Sri Lanka Rupee Converter
අඩි තුනහමාරක්‌ සහ අඩි එකහමාරක්‌ උස සුදු පැහැති මෙම බුදු පිළිම දෙක කැබලිවලට කඩා සිරස් දෙක ඒ අසල තබා ඇත. මෙම බුදු පිළිම දෙක යුද හමුදාව විසින් ස්‌ථාපිත කොට තිබුණේ හමුදා සේනාංක එම පළාත්වල සිටි කාල වකවානුවේදී වන්දනාමාන කිරීමටය.
බුදු පිළිම දෙක විනාශ කිරීම සම්බන්ධයෙන් කිසිවෙකුත් පොලිසියට පැමිණිලිකොට නැතත් කනගරායන්කුම පොලිසිය මේ සිද්ධිය පිළිබඳව වන්නි දිසාව භාර නියෝජ්‍ය පොලිස්‌පතිවරයාට දැනුම්දී තිබේ...
කිළිනොච්චියේ බුදු පිළිම කැඩූ
අයට නීතිය ක්‍රියාත්මක කරන්න
හෙළ බොදු සවිය ජනපතිගෙන් ඉල්ලයි
ශ්‍රී ලංකා යුද හමුදාව විසින් කිලිනොච්චියේ කනගරායන්කුලම් ප්‍රදේශයේ ස්‌ථාපිත කරන ලද බුද්ධ ප්‍රතිමා වහන්සේ කඩාබිඳ දැමූ පිරිසට එරෙහිව වහා නීතිය ක්‍රියාත්මක කරන ලෙසත් එම ස්‌ථානයේ එම බුදුපිළිම වහන්සේ නැවත ස්‌ථාපිත කරන ලෙසත් ඉල්ලා ජාතික හෙළ උරුමයේ ආගමික සංවිධානය වන හෙළ බොදු සවිය ජනාධිපති මෛත්‍රිපාල සිරිසේනට ඊයේ (31 වැනිදා) ලිපියක්‌ යොමු කරමින් ඉල්ලීමක්‌ කර ඇත.
එම සංවිධානයේ සභාපති බුදගල ජිනවංශ හිමියන් විසින් අදාළ ලිපිය යොමුකර ඇති අතර එහි වැඩිදුරටත් දක්‌වා ඇත්තේ ජනාධිපතිවරයා බලයට ගෙන ඒමට වෙහෙස වූයේ මෙවැනි තත්ත්වයක්‌ උදාවනු දැකීමට නොවන බවත් සඳහන් කර ඇත.
යහපාලන ආණ්‌ඩුව තුළ බෞද්ධයන්ට එරෙහිව සිද්ධීන් කිහිපයක්‌ම සිදුවී ඇති බවත් එම ලිපිය මගින් පෙන්වා දී තිබේ.
යුද්ධයෙන් පසුව උතුරු නැගෙනහිර දෙපළාතේ මුස්‌ලිම්, කතෝලික, ක්‍රිස්‌තියානි දේවස්‌ථාන හා හින්දු කෝවිල් විශාල ප්‍රමාණයක්‌ ඉදිකර තිබියදී මෙලෙස බුද්ධ ප්‍රතිමා විනාශ කිරීම කිසිසේත් අනුමත කළ නොහැකි බව එම ලිපියේ වැඩිදුරටත් දැක්‌වේ.
