Sri Lanka Rupee Converter
මහ බැංකුවේ හිටපු අධිපති අර්ජුන් මහේන්‍ද්‍රන්ගේ බෑණනුවන් වන අර්ජුන් ඇලෝසියස්ට අයත් පර්පචුවල් ට්‍රෙෂරීස් සමාගම මේ වනවිට අධික ලාබයක් අත්පත්කර ගනිමින් ලංකාවේ අංක එකේ සමාගමක් දක්වා වර්ධනය වී ඇති අතර එහි නවතම වාර්තාවක් මේ වනවිට නිකුත් වී තිබේ.
එම වාර්තා අනුව අර්ජුන් ඇලෝසියස්ගේ සමාගම 2016 අප්‍රේල් සහ මැයි මාස දෙකේ ලාභය ඉතා අධික ලෙස වර්ධනය වී ඇති අකාරය මෙම වාර්තාවෙන් පෙන්නුම් කරයි.
ලංකාවේ ප්රධාන පෙළේ වාණිජ බැංකුවල 2015 මාර්තු-2016 මාර්තු වර්ෂයට අදාළ ලාභයට වඩා විශාල ලාභයක් පර්පචුවල් ට්‍රෙෂරීස් සමාගම ලබාගෙන තිබේ. එම ලාභය කෝටි 520ක් ඉක්මවා යන අතර ඒ අනුව පර්පචුවල් ට්‍රෙෂරීස් සමාගමේ එක් දිනක ලාභය එක්කොටි අසූ ලක්‍ෂයක් (18,000,000) වේ.සියළු දත්ත ඇතුළත්වු වාර්තාව සහිතයි
විශාල ශාඛා ප‍්‍රමාණයක්, විශාල සේවක සංඛ්‍යාවක් ඇති වානිජ බැංකුවක් ලබන ලාභයට වඩා එක් කාර්යාලයක් තිබෙන, සේවකයින් 20ක් පමණ සිටින සමාගමක් ලබා ගැනීම විශ්මය ජනකය. 2014 වර්ෂයේ පර්පචුවල් ට්‍රෙෂරීස් සමාගමේ ලාභය කෝටි 90ක් වනවිට 2015 වසරේ අතිවිශාල ලාභයක් ලබන්නේ බැඳුම්කර අලෙවියෙන් බව සනාත වෙමින් තිබේ.
2013 වසරේ ආරම්භ කරපු එම සමාගම 2015දී කෝටි 520ක් ලාභ ලැබීමට ප්රධාන සාධකය වන්නේ 2015 පෙබරවාරි මාසයේ සිදුවූ මහ බැංකු බැඳුම්කර ගනුදෙනුවයි. එම සමාගම විසින් සිදුකරනු ලබන්නේ බැඳුම්කර මිලදීගෙන විකිණීම පමණයි.
