මාතලන් අල්ලාගෙන සිටි ටොරානා හැළේ...!!!

අද යූ ටියුබ් ඒකාධිකාරය ගිල ගෙන ඇති ඇතැමුන් ඒවායේ අයිතිකරුවන්  ලෙස වාරණ පනවමින් ඇතැම් හිමිකරුවන් නොමැති සිනමාපට ,ගීත වැනි බුද්ධිමය දේපල අයත් කර ගෙන සිටින අතර ඵමගින් අන්තර් ජාලයේ සිය ආධිපත්‍යය පතුරුවා ඇත.ඉන් ඵක් උදාහරණයක් නම් ස්වාධීන රූපවාහිනියෙන් නිර්මාණය කළ ජෝතිපාල වැනි පැරණි ගායක ගායිකාවන්ගේ ගීත අන්තර් ජාලයට මුදා හැරීමට නොහැකි ලෙස වාරණ පනවා ඇත්තේ මේ ටොරානා සහ තිස්ස නාගොඩ වැනි අයයි.ඵම නිසා මෙම පුවත කාගේත් සතුටට හේතුවනු ඇත.
“මාතලන්” චිත්‍රපටය ඩීවීඩී මඟින් බෙදා හැරීම වාරණය කරමින් පනවා තිබූ නියෝගය බස්‌නාහිර පළාත්බද මහාධිකරණ විනිසුරු ගාමිණී අමරසේකර  විසින් ඉවත් කරන ලදී.
ඊට අමතරව “මාතලන්” වෙනුවෙන්
පැමිණිලිකරු ඉල්ලා තිබූ අතුරු තහනම් නියෝගය ලබා නොදීමටද මහාධිකරණ විනිසුරවරයා තීරණය කළේය.තිස්‌ස නාගොඩවිතාන චිත්‍රපට සමාගම විසින් මෙම නඩුව ගොනු කර තිබුණේ හේමප්‍රිය කණ්‌ඩම්බිට එරෙහිවය.
” මාතලන්” චිත්‍රපටයේ බුද්ධිමය දේපළ අයිතිවාසිකම් උල්ලංඝනය කරමින් ඩිජිටල් වීඩියෝ තැටි සහ සංයුක්‌ත තැටි නිෂ්පාදනය කර අලෙවි කිරීම හා බෙදා හැරීම වළක්‌වාලන ලෙස ඉල්ලා පැමිණිල්ල ගොනු කර තිබිණි.
දිර්ඝ නඩු විභාගයකින් අනතුරුව විනිසුරුවරයා සිය තීන්දුව ප්‍රකාශයට පත් කළේය.
චිත්‍රපටයේ නිෂ්පාදක වූ එස්‌. එම්. නායගම්ගෙන් හෝ ඔහුගේ නිත්‍යානුකූල උරුමකරුවන්ගෙන් පැමිණිලිකරු “මාතලන්” අයිතිය ලබා ගෙන ඇති බව සනාථ නොවන බව නඩු තීන්දුවේ සඳහන්වේ.
විත්තිකරු “මාතලන්” මිලට ගෙන ඇත්තේ එස්‌. එම්. නායගම්ගෙන් සෘජුව එය මිලට ගත් අයෙකුගෙන් බවට ලිතව අධිකරණය හමුවේ කරුණු පෙන්වා ඇතැයිද එමඟින් ඔහු එහි අයිතිය තහවුරු කර ඇතැයිද තීන්දුවේ සඳහන් වේ.
(අජිත් අලහකෝන්)