Sri Lanka Rupee Converter
හොර නීතිඥ නාමල්ට චෝදනා ගොනු කිරීමට නියෝග
ප්‍රකාශයක්‌ ලබා ගැනීම සඳහා පැමිණෙන ලෙසට කළ දැනුම්දීම පැහැර හැර කටයුතු කළ පාර්ලිමේන්තු මන්ත්‍රී නාමල් රාජපක්‍ෂට එරෙහිව අල්ලස් හෝ දූෂණ කොමිෂන් සභාවට අපහාස කිරීම සම්බන්ධයෙන් චෝදනා පත්‍රයක්‌ ශ්‍රේෂ්ඨාධිකරණය හමුවට ඉදිරිපත් කරන ලෙස අගවිනිසුරු කේ. ශ්රී පවන් ඊයේ (15 දා) නියෝග කළේය.
අගවිනිසුරුවරයා අල්ලස් හෝ දූෂණ විමර්ශන කොමිෂන් සභාවේ අධ්‍යක්‍ෂ ජනරාල්වරියට එලෙස නියෝග කළේ නාමල් රාජපක්‍ෂ තම කොමිෂන් සභාව විසින් කළ කැඳවීම් නොසලකා හැරීමෙන් කොමිසමට අපහාස කළේ යෑයි පෙන්වා දෙමින් කළ පැමිණිල්ලක්‌ කැඳවූ අවස්‌ථාවේදීය.
පැමිණිලිකාර අල්ලස් හෝ දූෂණ විමර්ශන කොමිෂන් සභා අධ්‍යක්‍ෂ ජනරාල්වරිය ඇගේ පැමිණිල්ල සමඟ ඉදිරිපත් කළ යුතු දිවුරුම් ප්‍රකාශය හා පෙත්සම ශ්‍රේෂ්ඨාධිකරණයට ඉදිරිපත් කර නොමැති බැවින් අල්ලස් කොමිසමේ අධ්‍යක්‍ෂ ජනරාල්වරියගේ ඉල්ලීම සලකා නොබලන ලෙසට වගඋත්තරකාර නාමල් රාජපක්‍ෂ වෙනුවෙන් පෙනී සිටි ජනාධිපති නීතිඥ ගාමිණී මාරපන ශ්‍රේෂ්ඨාධිකරණයෙන් ඉල්ලීමක්‌ කොට තිබුණි. එහෙත් විත්තියේ නීතිඥවරයා ඉදිරිපත් කළ එම මූලික විරෝධතාව ප්‍රතික්‌ෂේප කළ ශ්‍රේෂ්ඨාධිකරණය ඉහත නියෝගය කළේය.
