Sri Lanka Rupee Converter
මෝරා සුළි කුණාටුව දිවයිනෙන් ඈතට ගමන් කළ ද එහි බලපෑම හේතුවෙන් අහස වලාකුළුවලින් බරව පවතින බවද, වැසි සහ සුළං තත්ත්වයක්‌ අපේක්‍ෂා කළ හැකි බව ද කාලගුණ විද්‍යා දෙපාර්තමේන්තුවේ කාර්යයයේ නියුක්‌ත කාලගුණ විද්‍යාඥ නිමල් බණ්‌ඩාර පැවසීය.
බස්‌නාහිර, සබරගමුව, දකුණ, මධ්‍යම සහ වයඹ පළාත්වලට විටින් විට ගිගුරුම් සහිත වැසි ඇති වන බව ද, විශේෂයෙන්ම මධ්‍යම කඳුකරයේ බටහිර බෑවුම් ප්‍රදේශවලට මිමි 100 ක තද වැසි බලාපොරොත්තු විය හැකි බව ද හෙතෙම සඳහන් කළේය.
එසේම පුත්තලම සිට කොළඹ සහ ගාල්ල හරහා හම්බන්තොට දක්‌වා වන මුහුදු ප්‍රදේශවල විටින් විට වැසි හෝ ගිගුරුම් සහිත වැසි ඇතිවේ.
පුත්තලම සිට කන්කසන්තුරය හරහා ත්‍රිකුණාමලය දක්‌වා සහ ගාල්ල සිට හම්බන්තොට හරහා මඩකලපුව දක්‌වා වන මුහුදු ප්‍රදේශවල සුළඟේ වේගය විටක පැ.කි.මි. 70-80 දක්‌වා වැඩි විය හැකි බැවින් එම මුහුදු ප්‍රදේශ ඉතා රළු විය හැකි බව ද නිමල් බණ්‌ඩාර කීවේය.
එම මුහුදු ප්‍රදේශ ආශ්‍රිතව විමසිලිමත්ව කටයුතු කරන ලෙසට කාලගුණ විද්‍යා දෙපාර්තමේන්තුව ධීවර සහ නාවික ප්‍රජාවගෙන් ඉල්ලීමක්‌ කරයි.
