Sri Lanka Rupee Converter
යම් ලෙසකින් අදාළ දේශපාලනඥයෝ එයින් වරදකරුවන් වුවහොත් ඔවුන්ට ඉදිරි මැතිවරණය සඳහා තරඟ කිරීමේ හැකියාවක් නොමැති බවද අල්ලස් කොමිසමේ ආරංචි මාර්ග සඳහන් කලේ ය. මෙම දේශපාලනඥයන් අතර පසුගිය මහ මැතිවරණයට ඉදිරිපත්ව පරාජයට පත්වූ වත්මන් පළාත් සභා මන්ත්‍රීවරු, ප්‍රාදේශීය සභා හිටපු සභාපතිවරු, හිටපු නගරාධිපතිවරු, පාර්ලිමේන්තුවේ හිටපු මැති ඇමතිවරු, ඇතුළු පිරිසක් සිටින බවද වාර්තා වේ.
පසුගිය පාර්ලිමේන්තු මහ මැතිවරණය සඳහා ඉදිරිපත් වූ අපේක්ෂකයන් අතරින් මෙම පිරිස හැර සෙසු සියළු දෙනා වත්කම් බැරකම් ප්‍රකාශ ලබා දී ඇති බවද හෙතෙම සඳහන් කරයි. ඒ අනුව මෙම දේශපාලඥයන් 300 දෙනාට අල්ලස් කොමිසම මගින් නීතිය ක්‍රියාත්මක කිරීමට නියමිත බවද දේශප්‍රිය සඳහන් කළේ ය.
මේ අතර දේශපාලන පක්ෂවල නිලධාරීන්ටද වත්කම් බැරකම් ප්‍රකාශ ලබාදෙන ලෙස අවස්ථා ගණනාවකදී දැනුම් දී ඇති අතර එම ප්‍රකාශ භාරදීම සඳහා තවත් සති 2ක කාලයක් ලබාදීමටද මැතිවරණ කොමිෂන් සභාව තීරණය කර තිබේ. ඒ අනුව ලබන 28 වැනිදා වනවිට වත්කම් බැරකම් ප්‍රකාශ ලබා නොදුන් දේශපාලන පක්ෂවල නිලධාරීන්ගේ නම් ලැයිස්තුවක්ද අල්ලස් කොමිසම වෙත භාරදීමට කටයුතු කරන බවද දේශප්‍රිය වැඩිදුරටත් සඳහන් කළේය.
