Sri Lanka Rupee Converter
නීතිගරුක යහපත් සමාජයක් වශයෙන් අප අණපනත් පිළිපැදිය යුතු බව පැවසූ ඇමැතිවරයා වාහන නීති උල්ලංඝනය කරන රියෑදුරන් වෙනුවෙන් දඩ මුදල් වැඩි කළ යුතු බව ද පැවසීය.
හෙතෙම වැඩිදුරටත් මෙසේ ද පැවසීය. දඩ මුදල් වැඩි කළා සේම වාහන අල්ලන නිලධාරීන් ද විනයගරුක විය යුතුයි.
සමහර පොලිස්‌ නිලධාරීන් පාරේ අහුමුලුවල සැඟවී සිට ග්‍රීස්‌ යකුන් වගේ එක්‌වරම වාහන නැවැත්වීමට කඩාපනිනවා.
එපමණක්‌ නොවෙයි. වාහනය නවතා රියෑදුරා තමා ළඟටම එනතුරු පොලිස්‌ නිලධාරියා බලාගෙන ඉන්නවා. සමහර පොලිස්‌ නිලධාරීන් පගාව ගහනවා. දඩ මුදල් වැඩි කළා සේම පොලිසිය සැබෑ තත්ත්වය අවබෝධ කරගත යුතුයි. පොලිස්‌ නිලධාරීන්ගේ නිල ඇඳුමටත් කුඩා කැමරාවක්‌ සවි කළ යුතුයි. එවිට ඔවුනට නීති විරෝධී කිසිවක්‌ කළ නොහැකි වෙනවා.
– දිවයින
