Sri Lanka Rupee Converter
• සරත් ෆොන්සේකා මහතා ෆීල්ඩ් මාර්ෂල් තනතුරිනුත්, ඇමැති ධුරයෙනුත්, පාර්ලිමේන්තු මන්ත්‍රි ධුරයෙනුත් වහාම ඉල්ලා අස්විය යුතු යැයි පාර්ලිමේන්තු මන්ත්‍රි වාසුදේව නානායක්කාර පවසයි. නානායක්කාර මේ බව පැවැසුවේ (23දා) කොළඹදී පැවැති මාධ්‍ය හමුවකදීය.
එහිදී වාසුදේව නානායක්කාර මෙසේද පැවැසුවේය.
ෆීල්ඩ් මාර්ෂල් නම පාවිච්චි කරමින් සරත් ෆොන්සේකා පාර්ලිමේන්තුවේ පෙනී සිටිනවා. ෆොන්සේකා මහතාගේ මේ තනතුර නිසාම නිරන්තරයෙන් ක්‍රියාන්විතයේ සිටින බවක් පේනවා. පාර්ලිමේන්තුවේ සිටින ඇමැතිවරයෙක් අනෙක් අතට හමුදා සේවයේ ඉන්නවා. දේශපාලන බලය හසුරුවන අය හමුදාව තමන්ගේ අතට ගන්නවා. මේක රනිල්ගේ ප්ලෑන් එකක්.
සරත් ෆොන්සේකා පාර්ලිමේන්තු මන්ත්‍රිකම හෝ ෆීල්ඩ් මාර්ෂල් කියන තනතුරුවලින් එකක් තෝරාගත යුතුයි. මේ ඔක්කොම එකට කරන්න බැහැ.
පාර්ලිමේන්තු ප්‍රජාතන්ත්‍රවාදය අනුව විධායකය, අධිකරණය, ව්‍යවස්ථාදායකය එකිනෙකට වෙන් වෙනවා. විධායකයේ ඉන්න ගමන් ව්‍යවස්ථාදායකයේ ඉන්න බැහැ.
මේකා මේ ධුර ඔක්කොම දරාගෙන ඉන්දියාවට ගිහිල්ලා කියනවා ත්‍රිකුණාමලය වරාය ඉන්දියාවට දෙනවා කියලා.
