ලංකාවේ ඉපැරිණිමවූ වෙබ් අඩවියක් වන ලංකානිව්ස් වෙතට ආ ඔබ සාදරයෙන් පිිළිගනිමු...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
ලංකානිව්ස්. Powered by Blogger.

Translate

ඔබගේ දැන්වීම්

ඔබගේ දැන්වීම්
ඔබගේ වෙළඳ දැන්වීමට LANKANEWS තුළින් ඉඩක්...සීමිත සහ වටිනා අවස්ථාවක්...දැන්ම අපට ලියන්න[email protected]

හොඳම වෙබ් හොස්ටින්

හොඳම වෙබ් හොස්ටින්
ඔබගේ නවතම වෙබ් අඩවි සඳහා පමණයි...!!!

Sinhala News Site

BannerFans.com

ඔබගේ ලුහුඬු දැන්වීම් නොමිළේ

BannerFans.com

ලංකානිව්ස්

ගුවන්‍ යානා තොරතුරු

ගුවන්‍ යානා තොරතුරු
විශේෂ වෙබ් අවකාශයක්

ලක් පුවත්

අපගේ මතකය අතරින් BannerFans.com
Seilankan Informations

QR Code generator

Lankanews+ Followers

ජනප්‍රිය ලිපි එකතුව

Saturday, February 4, 2017

බැදුම්කර මගඩිය සහ රටේ දේශපාලනය....!!!

කොමිෂන් පත් කරන්න කලින්
ඒ සමාගමේ ගිණුම් සීස්‌ කරන්න

බැදුම්කර මගඩිය සහ රටේ දේශපාලනය ගැන මහාචාර්ය පූජ්‍ය බෙල්ලන්විල විමලරත්න නාහිමියෝ කතා කරති.
 බෙල්ලන්විල රජමහා විහාරාධිපති මහාචාර්ය පූජ්‍ය බෙල්ලන්විල විමලරත්න නාහිමියෝ උගත්කමසේම සිය අභීතභාවයද මැනවින් ප්‍රකට කරන ලද තෙර චරිතයකි. සමකාලීන ජාතික ප්‍රශ්න හමුවේ උන්වහන්සේ සිය මතය මෙවර ප්‍රකාශ කරන්නේ වරදාන වරප්‍රසාද හමුවේ නොනැමී දේශය සුරකින මුරදෙවි ලෙස තමන් වහන්සේලා සතු වගකීම ප්‍රකට කරවමිනි.

ප්‍රශ්නය - නායක හාමුදුරුවනේ, ඔබ වහන්සේ හොඳින් දන්නා හඳුනන, මාදුළුවාවේ සෝභිත හිමියෝ අද ජීවත්ව වැඩ සිටියා නම් මේ රටේ දේශපාලන තත්ත්වය පිළිබඳව කොහොම කතා කරයිද...?

පිළිතුර - සෝභිත හාමුදුරුවෝ අද හිටියා නම් මේ කෙරෙන හුඟක්‌ දේවල් අනුමත කරන්නේ නැහැ. උන්වහන්සේ අපවත්වීමට සතියකට දෙකකට ඉස්‌සෙල්ලා, මේ දේවල් ගැන කනගාටුවෙන් තමයි කතා කළේ. යහපාලනය කියපු දෙය නෙමෙයි අද ක්‍රියාත්මක වෙන්නේ කියලා, උන් වහන්සේ අප සමග පැවසුවා. උන් වහන්සේ ජීවත්ව සිටියා නම් මේ සමහර දේවල් ගැන උන්වහන්සේ, ප්‍රසාදයක්‌ පළ කරන එකක්‌ නැහැ.

ප්‍රශ්නය - ස්‌වාමින් වහන්ස...වත්මන් ආණ්‌ඩුව සම්මුති පදනමක්‌ මතයි ඇතිවී තිබෙන්නේ. මේ පදනම නිසාත් සමහර ප්‍රශ්න ඇතිවී තිබෙනවා නේද...?

පිළිතුර - මිට කලින් ලංකාවේ මෙවැනි ආණ්‌ඩුවක්‌ ඇතිවෙලා නැහැ. මෙච්චර කාලයක්‌ මේ ප්‍රධාන පක්‌ෂ දෙක එකිනෙකාට එරෙහිවූ ප්‍රතිපත්ති මතයි සිටියේ. මේ පක්‌ෂ දෙක එකට එකතු වෙලා යන ගමන අතුරේ යන ගමනක්‌ වගේ. මේ ආණ්‌ඩුව එජාප ආණ්‌ඩුවක්‌ ද ශ්‍රීලනිප ආණ්‌ඩුවක්‌ ද කියලා කියන්න බැහැ. ඒ නිසා මේ ආණ්‌ඩුවේ ප්‍රතිපත්තිය මොකක්‌ද කියලාත් කියන්න බැහැ. විශේෂයෙන්ම ජනාධිපතිට මේ නිසා අසීරුතාවයකට මුහුණ දීමට සිදුවෙලා තිබෙනවා. එතුමා, පොදු අපේක්‌ෂකයා ලෙස ප්‍රාදූර්භූත වුණේ, හදිසියේම වගේ. ඔහු ඊට කලින් වසර ගණනක්‌ ශ්‍රීලනිපයේ ලේකම් ලෙස එම පක්‌ෂය වෙනුවෙන් කටයුතු කළා. ඔහු ජනාධිපති වුණාට පස්‌සේ, එජාපය සමග තිබ්බ ගිවිසුම අනුව, කටයුතු කරන්න වුණා. රනිල් වික්‍රමසිංහ  අගමැති කරන්න වුණා. ඒ වගේ ප්‍රතිපත්තිමය වශයෙනුත් ඔහු අසීරුතාවයන්ට මුහුණ දෙන්න ඇති. ප්‍රතිපත්තිමය වශයෙන් මේ දෙපිරිස සිටින්නේ තැන් දෙකක. ඒක සමබර කර ගැනීමේදී ජනාධිපතිට බැරෑරුම් තීන්දු තීරණ ගන්න වෙනවා.

ප්‍රශ්නය - ඔබ වහන්සේ විසින් බැඳුම්කර මගඩිය පිළිබඳව ප්‍රසිද්ධියේ චෝදනා එල්ල කරනු දකින්නට ලැබුණා...

පිළිතුර ) මම එතැන කතා කරන කොට ජනාධිපතිතුමා විසින් ඒ ගැන සොයා බැලීම සදහා විශේෂ කොමිසමක්‌ පත්කරලා දවසක්‌වත් ගතවෙලා තිබුණේ නැහැ. ඒක පත් කළේ මෑතකදී නේ... ඔය ගනුදෙනුව කෙරිලා දැන් අවුරුදු දෙකකට වැඩිනේ. මුල් අවස්‌ථාවේ ඒ පක්‌ෂ අභ්‍යන්තරයේම කමිටුවක්‌ පත් කරලා, පරීක්‌ෂණ කොමිටියක්‌ තිබ්බා. ඒ වගේ දේවල්වලින් වෙච්ච දෙයක්‌ නැහැනේ... ඊට පස්‌සේ ඒක කෝප් එකට ගියා. ඒ කෝප් වාර්තාව පාර්ලිමේන්තුවටවත් ඉදිරිපත් කළේ නැහැ. එන්න එන්න තත්ත්වය නරක්‌ වෙන කොට, රටේ උද්ඝෝෂණ නැගෙන කොට තමයි, ජනාධිපති විසින් කොමිසමක්‌ පත් කළේ. මේ රටේ කොමිෂන් ඉතිහාසය දිහා බලන කොට, ඒවා ප්‍රශ්න අමතක කරන්න, කල් මැරීම සඳහා උපායක්‌ ලෙස භාවිත වුණා, මිසක්‌ අල්ලපු හොරෙක්‌ නැහැ. මම ඒ ගැන ජනාධිපති ඉන්න තැනදීම කතා කළා.ඒ තැනදී ජනාධිපති ඉතා ගෞරවාන්විතව මේ කොමිසමේ තත්ත්වය පැහැදිලි කළා. එතුමාට ජනාධිපති කොමිසමක්‌ පත් කරන්න තිබ්බත්, ඔහුට

 පත් කරලා තිබෙන්නේ විශේෂ කොමිසමක්‌. එහි වාර්තාව මාස තුනකින් නිකුත් කිරීමට නියමිත බව එතුමා කිව්වා.

මේක පොඩි එකාටත් තේරෙන දෙයක්‌. මෙතන වංචාවක්‌ වෙලා තියෙනවා කියන එක කවුද නොදන්නේ. මිනීමැරුමක්‌ නම්, ඒක අපිට යම් තාක්‌ දුරකට අත හැරලා දාන්න තිබ්බා, මැරිච්ච කෙනා එන්නේ නැහැ කියලා. මේක එහෙම එකක්‌ නෙමෙයිනේ... මේ සිද්ධිය දිගින් දිගට යන්න යන්න වෙන්නේ, ඒ වැරදි විදිහට මහජන මුදල් හොරකම් කරපු පුද්ගලයන්ට සහ සමාගමට දවසින් දවස ආදායම් එනවා. මේ අවුරුදු එකහාමාර තුළ ඒ සමගම බිලියන ගාණක්‌ මුදල් හම්බු කරලා තියෙනවනේ... ඒ අය වෙනත් තැන්වලත් ඒ මුදල් ආයෝජනය කරනවා. මේ විදිහට කල් යන්න යන්න ඒ අය තව තව හම්බු කරනවා. හොරකම් කරපු සල්ලි පැටව් ගස්‌ස ගස්‌ස ඉන්නවා. සාමාන්‍යයෙන් මුදල් වංචාවක්‌ වුණහම, ඒ මුදල් සීස්‌ කරන්න ඕනේ. ඒ ගිණුම් සීස්‌ කරන්න ඕනේ. තාම ඒක වෙලත් නැහැනේ. ඒ ඔක්‌කොම මේ රජයට එන්න තියෙන මහජන මුදල් නේ... සේවක අර්ථ සාධක අරමුදලේ සල්ලිනෙ... පරීක්‌ෂණ කෙරෙනවා කිව්වත්, ඒ ගිණුම් තාම අක්‍රිය කරලා නැහැනේ... මගේ විවේචනය ඒ ගැනයි.

ප්‍රශ්නය - මේ ගැන වගකිව යුතු අය තවම රජයේ ප්‍රධාන තනතුරු උසුලනවා. මහ බැංකුවේ හිටපු අධිපති අර්ජුන මහේන්ද්‍ර තවමත් සිටින්නේ අරලියගහ මන්දිරයේ. ඒ නිසා මේ පරීක්‌ෂණ කටයුතු පිළිබද විධිමත් භාවයක්‌ බලාපොරොත්තු වෙන්න පුළුවන්ද...?

පිළිතුර - යහපාලනය කියන්නේ ඕකට නෙමෙයිනේ. ඒ වගකිව යුතු අය සමග සාකච්ඡා කරලා, ඒ අය ඒ වගකීම්වලින් ඉවත් කරන්න පුළුවන්නේ... ජනාධිපතිට ඒ බලතල තියෙනවා. ඒ වගකිව යුතු මහ බැංකුවේ අධිපතිවරයාට ආණ්‌ඩුවෙන් ඉල්ලා අස්‌වෙන්න කියලා කිව්වෙත් නැහැනේ...
කාලය ඉවර වුණහම ගියා මිසක්‌. සාමාන්‍යයෙන් රටක මෙවැනි වංචාවක්‌ වුණා කියලා සැකයක්‌ මතු වුණහම, ඒ අය ඉල්ලා අස්‌වෙන්න ඕනේ... වැදගත් මහත්වරු නම් එහෙමයි කරන්න ඕනේ... කලිසම් ඇඳගෙන ඉන්න වැදගත් මහත්වරු එහෙමයි කරන්න ඕනේ. එහෙම දෙයක්‌ වුණෙත් නැහැනේ... මෙතැන" ජනාධිපති ශක්‌තිමත්ව ක්‍රියා කරන්න ඕනේ. එතුමාට හැට දෙලක්‌ෂයක ජනතාව ඡන්දය දුන්නේ ඒ සඳහානේ...

ප්‍රශ්නය - ඔබ වහන්සේ මෙසේ ආණ්‌ඩුවට චෝදනා කරන්නේ, මහින්ද රාජපක්‌ෂ මහතාගේ පාර්ශවය ශක්‌තිමත් කරන අදහසින්ද...?

පිළිතුර - මම කවදාවත් ආණ්‌ඩු පෙරළන්න හෝ ආණ්‌ඩු ගොඩනගන්න වැඩ කරපු කෙනෙක්‌ නෙමෙයි. දැනටම ආණ්‌ඩුවේ ඉන්න ඇමැතිවරු ආණ්‌ඩුව විවේචනය කරනවා. ආණ්‌ඩුව ඇතුළෙත් එවැනි දේ සිද්ධ වෙනවා. මගේ විවේචනය ජනතාවගේ හඬ නියෝජනය කිරීමක්‌. එහෙම මිස ජනතාව පත් කරපු ආණ්‌ඩුව එලවන්න මට වුවමනාවක්‌ නැහැ. එදා ඉඳලා හැම ජනාධිපතිවරයෙකුටම, ආණ්‌ඩුවකටම අපි විවේචන එල්ල කළා. හොඳ දේට හොඳ කිව්වා. මහින්ද රාජපක්‌ෂ ජනාධිපති කියන්නේ මේ රටේ වසර තිහක්‌ තිබ්බ යුද්ධය නතර කළේ එතුමා. එතුමාට මේ රටේ හැමෝගෙම ගෞරවයක්‌ තියෙනවා. මටත් ඒ ගෞරවය තිබෙනවා. ඔහු මේ රටේ යළි නායකත්වයට පත්වුවත් නැතත්, මේ රටේ ජනතාවගේ ඒ ගෞරවය තියෙනවා. ඒක කවුරුවත් නැහැ කියන්නේ නැහැ. එහෙම නැහැ කියනවා නම්, ඒක ආකෘතඥතාවයක්‌. ඒ මිස වෙන දේශපාලන ව්‍යාපාරයක මම නිරත වෙන්නේ නැහැ. 

 සාකච්ඡා කළේ - මනෝඡ් අබයදීර

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි.