Sri Lanka Rupee Converter
පර්පෙචුවල් ට්‍රෙෂරීස්‌ සමාගමට අදාළ ගනුදෙනු ඇතුළත් ලේඛනයක්‌ කොමිසමට ඉදිරිපත් කරමින් සාක්‌ෂි දුන් වසන්ත අල්විස්‌ ප්‍රකාශ කළේ එම ලේඛනය තමා විසින් සකස්‌ කළ බවත් එහි සඳහන් තොරතුරු සත්‍ය බව තමා පිළිගන්නා බවත්ය.
2016.04.01 දින මහ බැංකුවෙන් ලබාගෙන ඇති (රෙපෝ ක්‍රමයට) අරමුදල් ප්‍රමාණය රු. බිලියන 10.5 (රු. කෝටි 10500 ක්‌) බවත් ඉතුරු ප්‍රමාණය මහ බැංකුවෙන් එක්‌ දින ද්‍රවශීලතා පහසුකම් යටතේ ලබාගෙන ඇති බවත් සාක්ෂිකරු නියෝජ්‍ය සොලිස්‌ටර් ජනරාල් මිලින්ද ගුණතිලක විසින් අසන ලද ප්‍රශ්න වලට පිළිතුරු දෙමින් කියා සිටියේය.
පර්පෙචුවල් ට්‍රෙෂරීස්‌ සමාගම කලින් (2016.03.29 සහ 31 යන දිනවල) මිලදී ගෙන තිබූ භාණ්‌ඩාගාර බැඳුම්කර සඳහා මුදල් පියවීමට නියමිතව තිබුණේ 2016.04.01 දින බවද ඔවුන් මහ බැංකුවේ එක්‌දින ද්‍රවශීලතා පහසුකම යටතේ ලබාගෙන තිබූ මුදල් නිසි පරිදි පියවීම පැහැර හැර ඇති බවද නියෝජ්‍ය සොලිසිටර් ජනරාල්වරයා සාක්ෂිකරු විසින් කොමිසමට ඉදිරිපත් කළ ලේඛනයට අනුව කොමිසමට කියා සිටියේය.
මෙහිදී පර්පෙචුවල් ට්‍රෙෂරීස්‌ සමාගම වෙනුවෙන් පෙනී සිටි ජනාධිපති නීතිඥ නිහාල් ප්‍රනාන්දු එම ලේඛනය ඇසුරින් ප්‍රකාශ කළ ඇතැම් කරුණුවලට විරෝධය පළ කර සිටි අතර එහිදී කොමිසමේ සභාපති ශේ්‍රෂ්ඨාධිකරණ විනිසුරු කේ. ටී. චිත්‍රසිරි කියා සිටියේ සාක්ෂිකරු මූලික වශයෙන්ම කළේ ඔහු සකස්‌ කළ ලේඛනයක්‌ කොමිසමට ඉදිරිපත් කිරීම පමණක්‌ බවයි.
නියෝජ්‍ය සොලිසිටර් ජනරාල් මිලින්ද ගුණතිලක - ඔබ නේද මේ ලේඛනය සකස්‌ කළේ.
සාක්ෂිකරු - ඔව් මම සකස්‌ කළේ.
ශේ්‍රෂ්ඨාධිකරණ විනිසුරු කේ. ටී. චිත්‍රසිරි (සභාපති)- ඔබ මේ ලේඛනයේ තියෙන විස්‌තරවලට එකඟ වෙනවාද?
සාක්ෂිකරු - ඔව්.
