බැසිල්ගේ මල්වානේ ඉඩම විකුණන්න උසාවියෙන් නියෝග

මල්වානේ ඉඩමක් සම්බන්ධයෙන් හිටපු ආර්ථික සංවර්ධන ඇමැති බැසිල් රාජපක්ෂට එරෙහිව පවරා තිබූ නඩුවේ තීන්දුව ලබාදෙමින් පූගොඩ මහේස්ත්‍රාත් ඩී.ඒ.රුවන්පතිරණ  නියෝග කළේ එම ඉඩම ප්‍රසිද්ධ වෙන්දේසියේ විකුණා ලැබෙන මුදල් නඩුවට බැර කරන ලෙසයි.

බැසිල් රාජපක්ෂ උසාවියට කියා තිබුණේ එම ඉඩම තමාට අයත් නොවන බවයි. එබැවින් හිමිකමක් නොමැති එම ඉඩම විකුණා මුදල් නඩුවට බැර කරන්නේද නැද්ද සම්බන්ධයෙන් විත්තියෙන් ද අදහස් විමසා අද අධිකරණය තීන්දුවක් ලබා දීමට නියමිතව තිබිණි.