Sri Lanka Rupee Converter
රටේ වාර්ෂික සහල් පරිභෝජනය මෙට්‍රික් ටොන් ලක්ෂ 22කි. එනම් මසකට ටොන් ලක්ෂ 2 කට ආසන්නය. එහෙත් පසුගියදා ආණ්ඩුව ප්‍රධානින් එකතු වී ගත් තීරණයක් අනුව රජය විසින් වී අලෙවි මණ්ඩලය හරහා පවත්වාගෙන යන ආරක්ෂිත තොගය එනම් මෙට්‍රික් ටොන් ලක්ෂ 3න් සතියකට අවශ්‍ය තොග ප්‍රමාණය පමණක් එනම් ටොන් 50000 (පනස් දාහක්) ක් පමණක් රදවාගෙන ඉතිරිය ප්‍රධාන මෝල් හිමියන් 10 දෙනෙකු අතරේ මුදා හැරිමටයි.
මෙය කන වැටුනු පිටකොටුවේ ජවාරම්කාරයින් කඩි මුඩියේ ලංකාට හදිසි අවස්ථාවක දි සහල ආනයනය කරන රටවල් වෙත දන්වා ඇත්තේ ලංකාවේ විශාල සහල් හිඟයක් ඉදිරි මාසයේදී ඇති වෙමින් පවතින බවත් හැකි තරම් දුරට සහල් තොග විශේෂයෙන්ම තම්බාපු සහල් Parboiled Rice 10% broken රැස් කර තබා ගන්නා ලෙසත්ය.
එමෙන්ම රජයේ ඉහළින් මෙම ඇණවුම් ලබා ගන්නා බැවින් ඔහුනට මෙට්‍රික් ටොන් එක්කට ඩොලර් 55 ක් පමණ ගෙවිය යුතු බවයි. ඒ අනුව සහල් ලංකාවට ආනයනය කරන ඉන්දීයාව බංග්ලාදේශය සහ පකිස්තානය යන රටවල ඉන්න තැරව්කරුවන් මගින් මේ වනවිට අවශ්‍ය සම්බන්ධිකරණය සිදු කොට ඇත. ඉන්දියාවේ සහ බංගලිදේශයේ මේ වනවිට ඩොලර් 350 කට පමණ තම්බාපු සහල් මෙට්‍රික් ටොන් එකක් අලෙවිකරන අතර එය ලංකාවේන් ඇණවුම් ලැබුණ විගස ටොන් එක ඇමරිකානු ඩොලර් 450 කට පමණ මිල වැඩි කිරීමට අදාළ තැරව්කරුවන සහල් ආනයන සැපයුම්කරුවන් එකඟ කරවා ගෙන් ඇත.
මේ අනුව රජය ලක් සතොස හරහා සහල් ආනයනය කලොත් සෑම මෙට්‍රික් ටොන් එකකින්ම කොමිස් ලබාදීමට අවශ්‍ය කටයුතු මෙන්ම එසේ නොමැතිව පුද්ගලික අංශය හරහා තොරාගත් ජාවාරම් කරුවන් හරහා පමණක් ආනයනය කරන්නේ නම් එම තොගය අනුව විශාල මුදලක් අදාළ බලධාරීන්ට ලබාදීමට අවශ්‍ය කටයුතු මේ දිනවල දිවා රෑ නොබලා ලහි ලහියේ සිදු වන බව දැනගන්නට ලැබි ඇත.
එමෙන්ම සහල් ආනයනයට සම්බන්ධ එක්තරා අමාත්‍යාංශයක ඉහළම බලවතා හමුවී එක් ජවාරම් කාරයකුගේ බොකර්වරයෙකු ප්‍රකාශ කර ඇත්තේ මේ සහල් මිල පාලනය කිරීමට සහල් පිටරටින් ගෙන්වන්න ගත්ත තීරණය ඉතා වැදගත්, හැකිනම් කිලෝවට තිබෙන ආනයනය බද්ද වන රුපියල් 50 ඉවත් කර දෙන්නේ නම් කිසිම කරදරයක් නැතිව ඔබතුමාගේ දේශපාලන කටයුතුවලට මුලු ජීවිත කාලයටම අවශ්‍ය මුදල් අපි එකපාර ගෙවන්නම් කියාය.
