුවන් තත්ත්වයක නෙමෙයි එයා ඉන්නේ. දැන් අපි ඉන්න කුලී ගෙයිනුත් යන්න කිව්වා. අපිට යන්න තැනක්‌ නැහැ. දරුවන් එක්‌ක මහ පාරේ තමයි ඉන්න වෙන්නේ. දුව බලාගන්න ඕන නිසා මේ තියන තත්ත්වය උඩ මට රස්‌සාවක්‌ කරන්න පුළුවන්කමකුත් නැහැ.
මේ දුක මට කියන්න කෙනෙක්‌ නැහැ. උදේ එළිවෙච්ච වෙලාවේ ඉඳලා පපුව පිච්චි පිච්චි තමයි ඉන්නේ. අනේ මම ගැන නෙවෙයි මගේ දරුවෝ ගැන හිතලවත් මට පුළුවන් විදිහට උපකාරයක්‌ කරන්න කියලා පිංවතුන්ගෙන් ඉල්ලනවා.
මට කියලා ස්‌ථිර ලිපිනයක්‌ නැහැ. දුරකථන අංකයක්‌ නැහැ. පුළුවන් කමක්‌ තියෙනවා නම් අපේ අසල්වැසියකුගේ දුරකථන අංකයක්‌ වෙන 0712276321 අංකයට කතා කරලා මොන විදිහක හෝ උපකාරයක්‌ කරන්න පුළුවන් නම් කියන්න. ඔය මහත්වරුන්ට නෝනාවරුන්ට පිං සිද්ධ වෙනවා.
