Sri Lanka Rupee Converter
.jpg)
මාධ්‍යවේදී ප්‍රගීත් එක්නැලිගොඩ අතුරුදන්වීමේ සිද්ධියට අදාළ නඩුව හෝමාගම මහේස්ත්‍රාත් අධිකරණයේ දී විභාගයට ගත් අවස්ථාවේ අධිකරණයට අපහාස වන අයුරින් කටයුතු කළ බවට ඥානසාර හිමිට එරෙහිව හෝමාගම මහේස්ත්‍රාත්වරයා විසින් නඩු පවරා තිබුණි.
අදාළ නඩුව නීතිය ඉදිරියේ පවත්වාගෙන යාමට හැකියාවක් නොමැති බව ගලගොඩඅත්තේ ඥානසාර හිමි වෙනුවෙන් පෙනී සිටි නීතීඥවරු අධිකරණයට පෙන්වාදී ඇත.
ඒ අනුව එම චෝදනා පත්‍රය නැවත සංශෝධනය කිරීමට හැකියාව ඇත් ද යන්න පිළිබඳ සොයාබලා කරුණු දක්වන ලෙස අභියාචනාධිකරණය නීතිපතිවරයාට නියම කර ඇති බව අද දෙරණ අධිකරණ වාර්තාකරු සඳහන් කළේය.
එම කරුණු දැක්වීම ඔක්තෝබර් මස 13 වැනිදා සිදුකරන ලෙස ද අභියාචනාධිකරණය නීතිපතිවරයාට දැනුම් දී ඇති බව සඳහන්ය.
