Sri Lanka Rupee Converter
මාලබේ සයිටම් වෛද්‍ය විද්‍යායතනයේ තැන්පත් කර තිබූ අස්‌ථි කොටස්‌ තොගයක්‌ පසුගියදා අපරාධ පරීක්‍ෂණ දෙපාර්තමේන්තුව විසින් රැගෙන ගියා. අධිකරණ නියෝගයක්‌ අනුව ඒවා රැගෙන යැමේදී එම අස්‌ථි බහාලුම් සයිටම් ආයතනය ලවා මුද්‍රා තැබුවේ නෑ. එනිසා එම අස්‌ථිවල ඉදිරි තත්ත්වය අපට භාරගන්න බැහැ යෑයි දකුණු ආසියානු තාක්‍ෂණ හා වෛද්‍ය අධ්‍යාපන ආයතනයේ (සයිටම්) සහ වෛද්‍ය නෙවිල් ප්‍රනාන්දු ශික්‍ෂණ රෝහලේ නිර්මාතෘ සහ ප්‍රධානී විශේෂඥ වෛද්‍ය නෙවිල් ප්‍රනාන්දු පැවසීය.එම රෝහලේ ශ්‍රවණාගාරයේ (20 දා) පැවති මාධ්‍ය හමුවකදී හෙතෙම මේ බව පැවසීය.
එහිදී වැඩිදුරටත් අදහස් දැක්‌වූ වෛද්‍ය නෙවිල් ප්‍රනාන්දු මෙසේද කීය.
අභිරහස්‌ අන්දමින් ඝාතනයට ලක්‌වූයේ යෑයි කියන රගර් ක්‍රීඩක වසීම් තාජුඩීන්ගේ බවට සැක සහිත අස්‌ථි කොටස්‌ අප වෛද්‍ය විද්‍යාලයේ ඇති බවට අධිකරණ නියෝග සහිතව අපරාධ පරීක්‍ෂණ දෙපාර්තමේන්තුවේ නිලධාරීන් සහ සෙසු පාර්ශ්වයන් ගණනාවක්‌ පැමිණ මෙහි දරුවන්ගේ අධ්‍යාපන කටයුතු සඳහා තැන්පත් කර තිබූ අස්‌ථි කොටස්‌ පෙට්‌ටිවලට අසුරා රැගෙන ගියා. ඒවා රැගෙන ගිය ආකාරය සම්බන්ධයෙන් අපට සෑහීමකට පත්වීමට හැකියාවක්‌ නෑ. සාමාන්‍යයෙන් සැක සහිතව පරීක්‍ෂණ කිරීමට එම කොටස්‌ අපෙන් රැගෙන යැමේදී එහි බහාලුම් මනාව මුද්‍රා කර අපගේ මුද්‍රව තබන්න ඕනෑ. එහෙත් එම අස්‌ථි කොටස්‌ පෙට්‌ටිවල දමා එම අයගේ මුද්‍රාව පමණක්‌ තබා රැගෙන ගියා. එම කටයුත්ත අපට ගැටලු සහගතයි. ඒවා රැගෙන ගොස්‌ එම බහාලුම් විවෘත කර සිද්ධියට සම්බන්ධ දේ එයාලාට ඇතුළත් කළ හැකියි.
අපි එදා සිට අද දක්‌වා පරීක්‍ෂණවලට සහාය දක්‌වනවා. එහෙත් ඔය අස්‌ථි සම්බන්ධයෙන් වගකීම අපි ගන්නේ නෑ. ඒවා නීත්‍යනුකූලව රැගෙන ගියා නම් අපිට ගැටලුවක්‌ නෑ. එයාලා අපේ මුද්‍රdව ලබා ගත්තේ නෑ. ඒක ලොකු හිඩැසක්‌.
