දහම් ගෙන් ගුටිකාපු ආරක්ෂක නිළධාරියා ක`දුලූ පිරි දෑසින් මාධ්‍යට කියන සංවේදි කතාව

ජනාධිපති මෛත්‍රීපාල සිරිසේනගේ පුත් දහම් සිරිසේන සහ තවත් පිරිසක් ඊයේ කොළඹ ගංගාරාම ප්‍ර‍දේශයේ පිහිටි රාත්‍රී සාමාජ ශාලාවකදී ගැටුමක් ඇතිකරගෙන ඇති බවට වාර්තා වූවා..
එහිදී පහර කෑමට ලක්වූ ආරක්ෂක නිළධාරියා මෙසේ මාධ්‍යයට තම අදහස් දැක්වී ය.

මහින්ද රාජපක්ෂගේ දෙබිඩි දේශපාලනය…

හිටපු ජනාධිපති මහින්ද රාජපක්ෂ පසුගිය දා දෙමළ මාධ්‍යවේදීන් පිරිසක් බත්තරමුල්ලේ පිහිටි තම දේශපාලන කාර්යාලයේදී මුණ ගැසී තිබිණි. දෙමළ භාෂාවෙන් මාධ්‍යකරණයෙහි නිරත එම මාධ්‍යවේදීන් සමඟ කළ කතාබහේදී හිටපු ජනාධිපතිවරයා දැක්වූ අදහස් පිළිබඳව උණුසුම් කතිකාවක් රට තුළ නිර්මාණය වී තිබේ. ඒ මූලිකවම ඔහු එහිදී දැක්වූ විවාදාත්මක අදහස් හේතුවෙනි.‍ සිංහල ජාතිවාදියකු ලෙස චිර ප්‍රසිද්ධව සිටින මහින්ද රාජපක්ෂ එම මාධ්‍ය හමුවේදී අදහස් දක්වා තිබුණේ ඊට මුළුමනින්ම පටහැනි ආකාරයටය. වත්මන් රජය දේශපාලන සිරකරුවන් නිදහස් කරද්දී කොටින් නිදහස් කරන බව කියමින් උස් හඬින් ඝෝෂා කළ රාජපක්ෂ හිටපු ජනාධිපතිවරයාගේ ස්වරය දෙමළ මාධ්‍යවේදීන් හමුවේ අදහස් දක්වත්දී ඊට වඩා සෑහෙන මෘදු බවට හැරී තිබිණි. අපරාධ චෝදනා නොමැති දේශපාලන සිරකරුවන් නිදහස් කිරීමේ ඇති වැදගත්කම අවධාරණය කර තිබූ රාජපක්ෂ මහතාගේ ස්ථාවරය ඒ පිළිබඳ වන යහපාලන රජයේ ස්ථාවරය සමඟ මුළුමනින්ම පෑහුණි. මෙම මාධ්‍ය හමුවේදී හිටපු ජනාධිපතිවරයා හොඳම “චරිත සහතිකය” ලබා දී තිබුණේ සී. වී. විග්නේශ්වරන් උතුරු පළාත් මහ ඇමැතිවරයාටය.
මහින්ද රාජපක්ෂ මහතාගේ ගෝලයින් පමණක් නොව උතුරේ දෙමළ දේශපාලනඥයන් පවා විග්නේශ්වරන්ගේ ජාතිවාදී ප්‍රකාශ දැඩිව ප්‍රතික්ෂේප කරන පසුබිමක හිටපු ජනාධිපතිවරයා මහ ඇමැතිවරයා සම්බන්ධයෙන් කළ ප්‍රකාශය විස්මයජනක එකක් විය. තමන්ගේ සමයෙහි මාධ්‍ය නිදහසක් පැවැති බවට සුපුරුදු පුරසාරම මෙම හමුවේත් දිගහැර තිබු හිටපු ජනාධිපතිවරයා තවත් බොරු බේගල් රැසක් එහිදී ඇද බා තිබිණි.