Sri Lanka Rupee Converter
සරත් ගුණරත්නට රජයේ
ඇමැතිවරයකුගේ රැකවල්
මීගමුව කලපුව සංවර්ධනය කිරීමේ ව්‍යාපෘතියෙන් රුපියල් ලක්‍ෂ 3000 ක් වංචා කළ බව කියන සිද්ධිය සම්බන්ධයෙන් අපරාධ පරීක්‍ෂණ දෙපාර්තමේන්තුව මගින් අත්අඩංගුවට ගැනීමට නියමිතව සිටින හිටපු ඇමැති සරත් ගුණරත්නට රජයේ ප්‍රබලම ඇමැතිවරයකු රැකවරණය ලබාදී ඇති බවට පොලිස්‌ මූලස්‌ථානයට තොරතුරු ලැබී ඇත.එක්‌සත් ජාතික පක්‍ෂයෙන් ගම්පහ දිස්‌ත්‍රික්‌කය නියෝජනය කරන මෙම ප්‍රබල ඇමැතිවරයා අවස්ථා කීපයකදීම පොලිස්‌ දෙපාර්තමේන්තුවේ ඉහළ නිලධාරීන් කීප දෙනකුටම දුරකථනයෙන් ඇමතුම් ලබාදී සැකකාර හිටපු නියෝජ්‍ය ඇමැතිවරයා අත්අඩංගුවට ගැනීම කල්දමන ලෙසට බලපෑම් කර ඇති බවද වාර්තා වෙයි.
අත්අඩංගුවට ගැනීමට නියමිතව සිටින හිටපු නියෝජ්‍ය ඇමැති සරත් ගුණරත්න සොයා අපරාධ පරීක්‍ෂණ දෙපාර්තමේන්තුවේ නිලධාරීන් පසුගිය සතිය පුරාම මෙහෙයුම් ක්‍රියාත්මක කළද ඔහු සොයා ගැනීමට නොහැකි විය.සැකකාර හිටපු නියෝජ්‍ය ඇමැතිවරයා රට හැර යැම වැළැක්‌වීම සඳහා අපරාධ පරීක්‍ෂණ දෙපාර්තමේන්තුව අධිකරණය මගින් තහනම් නියෝගයක්‌ ලබාගෙන තිබුණි.එහෙත් රජයේ ප්‍රබල ඇමැතිවරයා සැකකාර හිටපු නියෝජ්‍ය ඇමැතිවරයාට රැකවරණය ලබාදෙමින් පොලිසියට බලපෑම් එල්ල කිරීම නිසා ඔහු අත්අඩංගුවට ගැනීමට නොහැකි වී ඇතැයි පොලිස්‌ මූලස්‌ථාන ආරංචිමාර්ග පවසයි.
