Sri Lanka Rupee Converter
මහවැලි අමාත්‍යාංශය මගින් ප්‍රකාශයට පත්කළ ඉසුර සඟරාවේ ඡායාරූප ශිල්පියකු ලෙස සිය මාධ්‍ය කලාව ආරම්භ කළ ශ්රී ලාල් ගෝමස් හිටපු මහවැලි ඇමැති ගාමිණි දිසානායකගේ නිල ඡායාරූප ශිල්පියා ලෙසද කටයුතු කළේය.
1992 වසරේ දිවයින පුවත්පතේ ඡායාරූප ශිල්පියකු ලෙස සේවයට එක්‌වූ ශ්රී ලාල් පසුව උපාලි පුවත්පත් සමාගමේ ඡායාරූප කර්තෘ ධුරයද දැරීය.
පසුව ලක්‌බිම පුවත්පතේ ආරම්භක ඡායාරූප කර්තෘවරයා ලෙසද කටයුතු කළ හෙතෙම වැවිලි කර්මාන්ත ඇමැති නවීන් දිසානායකගේ ආරාධනය මත එම අමාත්‍යාංශයේ මාධ්‍ය ලේකම්වරයා ලෙස අවසන් වරට සේවය කළේය.
දක්‍ෂ මංගල ඡායාරූප ශිල්පියකු සහ කාලීන ප්‍රවෘත්ති ඡායාරූප ශිල්පියකු ලෙස ක්‍ෂේත්‍රයේ නමක්‌ දිනා සිටි ශ්රී ලාල් ඡායාරූප සංගම් රැසක ප්‍රධාන නිලතල හෙබවිය. ශ්රී ලංකා වෘත්තීය පත්‍රකලාවේදීන්ගේ සංගමයේ විධායක සභිකයකු ලෙස ඔහු කටයුතු කළේය.
මියුරින් සිල්වාගේ ආදරණීය ස්‌වාමිපුරුෂයා වූ ශ්රී ලාල් ගෝමස් කාංචනා දියණියගේත් ශ්‍රීකාන්ත සහ ශ්‍රීනාත් පුතුන්ගේත් පියාණන් වූ අතර දර්ශන ජයසිංහගේ මාමණ්‌ඩිය විය.
ඔහුගේ අවසන් කටයුතු 13 වැනිදා සවස 3.00ට සපුගස්‌කන්ද රෝමානු කතෝලික සුසාන භූමියේදී සිදු කෙරෙන අතර අංක 639/2 ඒ ආසිරි මාවත, මාකොළ උතුර මාකොළ දරණ නිවසේ දේහය තැන්පත් කර ඇත.
