බැඳුම්කර මගඩිය නැවතත් ඵළිපිට ....!!!

සල්ලි හදිසියක්.. බිලියන 57ක සුවිශාල බැදුම්කර නිකුතුවක්.. බෑනාගේ මගඩි සමාගම සූදානම්.. දෙසැම්බරයේ බිලියන 145ක බැදුම්කර විකුණයි..!!! 
 මුදල් වර්ෂයක් අවසානය ඕනම ආයතනයක් සියලු ගිනුම් කටයුතු අවසන් කිරීමට අවශ්‍ය පියවර ගත්තත් රටේ මහා බැංකුව නත්තලට පස්සේ එනම් දෙසැම්බර් 27 හා 28 පිලිවෙලින් භාණ්ඩාගාර බැදුම්කර රුපියල් මිලියන 57000 ක් සහ භාණ්ඩාගාර බිල්පත් රුපියල් මිලියන 11500 ක් එකතුව රුපියල් බිලියන 68.5 ක් වෙන්දේසියේ අලෙවි කිරීමට දැන්විමක් පල කොට ඇත. 11.5 පමණ ඉහල පොලියක් මේ සදහා ගෙවීමටද මහ බැංකුව සූදානමින් සිටී.
මෙය දෙසැම්බර් මාසයේදී මෙතෙක් ලබාගත් රුපියල් බිලියන 78 ට එනම් මිලියන 78000 කට අමතරවය. ඒ අනුව දෙසැම්බර් මස 28 දින දක්වා පමණක් රුපියල් බිලියන 146.5ක් මහා බැංකුව මහජනතාවගේ මුදල් මහා බැංකුවේ ලියාපදිංචි ප්‍රාථමික වෙළෙන්දන් මාර්ගයෙන් මිලදී ගෙන ඇත.

මෙම 27 වන දිනට අදාල බැදුම්කර වෙන්දේසිය සිදු කෙරෙන අතර 2017 ජනවාරි 02 වැනි දිනට පෙර ගෙවීම් සිදු කල යුතුයි.මෙම බැදුම්කර නිකුත්ව මහ බැංකුව විසින් සිදු කරනු ලබන සුවිශාලතම බැදුම්කර වෙන්දේසියක්ද වෙයි.
මෙහි වැදගත් කරුණ වනුයේ රටේ මෙන්ම පාර්ලිමේන්තුවේ මහත් ආන්දෝලනයකට තුඩු දුන් හිටපු මහා බැංකුවේ අධිපති අර්ජූන් මහේන්ද්‍රන් ගේ බෑනාගේ සමාගම පර්පෙචුවෙල් සමාගම ද මහා බැංකුවේ ගැනුම්කරුවන්ගේ ලැයිස්තුවේ නිරුපද්‍රිතව පෙනි සිටීමයි.
මේ අනුව පැහැදිලිව පෙනෙනුයේ රටේ පවතින ආර්ථික අර්බුදය හමුවේ රජය අති විශාල ලෙස දේශීයව වැඩි පොලියට ණය ලබා ගන්නා බවයි. ආර්ථික විශ්ලේශකයින් කැට තබා කියන්නේ අනිවාර්යයෙන්ම ලබන වසරේදී ශ්‍රී ලංකාව දැඩි මුල්‍යමය අර්බුදයකට ගමන් කරමින් සිටින බවයි.