Sri Lanka Rupee Converter
සැබැවින්ම උතුරු පළාත් සභාවට ඉඩම් බලතල ලබාදීම ජාතික ආරක්‍ෂාවට තර්ජනයක්‌ වන බව පැහැදිලි ය. ජාතික ආරක්‍ෂාවේ නාමයෙන් මධ්‍යම ආණ්‌ඩුව පළාත් සභාවලට ඉඩම් බලතල ලබා දිය යුතු නැත. ඉඩම් බලතල ලබාදුනහොත් එය රාජ්‍යයේ සහජීවනයට ද ප්‍රශ්නයක්‌ වනු ඇත. 2009 මැයි මාසයෙන් පසු කොටි භීෂණයෙන් මිදුණු දෙමළ ජනතාවට දැන් නිදහසේ තම කටයුතු කරගෙන යැමට අවශ්‍ය වාතාවරණය උදා වී ඇත. හමුදාව සතුව තිබූ බොහොමයක්‌ ඉඩම් දැන් ජනතාව වෙත මුදාහැර ඇත. කලින් අධිආරක්‍ෂක කලාප දැන් දෙමළ ගම්බිම් බවට පත්වී ඇත. එසේම උතුරේ ජනයා අපට ඉඩම් බලතල අවශ්‍ය යෑයි පවසමින් කිසිදු විටක උද්ඝෝෂණ පවත්වා නැත.
නමුත් උතුරේ කපටි දේශපාලකයන්ට නම් ඉඩම් බලතල අත්‍යවශ්‍ය වී තිබේ. ඉන්දියාවටත් අවශ්‍ය උතුරු පළාත් සභාවට ඉඩම් බලතල පවරා දෙනු දැකීම ය. පළාත් සභාවට ඉඩම් බලතල පවරා දීම මගින්ම ඒකීය රාජ්‍යයට බලපෑම් සිදු වන බව නොකියාම බැරි ය.
උතුරු පළාත් සභාව නිරන්තරව සිදු කරන්නේ දේශපාලන සටන් පාඨ කීම පමණකි. මේ පළාත් සභාවෙන් උතුරු වැසියන්ගේ ජන ජීවිතය නඟාසිටුවීම වෙනුවෙන් සිදුවන සේවය ගැන කිසිදු ප්‍රචාරයක්‌ නැත. උතුරු මහ ඇමැතිවරයා තම දේශපාලන ජනප්‍රියතාව රැකගැනීම වෙනුවෙන් ජාතිවාදය පතුරුවන බව රහසක්‌ නොවේ. එලෙස ජාතිවාදය පැතිරවීම නිසා කොළඹ ආණ්‌ඩුව ද කිහිප වරක්‌ අපහසුතාවට පත්විය. යහපාලන රජයේ ප්‍රමුඛ කාර්යය වන්නේ සංහිඳියාව ආරක්‍ෂා කිරීම ය. නමුත් උතුරු මහ ඇමැතිවරයා "දෙමළුනි නැගිටිව්" මැයෙන් රැස්‌වීම් පවත්වන විට යහපාලන සංහිඳියාව පෑලදොරින් පලාගිය බව නම් සත්‍යයකි.
ඉඩම් බලතල ඉල්ලමින් යළිත් උතුරේ වළං බිඳින විග්නේශ්වරන් ලබාදෙන පණිවුඩය කුමක්‌දැයි දකුණේ ජනතාව හොඳින් අවබෝධ කරගත යුතු ය. නව ව්‍යවස්‌ථාව පිළිබඳ රටම කතාබහ කරද්දී ඉඩම් බලතල ගැන උතුරු මහ ඇමැතිවරයා උස්‌ හඬින් කෑගසන්නේ මන්ද? නව ව්‍යවස්‌ථාව හරහා ඒ බලතල ලබාගැනීමටද? නව ව්‍යවස්‌ථාව හරහා හෝ ඉඩම් බලතල පළාත් සභාවලට ලබා දීමේ උත්සාහයක්‌ තිබේ නම් එය පරාජය කළ යුතු ය. ඉඩම් බලතලත් පළාත් සභාවලට පැවරෙන ව්‍යවස්‌ථාවක්‌ සකස්‌ වුවහොත් එය ෙµඩරල් රාජ්‍යයකට පාර කැපීමක්‌ වනු ඇත. එයින් ආරම්භ වන්නේa කුමක්‌ද? ඒකීය රාජ්‍යයේ මළගමයි. රණවිරුවන් දිවි පුදා ආරක්‍ෂා කළ එකීය රාජ්‍යය නව ව්‍යවස්‌ථාව හරහා මරණයට පත්කළ යුතුද? නැත. එනිසා විග්නේශ්වරන්ගේ ඉල්ලීම්වලට කන්දිය යුතු නැත.
