ගමේ ගෙදරකට සෙනෙහෙ පපා සිටි බලු කුක්කට මොන බදුද අනේ....!!!

 අවසානයේ මේ යහපාලනය කරන්නට කියා බලයට ආ නිර්ලජ්ත හොර හැත්ත බල්ලන්ටත් දඩ ගසයි...!!!
බලු සුරතලුන් අයාලේ  ගියොත් 25000ක්‌ දඩ
සුනඛයින් අයාලේ යැමට ඉඩහරින හිමිකරුවන්ගෙන් අය කරන දඩය රුපියල් 25,000 දක්‌වා වැඩි කිරීමට ඇමැති මණ්‌ඩලයේ අනුමැතිය ලැබී තිබේ. එමෙන්ම එම වරද සඳහා ඇති සිර දඬුවම් වසර 02 දක්‌වා වැඩිකිරීමටද පළාත් පාලන හා පළාත් සභා ඇමැති ෆයිසර් මුස්‌තාපා  ඉදිරිපත් කළ කැබිනට්‌ පත්‍රිකාවට මෙලෙස පෙරේදා (21 දා) අනුමැතිය හිමිව ඇත.
මෙම නීති දැඩි කිරීමට 1901 අංක 25 දරන සුනඛයින් ලියාපදිංචි කිරීමේ ආඥපනත සංශෝධනය කිරීමට නියමිත අතර ඊට අදාළ නීති කෙටුම්පත් කිරීමට නීති කෙටුම්පත් සම්පාදක වෙත යෑවීමටද එහිදී තීරණය වී ඇත.
අයාලේ යන සුනඛයින් හේතුකොට මහජනතාවට විවිධ දුෂ්කරතාවන්ට මුහුණදීමට සිදුව ඇති අතර ඒ පිළිබඳ සැලකිල්ලට ගෙන මෙම නීති වහාම ක්‍රියාත්මක කිරීමට මෙම කැබිනට්‌ පත්‍රිකාව ඉදිරිපත් කර ඇත.