සිරගත කර සිටින LTTE ත්‍රස්ථයන්ගෙන් කොටසක් ලබන මස 7ට පෙර නිදහස් කරන්න පොරොන්දුවෙයි...!!!

“සිරගත කර සිටින LTTE ත්‍රස්ථවාදී රැඳවියන්ගෙන් කිහිපදෙනෙකු 2016.11.07 දිනට පෙර නිදහස් කිරීමට ජනාධිපති මෛත්‍රීපාල සිරිසේන පොරොන්දු වී ඇතැයි විපක්‍ෂ නායක ආර්.සම්බන්ධන් ප්‍රකාශ කරයි. 

“අධිකරණ අමාත්‍ය විජයදාස රාජපක්‍ෂ සමඟ 2016.10.17 වන දින පැවැත්වූ සාකච්ඡාවෙන් අනතුරුව අධිකරණ අමාත්‍යවරයා සහ ආර්.සම්බන්ධන් ජනාධිපතිවරයා සමඟ පැවැත්වූ සාකච්ඡාවේදී, ජනාධිපතිවරයා මෙම පොරොන්දුව ලබාදෙන ලදි. LTTE ත්‍රස්ථවාදී රැඳවියන්ට පොදු සමාව ලබාදී නිදහස් කළ යුතුය යන ඉල්ලීම ආර්.සම්බන්ධන් එහිදී ඉදිරිපත් කළ අතර නඩු විභාග වෙමින් පවතින LTTE ත්‍රස්ථවාදී රැඳවියන්ගේ නඩු ඉල්ලා අස්කර ඔවුන්ද නිදහස් කරන මෙන් සම්බන්ධන් ඉල්ලා සිටියහ. LTTE ත්‍රස්ථවාදී රැඳවියන්ගේ ගැටළු විසඳීමට රජය ඉල්ලා සිටි මාස 03 ක කාලය අනුමත කළ නොහැකි බව එම අවස්ථාවේදී සම්බන්ධන් ප්‍රකාශ කළෙය. 
බරපතල අපරාධ සිදුකර රැඳවියන් හැර, අනෙකුත් රැඳවියන්ගේ ගැටළුව කඩිනමින් විසඳිය යුතුය යන කරුණ සම්බන්ධයෙන් දෙපාර්ශවය එකඟතාවයකට පැමිණෙන ලදි. 

අධිකරණ අමාත්‍යවරයා සමඟ පැවති සාකච්ඡාවේදී සම්බන්ධන් සමඟ සහභාගි වූ පාර්ලිමේන්තු මන්ත්‍රී එම්.ඒ.සුමන්දිරන් එම තීරණය සම්බන්ධයෙන් උපවාසයේ නිරත වී සිටින රැඳවියන්ට දන්වා සිටින ලදි. රජය සමඟ ඇතිවී තිබෙන එකඟතාවය ක්‍රියාවට නැංවීම LTTE ත්‍රස්ථවාදී රැඳවියන් ගන්නා තීරණය මත රැඳි ඇත. LTTE ත්‍රස්ථවාදී රැඳවියන් මෙම තීරනය පිළිගන්නේ නම්, ඔවුන්ගේ උපවාසය අත්හැර දැමීමට හැකියාව ඇති බව සම්බන්ධන් ප්‍රකාශ කළේය.
 අරූ නිව්ස් ( Aroo News )